علي طول الحياه لا مش هنغني اعز الناس
هنقول علي طول الحياه بنمر بمراحل واحداث مختلفة
من واحنا صغيرين مشغولين دايما
ساعات بالدراسة ممكن باللعب ممكن بحاجات تانية
وبيمر العمر وتعدي الايام مش بنحس بالفرحة الا اما نخرج من دوامة التعليم
ونسيب الدراسة نبدء ندور علي شغل
منا ال بيلاقي ومنا ال بيتاخر شويه ومنا ال بيستني كتير
بس بعد ما ننشغل تاني بنحس اننا نفسنا نرجع بالزمن لورا
نفسنا في شويه هوا مافيهمش مسؤلية
شويه لعب
اصحابنا ومشاوير كنا بنعملها
نفكر كتير ضاع من عمرنا فترة طويله اوي في التعليم
من ابتدائي لاعدادي لثانوي لجامعة
تلاقي في دماغك سؤال غريب
انا كنت فين وقت دة كله ما حصل ؟؟؟
ترد كنت بتعلم
ترجع تاني تسال انا حياتي اصحابي زكرياتي فين ؟؟؟
تدور جواك ممكن تلاقي حبه زكريات حلوة
في ناس حلوة مرت في حياتك بس للاسف ظروف التعليم فرقت بينكو
وقت كتير ضاع في الجري ورا الدروس والمذاكرة والمحاضرات والكتب
ونخرج من مشوار طويل فرحانين اننا خلصنا
بس نحس اننا تعبنا اوي
كمان من غير حاجات كتير حلوة
مش عارفة ايه الحل؟؟؟
ماهو ما ينفعش نبطل تعليم
كمان ما ينفعش وظلم ان العمر ده كله يمر كدة
بنعيش فيه نستني الامتحان والنتيجة والاجازة
ونبدء تاني امتحان ونتيجة واجازة
كتير بجد
احلي سنين بتمر واحنا مش حاسيين
في منا بيضيع وقته كله في محاربه زمايله في التعليم
وانه لازم يبقي في الاول
ونخسر بعض ونغير من بعض
بيتهيالي المساله ابسط من كدة بكتير
والوقت ده مش هيتكرر وكفايه انه مخنوق مزاكرة وكتب
انا بكتب كلامي ده مش عشان نبطل مذاكرة وما ندورش علي الاول
ولا لاني بقلل من اهمية التعليم ولا الفترة دي
بالعكس
علي قد ما هي فترة مهمة في حياه الانسان
مش بس في التعليم
كمان انه يقدر وسط الزحمة دي كلها يلاقي روحه فين
يعيش وقته
حاسة ان وقت طويل فات من عمري مش لاقي
مذاكرة ومدرسة وكليه
واما جيت اتخرج اشتغل مفيش برده وقت ل انا مع حياتي
ياريت نقدر فعلا نقدر اهمية الفترة دي من حياتنا كطلبه وكاهل
محدش يشيل فوق طاقته ولا حد يشيل حد فوق طاقته
كمان ما نديش الامور حجم اكبر من حجمها
ونعرف بالظبط ايه الهدف من حياتنا ومن المشوار ال احنا ماشيينه
ما نبقاش عايشين مع العايشين
ولا ماشيين مع الماشيين
لا نبقي فعلا موجودين وماثرين
مستمتعين بحياتنا
ال هي مش هنعيشها الا مرة واحدة بس
فياريت نعيشها صح وبكل ما فيها
وصف الاحساس
تحياتي
ليست هناك تعليقات:
إرسال تعليق