السبت، 26 ديسمبر، 2009

اصعب غربه ....


اصعب غربة هي غربة الانسان عن نفسه



اصعب لحظات ممكن يعيشها او يتصورها ....


الغربة مش سفر بعيد ولا عيشة في بلد وحيد


لغربه لحظات تحس فيها انك مع اعز انسان وحيد


تحس ان جواك كلام كتير مش قادر تقوله ولا هوقاد يسمعه


اصعب لحظة بجد انك تبقي وسط اعز الناس غريب


مش قادر تتكلم وتحكي حتي هو مش قادر يحس بيك ولا قادر يريحك


تيجي تحكي مش قادر ...مستني هو ال يتكلم


انت عارف انه بيحبك وانت بتموت فيه


بس ساعات بيبقي صعب اوي انك ترمي نفسك في حضنه وتتكلم


اصعب لحظة في الدنيا انك تحس انك غريب عن اعز انسان ليك


حد استنيته كتير وماصدقت انك لقيته


اخيرا حسيت بلامان معاه


شئ اكبر منا بنحتاجه عشان نقدر نتغلب علي خوفنا ونعدي طريق ملته السنين


بالوحده والحرج والحرمان


وانت في الاول والاخر ال تعبان


الانسان مهما كان فهو تقيل حتي علي اعز الناس ليه


لازم دايما نسكت


دايما لازم نبان مرتاحين


دايما جوا العين دمعة بنداريها


دايما جوا القلب صرخة بنكتمها


حتي لو تصورنا اننا لقينا الانسان اليقدر يمسح دمعة العين


او يسمع صرخة القلب


فلازم هتيجي لحظة تحس انك بترجع لنفسك تاني


بوحدتك ...ماليها الخوف والحرمان


ومش من حقك تعاتب و تطلب اكتر


لانه مش ذنب حد انه يستحمل المك وهو مالوش دخل فيه حتي لو بين كده


اللهم اليك اشكو ضعف قوتي


وقلة حيلتي وهواني علي الناس


وصف الاحساس


تحياتي

طفو الذكريات


ذكريات تطفو علي سطح حياتنا كنا في الماضي نداريها حتي عن اعيننا حتي لا تنطلق الدموع جارحة تخدش جرح قديم شفي واختفت اثاره بعد اكثر من مرة تجميل للحياه



وكنا من حين لاخر ربما بارادتنا


ربما بدونها وربما هروبا من الواقع


نذهب اليها نتذكر احزاننا واشجاننا لنبكي علي واقعنا وربما احتجنا لشيء اقوي حتي يجعلنا نبكي ونخرج ما في نفوسنا من حزن لا نستطيع كتمانه وتابي العين ان تنزف لاجله ولكن ....


عندما تطفو الزكريات مرة اخري علي سطح حياتنا تهدد واقع تعودنا عليه يكون تصرفنا مختلف تجاه تلك الزكريات


فياتي الوقت الذي نتمني فيه انها لم تكن حدثت وان تختفي للابد لانه مهما طالت الزكريات فهي ليست اكثر من زكري انتهت مع مرور الزمن ..


ليست اكثر من حلم استيقظنا منه ربما بجرح وربما بحلم اخر ...


يقولون ان الانسان يعيش فيقابل ناس يحبهم ويحبونه ويعيش معهم فترة من الزمن تنقضي بالفراق ولكن تلك الفترة يعيش علي زكراها عمره كله


ولكن عندما تهدد حياته فانه يتعمد نسيانها بكل ما فيها


احلي سنين العمر ...


اعز الناس حبايبنا ....


وندير لها وجوهنا وعلي لساننا كلمة واحدة


عفوا يا من كنت حبيبي ....


فلم تعد حبيبي بعد الان ...















