الجمعة، 11 يناير 2013

نموذج ام احمد


كانه جين تتوارثه الاجيال .. موجود بداخل كل اسرة مصريه  بداخل كل انثي .. يظهر وقت اللزوم في تلك الطفله التي تحب دائما لعبه ماما وبابا .. تعطي الاوامر هنا وهناك  .. تجدها دائما اول من يرد .. وكاله ناسا العائليه مسئوله نقل الاحداث والاخبار..  وهي التلميذه التي تريد ان تكبر قبل الاوان تحب الالوان والموضات .. تريد ان تقلد الكبار تقود صديقاتها في المدرسه وخارجها .. تعطي الاوامر والاراء.. هي من تعطي الراي الاول والاخير ي.. مكنها تضرب كرسي في الكلوب بين اجمل الاصدقاء فتفشل ايه علاقه جميله او تقويها  ..لذا وجب التنبيه لوجود تلك الشخصيه .. وليس هذا فحسب .. انما ايضا هي تمارس دورها في الخطوبه  .. في السؤال عن كل كبيره وصغيره في التفاصيل وتعطي كل الاراء في كل شيء من الدهانات حتي سيراميك الارضيات .. تحب التحكم حتي بعد الزواج تعشق كلمه  .. انت رايح فين ..حتي لو داخل الحمام .. تحب ان تشارك الجميع بافكارها وبالاخير لا تنفذ الا رايها .. فهي صاحبه سؤل كل يوم .. هناكل ايه بكرة .. وهي التي تتابع الابناء والاهل والمسلسلات .. و هي التي تجعل من ابنائها قنابل موقوته .. فهم افضل الناس في نظرها .. لا تقبل عليهم نقاش ولا تقتنع ابدا انهم علي خطا  .. فهم مثلها وتربيتها ومن المستحيل ان يفعلو شيء خطا .. وبالاخير هي الموظفه المصريه التي تجدها علي كل  مكتب حكومي .. تذهب بعد مواعيد العمل وتنصرف قبلها .. تقضي وقتها في الفطار وشرب الشاي .. ثم ابداء الراي في طريقه واسلوب العمل والناس  .. و تقضي اعمالها وقتما تشاء .. تعرفها عندما تفتح درج مكتبها فتخرج منه روائح بقايا الطعام و تظهر الحشرات منه
انها ام احمد تلك السيده التي لا يخلو منها منزل مصري احيانا عصري واحيانا حصري
وصف الاحساس
تحياتي  

هناك 12 تعليقًا:

حنين محمد يقول...

صباح الغاردينيا وصف
وبجد بتأسف منك ومن الجميع لغيابي عن بلوجر بس على فكرة هي مين ام احمد دي :("
؛؛
؛
لروحك عبق الغاردينيا
كانت هنا
reemaas

هبة فاروق يقول...

ام احمد انسانه متسلطه ومستفزه ربنا يرحمنا من امثالها

;كارولين فاروق يقول...

فعلا نموذج ام احمد
موجود في كل اسره
الشخصيه الصعبه
التي لا يعاني منها
الا زوجه الابن
او زوج البنت
تحياتي

Amira Yusuf يقول...

على فكره الشخصيه دي لو ضفنالها خفة دم وطيبه هتبقا ظريفه اوي زيي كده :D

محمد سلامة يقول...

على فكرة ام احمد ممكن نضيف صفات ونحزف صفات بس عموما انسانة جميلة
بس اللى أعرفه ام احمد نضيفة جدا ومفيش فى بيتها حشرات :)
تحياتى المعطرة

ظلالي البيضاء يقول...

وصف الإحساس ..
في الجهة المقابلة لرأي أختي هبة فاروق فإن هذه الشخصية في داخلها تشعر بالوحدة لنها مسؤولة عن كل شيء وتهتم بكل شيء وكم ترغب في وضع هذا الحمل عن كاهلها لتتفرغ لأنوثتها وحياتها كإنسانة طبيعية ..
لكنها هي من فرض على مجتمعها هذه الشخصية .. والمجتمع بدوره ساعدها على أن تبقى على هذه الحال ..
دمت بألف خير .. مع التحية الطيبة

وصف الاحساس يقول...

ريماس
مساء النور يا قمر
والله كلنا مقصرين في البلوجر
المهم اننا بنرجع تاني
كل سنه وانتي طيبه يا قمر
ام احمد دي بقي ست مصريه نموذج تلاقيه في كل بيت وجوه كل بنت ههههههههه الا انا طبعا
نورتيني يا قمر
تحياتي

وصف الاحساس يقول...

هبه فاروق
رغم كل ده ساعات بتبقي مفيدف فعلا
نورتي يا قمر
تحياتي

وصف الاحساس يقول...

كارولين
هي مش بس زوجه الابن ال بتعاني منها
ده البلد كلها ههههه
نورتي يا قمر
تحياتي

وصف الاحساس يقول...

اميرة يوسف
اكيد طبعا جواكي نفس الجين مش مصريه
جواكي ام احمد صغيرة بس زي العسل
نورتيني يا قمر
تحياتي

وصف الاحساس يقول...

مسلم مصري
هو فعلا في بيتها مفيش حشرات
بس في الشغل في المكتب بتاعها تلاقي الدرج في كل حاجة مش عارفه ال هيستلم المكتب ده هيتعامل معاه ازاي
نورتني جدا
تحياتي

وصف الاحساس يقول...

ظلالي البيضاء
فعلا الشخصيه دي شايله كتير جدا برضاها او بغيره
يمكن فعلا هي ال فرضت عليها تبقي كده
مجتمعنا ده ظالم شويه
نورتني جدا
تحياتي