لحظات حيرة وتوتر تمر بنا قبل البدء في اخذ اي قرار
القليل منا من يستطيع ان يحكم علي نفسه وظروفه ويخرج قراره من اعماق راسه
كثيرا ما نحاول
ندبر ونخطط
نفكر ندرس كل الاوضاع
نضع في حساباتنا اشياء كثيرة ربما لم نفكر بها من قبل
ونصدر قرار ربما في لحظات وربما بعد وقت طويل
ونفاجا من من حولنا بانتقادات كثيرة
ربما تكون في صالحنا وربنا نعترض بشده عليها
لا الكلام كدة مش حلو
الموضوع وما فيه ازاي الواحد ياخد قرار ويرضي كل الاطراف
ومين اهم في الموضوع
يعني زي موضوع الدراسة او الجواز اكيد كل واحد بيختار حسب ال يريح مزاجه
بس هتلاقي والدك او والدتك ليهم راي تاني ونفسهم في حاجة تانية
من حق الناس دي عليك انك تسمع لكلامهم علي الاقل تريحهم
اكيد من حق كل واحد انه يختار حياته
مش من حق حد يغصبك عليها
بس باللين والرحمة مع ناس اكيد تتمنالك الخير من كل قلبها واكتر ليك من نفسها
من المعروف عن جيلنا التسرع والاندفاع
بس اما تلاقي كل الاراء مش معاك
وانت بس ال مقتنع برايك لازم تاخد خطوة للخلف تفكر
ليه الناس دي مش شايفة ال انا شايفه
ليه انا بس ال مش مرتاح لرايهم
كتير بنقول ده زمن وده زمن
لا الزمن مش بيلغي الخبرة
بالعكس اكيد الناس دي برده مرت بنفس الظروف مع اهلها واختارت الصح
يمكن كان بيناسب الاهل ويمكن لا
ممكن فكرتك مش غلط بس محتاجة شوية احتياطات
مش دايما بيكون القرار من الراس هو الصح
لازم نحكم الامور ونحاول علي الاقل نفكر
من غير تعصب اعمي
ومن غير ما نكسر الحاجة الحلوة ال بينا وبين اعز الناس
وصف الاحساس
ليست هناك تعليقات:
إرسال تعليق