كنت زمان بقول انه ان الانسان اما يحب شئ جميل
وانما اما يتحب شيء اجمل
مع اني ما عشتش الاحساس ده قبل كدة
بس كنت برجع واقول
ان الانسان اما يعيش عشان يسعد حد
احساس اجمل بكتير انك تحس انك سبب سعادة حد
ساعتها تحس انك انت ال فرحان
وان التعب ال فيك حتي لو مالقيتش حد يشيله منك
فمش مهم طالما حبيبك فرحان
زي ما شيرين غنت
كنت بشوف في عنيه الفرحة اقول لدموعي بلاش
فعلا احساس جميل
بس كل واحد وله طاقة
وزمان علمونا ان الطاقة لا تفني ولا تستحدث من عدم
وطول ما انت بتروي ما بتتسقيش بتعطش
طول ما حبيبك بياخد ما بيديش بتتعب
انما اما تكون انت ال في الوضع التاني
حد بيحبك اوي انت بس بتقدره ممكن بتحترمه
ممكن مش شايفه انسان وحش بالعكس
انسان طيب وجميل يستاهل انه يتحب ويتعامل كويس
بتتعامل معاه وبتدي نفسك فرصة انك تحبه
او ممكن تتعود عليه الاول وتلاقيه ملا قلبك بالحب والحنان
ساعات بنقسي علي ناس حبونا وبنجرحهم
لكن عشان هما بيحبونا اوي
واحنا عندهم غالين اوي
فمش بيفكرو ان احنا جرحناهم لا
بتلاقي حبيبك يقرب منك بحنا ويسال مالك
ايه ال مزعلك ..
تراجع نفسك ده انا ال زعلته
يقولك حاسس بيك متضايق عارف انه غصب عنك
تلاقي نفسك بين اديه بتبكي وغصب عنك تحكي
تلاقي جبل علي صدرك اتشال ورجعت تتنفس طبيعي
وترجع تعتذر عن انك زعلته
وتحس من جواك انه فعلا ما يستاهلش منك اي لحظة تالمه فيها
الناس دي صعب ان احنا نلاقيهم
والاصعب ان احنا نضيعهم
لحظات صعب تتوصف
وان اتوصفت نقول
حنان وحب مالوش نهاية
وصف الاحساس
تحياتي
ليست هناك تعليقات:
إرسال تعليق