موجات متداخله


موجات متداخله تغزو محيط واقعنا

تدخل علي عقولنا فجاه وبدون سابق انزار
نشعر اننا نشتم رائحة زمن بعينه
يفوح في نفوسنا عبير اشخاص بعينهم تملا صدورنا رائحتهم
احتلال فكري للعقل الواعي
نشعر فجاه ان شيئا يحدث ...احد يتحدث معك
صوت من داخلك ...كلمات ليس لها عنوان ولا داع
حاله شرود تجتاح الاحسا س الواقع
نذهب بالذاكرة للخلف خطوة ..ربما خطوتين
نجد اناس عاشرناهم فترة وانقضت
 ولم نعد نذكرهم ولم تعد زكراهم تزعجنا او تؤرق صفو احلامنا
ايام مرت بكل ما فيها بحلوها ومرها
ولكن امواجا منها تجتاح حاضرنا
 في لحظة كنا نسينا كل شئ عنها او... ربما تناسينا لنتعايش مع الواقع
نريح راسنا للخلف خطوة نتذكر لحظة بلحظة ... قلب يدق بعنف ...
طارة متشوق وطارة متخوف ...وطارة اخري يشعر بالندم ...
ما بداخل القلب ليس لنا يد فيه ...جزء من جسم الانسان لا تسري عليه قوانين العقل الحاكم
ولا نستطيع غصبه او اهماله لانه مصدر الحياة
فيدق برغبته يحنو الي الشوق وعبير الزكريات
يسرح ويدور ويشعر انه يحلق في سماء الاحساس بالنشوة
يلتقط اشارة نور قادم تشعره بالخوف علي حياته الحاليه
يشعر بالندم لانه فقد حق الزكري لاشخاص واحداث لم تعد ملكه
شئ عجيب حقا ....
ندور في حلقة من الزمن ...نحب ونشعر بالحب ... لهفة واشواق ...
غيرة وخوف ....امال والام ...لحظات قرب وكثير من الفراق
تدور الحلقه بسرعة لتخرجنا منها لحلقة اخري اكثر استقرارا
ندور فيها مرة اخري ولكن في هذه المرة نشعر بالامان اكثر
نستشعر بيد تمد بالخير ... ربما تعرف الحب نحاول التعلق بها
نحاول الشوق ...نحاول الحب ...الشعور بالامان افضل جو يولد فيه الحب
ولقلب متعب منهار منهك يترك يديه ويترك المقاومة يستسلم للشعور بالحب
يستسلم للحياة ولكن بدون شعور منه
تطفو الزكرياتي
وصف الاحساس
تحياتي



