الأحد، 16 مايو 2010

حيرة مش وقتها


الحيرة دي مش وقتها

ياريت قلبي قادر يصدها
بيسالني ايه غيرني عليك
خلاص عنيا بقت في حضن عنيك
ماعدش ينفع أي كلام
ال باقي يادوب ايام
واعيش باقي العمر معاك
فاكرة كده من كام يوم
نسيت عنيا شكل النوم
طرت وياك في الاحلام
عيشتني في احلي غرام
مليت قلبي بفرحة وشوق وغرام
عشت ليالي بحلم بيك
بفكر في لحظة عدت بين ايديك
عشت معاك في خيالي ايام
احلم بيك من غير كلام
خليتني اتمني يفوت اليوم
والاقيك بين ايديا كل يوم
وفي لحظة اتغيرت الاحلام
سمعت عنك من تاني كلام
كلمه وهمسه وشويه لوم
بعدت ونكرت الكلام
سمعته تاني يبقي مش اوهام
خدتني الافكار لبعيد
حسيت جوايا شيء جديد
حسيت ببرد و خوف شديد
قلت ابعد شويه بعيد
فكرت فيك اسال عليك
سكت لساني عن الكلام
تاه مني الشوق وخلص فجاه الغرام
سالتني ايه غيرك
نكرت خفت ازعلك
مقدرتش تاني ارجعك
تحس بالحزن ماليك
وعدتك كتير اني اسعدك
ومن الهموم اني احرمك
يمكن خلفت وعدي كتير
ورجعت تاني اوعدك
عرفت انك قد الكلام
عرفت ان قلبك مليان حنان
سكت وداريت جوايا الكلام
حاولت متغيرش عليك
احساسي خاني في الكلام
مقدرتش ابين ليك الحنان
لسه جوايا صدي الاحزان
خايفه يكون ال فات كلام
واكون بنيت امل في اوهام
محتاجالك ومقدرش اكلمك
يادي الحيرة ال مش وقتها
تعبت والله من التفكير
وسوسلي كتير الشيطان
بس خلاص فات الاوان
كلها بكرة وكمان يومين
واعيش معاك مهما يكون
وصف الاحساس
تحياتي

هناك تعليقان (2):

نسرين شرباتي "أم سما" يقول...

يا رب يا رب يا رب يا رب
على طول تفضلي بالسعادة والفرحة دي
وانا مش شايفة حيرة ولا حاجة
دي رومنسية وحب فظيعيين
مش بنلائيها اليومين دول
ربنا يحفظكم لبعض
وخلاص هانت
أياااااااااااام
والله فاضل أياااااااااااااام
ربنا يتمملكم على خييييير يا رب

وصف الاحساس يقول...

اه يا نيسو

فاضل ايام

يارب تعدي علي خير

نورتيني يا جميل

تحياتي