الأربعاء، 18 أغسطس، 2010

نسيانك صعب اكيد ..!!

لا ادري ما الذي ذكرني بذلك اليوم بعد اعوام كثيرة مرت
فمنذ ما يقرب من الست سنوات كنت في معسكر يتبع الجامعه ومن احدي فقرات التجمع الليلي كان هناك شخص يغني
اجتمع كل من في المكان كل البنات وكل البنين وبدء صوت عذب يغني
نسيانك صعب اكيد
ومع هدوء الليل وخفوت الانوار وحلاوة الكلمات وعذب الصوت جعل كل من في الحفله يشرد بخياله الي عالم بعيد
يتذكر احداث واشياء مرة وانتهت من الحياه ولكنها فجاه اتت علي السطح ي تذكر كل واحد ما يحاول ان يدفنه في قلبه
وبانتهاء الفقرة نظرت في عيون من حولي وجدت داخل كل عين دمعه يخفيها ومنهم من لم يقدر علي المقاومة وسقطت دمعته ومن داري دمعته واخفي وجهه وكأن كل قلب عاش بداخله قلب اخر علم به وترك به اثر لا يمكن ان ينساه ولا يمكن ان ينكره
ربما هو الحب الاول طال ام قصر لم يستمر يقولون الحب الاول هو اكبر وهم ولكن حتي وان كان وهم فهو له صدي في كل شيء يؤثر اشد التاثير فهو اول كلمه بحبك واول نظرة من دون خوف و اول مرة يدق القلب و اول فرحه واول كل شئ صعب ان يكون كل ذلك وهم صعب ان يكون فيض المشاعر الجميله كذبه يقولون مراهقه و قالو لعبه و لكنها وردة نبتت داخل القلب و عطرته واخذ القلب يشدو بكل جميل و بكل احساس يعبر عما بداخله
قوة مندفعه لا تري امامها الا نسيم يرطب حرارة جو و يزيل مرارة عمر و تري كل الدنيا مقبله مهله عليك لا تبالي حزن ولا حرمان
وسبحان من له الدوام ربما يقتل الحب باسم الظروف وربما تذبل الوردة و ينتهي عطرها و تخرج اشواكها تجرح القلب فتضطر الي ان تقطعها من جذورها و تتحلي بالصبر يبرد نار جرحها و تحاول ان تخرج من قلبك كل اشواكها ولكن مهما فعلت ستاتي لحظة بلا ترتيب مسبق و بلا سبب يتردد بداخلك صدي صوت امام صورته فتردد لك داخل قلبي دمعه لا يمكن نسيانها
نسيانك صعب اكيد
وصف الاحساس
تحياتي

الاثنين، 16 أغسطس، 2010

من كل موضوع كلمه

يمكن هي حاله لخبطة 
شويه كلام مالوش علاقه ببعضه 
حاجات جوا الواحد مش عارف يسيبها ولا يخرجها كده بتوجع وكده بتوجع 
الاول في ناس عزيزة عليا جدا عرفتها سنين واتصاحبنا فترة طويله سواء علي النت او بره النت 
سواء اتقابلنا او بس مجرد كلام الناس دي كتبتلها قبل كده صديقي العزيز شكرا 
بس اما الواحد بيمر بحاجة صعبه في حياته اول ناس بيفتكرهم هما اعز الناس ال للاسف الظروف خلت كل واحد يكمل طريقه في اتجاه تاني ومبقيناش بنتقابل عايزة اقولهم بجد وحشتوني وبجد محتاجالكم اوي بس انا مقدره الظروف وانتو كمان مقدرينها القا نصيب والفراق نصيب ربنا يسعدكو يارب بس حبيت اقولكو ان مكانكو في القلب محفوظ حتي لوبينا ايه كان نفسي اقولكو كل سنه وانتو طيبين 
ساعات بنضطر نمشي طريق مالناش فيه ومش مخططينه او ماكنش في الحساب 
بس ممكن يكون زي راحة فترة هدنه او حل مؤقت مدفوع التمن علي ما الواحد يشد حيله ويقف تاني ويقدر يكمل 
وبنمشي وبنعرف ناس منهم ال بنحبهم وبنتعلق بيهم اوي ونحس ان ده المكسب من المشوار السخيف ال اختارناه وساعات تقلب في وش الواحد يتحط في ظروف ومع ناس تخليه يكره نفسه ويكره ياته ويكرههم ويبقي المشوار تقيل اوي علي قلبه وساعات الواحد يوصل انه يكون جواه حلم انه يخسر الطريق مش مهم ايه النتايج يمكن كان اطمن للطريق ويمكن الطريق اداله جزء من حلم ضاع منه بس بتجي لحظة ويبقي مش مهم الخسارة ومش مهم اي حاجة المهم انك تسيب الطريق ال خنقك ساعات بتفكر ان ال بينك وبينه خلص ساعات تبص لورا تحس انك مش ندمان علي الخسارة بس جواك شيء لسه ماسك فيك من الطريق يمكن حنين ويمكن عشره بس صعب نكمل 
في الحياه حاجات بتختلف قبل وبعد كل واحد جواه حلم بيرسم امل عليه بيبني قصور في الاحلام متمنيين حاجات افضل بس تيجي تلاقي الحياه بعد مش زي ماكنت تتمني تبص لحلمك تقول امال انا كنت هعمل ده كله امتي وانا كده بس في حاجات بتحصل ما تخليش في امل في التراجع خلاص فات ال فات يمكن عشان الحاجات دي لازم نرضي بالحياه زي ماهي 
وصف الاحساس 
تحياتي

الخميس، 12 أغسطس، 2010

كل رمضان وانتو طيبين

كل سنة وانتو طيبين ويعود عليكو الايام بخير
انا بعتذر عن غيابي الفترة ال فاتت وده لظروف صحيه مش بقدر اقعد قدام الجهاز وكمان الرصيد كان مفنش
المهم كل سنة وانتو طيبين
وصف الاحساس
تحياتي