الأربعاء، 9 ديسمبر، 2009

نزيف الاحساس


طعنة في القلب



دمعة في العين


جرح في الاحساس


لم يصدق الاحساس انه جرح


ولم تصدق العين انها تنزف


ولم يصدق القلب انه طعن


طعن من اقرب واعز الناس اليه


ولكن ما باليد حيلة


فقد تاكد القلب من الطعنة انها قاتله


وتاكدت العين انها ادمعت


وتاكد الاحساس انه جرح


معقول بعد كل هذا المشوار من الحب والحنان والاهتمام


يقابل جرح بقسوة وجحود ونكران


يصل في نهاية طريقه بعد مشقة وعذاب مفكر انه وصل لحلم يجده سراب


عمر يجده اوهام


يراجع ذاكرته يتاكد انها حقيقه


ولكنها فعلا حقيقه فهذا نهاية المشوار


فراغ


وفراغ يملاه قسوة وحرمان فقط


كل شيء ضاع من لحظة


وعليه العودة و البدء من جديد


ينظر لمشوار رجوعه طويل


وفراغ امامه بعيد


يغير اتجاهه ليعود


لكن عقله يرفض ان يصدق


يعود مرة اخري يتاكد


ولكنها الحقيقة


فيعود ويسلك طريق الرجوع


ولكن الشمس راحلة للمغيب


ظلام وغيوم


وتعب وحيرة


وهن في القوة


لا يستطيع ان ينتظر عودة النور


ولا يقوي ان يبحث عن شمسه وسط الغيوم


يحاول الرجوع


خطوة وخطوة


تدور داخلة ذكريات وصور


الام وامال


احلام دفنت وسط التراب


يحتار كيف يامن لنفس الطريق


يعود او ان يبقي غريق


ينتظر موت


او يتعلق بامال من المجهول


خطوة وخطوة


يروح ويجيء


يتقدم ويتاخر ويسقط ولا يريد النهوض


ايام مرت وايام ستمر


يراوده ظل الطريق الطويل


وزكري جرح وامل امتزجا وسار معه وسط الطريق


يسقط ولا يريد النهوض


ينتظر موت ولكن ما بيده المجيء


يحاول ويحاول


تراوده دموع تابي ان تسيل


نفس غريب لا يدري


مخنوق ام مفتوح لهواء منعش جميل


يقاوم وللكن لا دليل


امال ستتحطم وسط الطريق


ترواده افكار بنفس الطريق


شعور بخمول من تكرار المسير


ملل يحوم به من كل اتجاه


يسقط هذه المرة برايه ولا يريد النهوض


يفكر ويفكر


ويستقر انه لن يقوم


ينتظر روحه تخرج ولكن لا دليل


يمل من انتظارها ولا ياتي الدليل


يقوم يسير مرة اخري لعله يجدها في الطريق


يتذكر ثانيه ولكنه يرفض السقوط


يمشي ويمشي بامل لا يتردد ان يزول


وهكا لا يدري ايظل منهار تنزف عيناه الدموع


وقلبه كاد ينفطر من كترة البكاء بدلا من الدموع


دماءا تسيل وسط تراب الطريق


ويمشي ولا يشعر نفسه


عائش ام مات


ام لم يكن له وجود


ومازال يبحث ولكن متي ستشرق شمسه تضييع الغيوم


ويعود قلبه يستنشق هواء بنفس منعش جميل


يراوده حلمه


تقتله زكريات من زمن اليم


يقوم مرة ويسقط مرة وفي النهاية


لم ياخذ قرار اخير


ترك نفسه لموجه تعليه وموجه تدفنه تحت تراب الطريق


وهكذا تمشي به الايام الي ان يستجد جديد



















الخدعة....!!!


سنين وسنين واحنا عايشين مطمنين ومرتاحين
مش مديين خوانه لا للزمن ولا للناس
من كل قلوبنا مانين
بندي من غير ما نحاسب
مش بتفرق معانا لو ما اخدناش مش مهم خسرنا كام
المهم اننا سوا ومع بعض حاسين بالامان
ااااااااااااااااااه ... الامان ....مطمنين
معني كررته كتير لانه فعلا مهم في حياتنا عشان نقدر نستمر
من غير خوف ولا قلق ولا نحسب حساب لغدر لا الزمن ولا الناس
مطمنين بقي ممكن مستقرين
جات الخدعة فجاه لتعلن عن نفسها
شيء استيقظ بعد نوم
او كيان انهار ... او سر انكشف يبان دلوقتاننا كنا مخدوعين في ناس عاشرناهم فترة طويله
كنا معاهم وقت حزنهم قريبين اوي ما عملناش فرق بينا المهم انهم يبقو كويسين
وفي فرحهم وقفنا معاهم فرحانين لهم لكن الكدب مهما طال مالوش رجلين
والحقيقة لازم تبان
قد ايه الحقيقة مرة وصعبه اوي
انك تحس انك اتخدعت في حد كان معاك عمر مش يوم وليله
سنين وانت عايش مخدوع
بيكدب عليك في حاجات تهمك اوي
زي ما هو كان بالنسبالك كل حاجة
انت بالنسباله كنت ولا حاجة
حسرة ولا مرارة ولا ايه ال ممكن تحس بيه
طب الواحد يتصرف ازاي
اذا كان ال اديته عمرك كله ما قدروش ...مين تاني هيقدر تجيب منين القوة والشجاعه انك تستغني عنه
ازاي تتصور حياتك من غيره
بس ما عدش ينفع خلاص ..القلوب ماعدتش زي ما هي
محتاج ايه دلوقت
تبعد ...تنسي ....تتغير ...حاجة فوق الاحتمال
صعب اوي انك تفكر في احتمال ان الناس كلها كدابه بنسبة 99 %
صعب تعيش وانت حاسس ان كل الناس كدابه
مدي خوانه علي طول الخط
ياااااااااااااااااااه ..........صعبه الحياه اوي
بس لازم هتعدي لانها مش بتقف لحد
احنا ال بنقف كتير مش مستوعبين
في الاول مش مصدقسن
في النص مخدوعين
في الاخر مفزوعين
وفي النهاية لازم برده نكمل  وبرده هنرجع نفتكر
ونرجع نزعل وبرده ننسي
ومهما ننسي هيفضل في القلب جرح
وهيفضل ينزف الاحساس
وصف الاحساس
تحياتي

الثلاثاء، 8 ديسمبر، 2009

مواسم الحب ...!!

مواسم الحب مش معناه انه احبك في الصيف واكرهك في الشتا
لا الموضوع مش كدة وبجد نفسي تفهمني
كل يوم بتقولي بحبك وبرد وانا كمان
ممكن اكون حاسها وممكن عادي
اه نسيت في حاجة لازم تعرفها
طالما انا بحبك فالحب ده اساس في قلبي مش هيتغير
قلتلك كتير ممكن تكون في ريح او عواصف
شوية تراب يخلوني مش في المود بتاع الحب ده
بس الحب موجود ما اتغيرش
محتاجة بس وقت اصفي فيه دماغي للحب
انا مش بعرف اكون بوشين
مقدرش اكون زعلانة من ميت حاجة
ممكن في الشغل مع حد تاني مش لازم معاك
واجي وانا نفسيتي تعبانه اقولك من كل قلبي بحبك
في لحظات ببقي ناسيه الاحساس مش اكتر
انما حبك في قلبي مكلبش
ما اتغيرش
ارجوك اعزرني ان حبك عندي مواسم
ساعات بحبك موت وابقي بموت فيك
وساعات تانيه ببقي محتاجالك الاول تحسني بالامان وتطلعني من الموسم الكئيب بتاعي
عشان اقدر اقولك بحبك
ياريت ما تزعلش من كلامي لاني بجد بحبك
ومش عارفة ارضيك طول الوقت
انا عارفة ان حياتي قبلك اخدت مني كتير
يمكن ال فاضلي احبك يه مش كتير
بس متاكدة اني بحاول علي قدر ما اقدر اسعدك
ارجوك ما تخلنيش اكدب او احاول اتجمل
او ابقي حد غيري عشان بس ارضيك
عشان وانا معاك احب اكون زي ما انا
محبش اكون حد تاني
انت بس ال احبه يشوفني زي ما انا
بضعفي بخجلي بحبي بروحي بكل حاجة
عارف ليه
لانك اغلي عليا من نفسي
فما تزعلش مني اما اقولك اني بحبك بس مواسم
وصف الاحساس
تحياتي



ثلاجه لكل مواطن...!!!!!!!!!


كتير بنرجع بعد مشوار طويل في الشغل تعبانين ومخنوقين
 محتاجين فترة راحة حقيقيه نقدر نجمد نشاطنا
وناخد هدنه لا تفكير ولا اكل ولا شرب ولا نوم
ونصحي تاني كويسين وحلوين
كتير فكرت نفسي يبقي في تلاجة الواحد يحط نفسه فيها اما يزهق من الضغوط والحياه
ويقدر بعد ما يرتاح يرجع تاني
كتير من الناس بتغير جو
التلاجة دي هي تغيير الجو
كل واحد محتاج فترة هدنه مع نفسه يقضيها
حياته فيها كتير مش متظبط محتاجة مراجعه
جسم الانسان زي الاله ويمكن اضعف بيتعب وبيرهق
ومش بنديله حقه في الراحة
محتاجين دايما نحس اننا بنجدد نشاطنا
ليه الدنيا مش مديانا الفرصة
كل يوم زي ال قبله
بنام عشان نروح الشغل الصبح ونصحي نفطر ونمشي ونرجع نتغدي
وزي كل يوم مفيش جديد
حياتنا بقت عاده معتاده
حتي سلوكياتنا في البيت بقت باردة مفيش حس عاطفي
معدش في الدفا والامان
ظروفنا اه بقت صعبه
حياتنا فعلا بقت مرهقه
بس احنا زي ما احنا بشر
في اول والاخر لنا حق اننا نعيش عيشه كريمه
عارفة ان الكلام سهل والتطبيق صعب
بس اهو علي قد ما نقدر نحاول
اننا نرتاح شوية وناخد بالنا من نفسنا
ممكن لو كل واحد مننا عنده تلاجة شخصيه كان يبقي اوفر
بس للاسف مفيش تلاجات بشريه
بس برده محتاجين فتره راحة
وصف الاحساس
تحياتي


التزمت الصمت..!!


يقولون اكثر الناس كآبة من لا يعرف سبب كآبته ...

لا اقصد بكتابتي مناقشه كيف يكون الانسان كئيب بلا سبب
لكن من كثرة الهموم لا تجد سبب واحد تلقي عليه كاهل الكآبه
 فتبحث عن سبب واضح
 تجد الاسباب كثيرة
 تحاول ان تعطي لكل سبب جمله واضحة توصف حاله
 وعندما ياتي وقت الكلام
تتناثر الكلمات علي اللسان تشعر ان كلامك غير مفهوم او غير مرتب
تتبعثر المشاعر بين حزن وحسرة و ياس و غيرها كثيرا من المشاعر
 توحي بانك تسخر من نفسك ومن مشاعرك الجياشة الا مرتبه
 تشعر بحزن وفرحة وسخرية وياس وامل كل تلك المشاعر ضربت في خلاط واحد
لتخرج من فمك همهمات غير مفهومه
 او همسات بلا صوت
 تشعر بانك وسط بحر من الرمال
 كلما قبضت حبه رمال في يدك ازالها  الموج
وقد يجعلك تسقط لتعيد المحاوله
ولكن مهما تكررت المحاوله لا امل في النجاح
فغالبا بيوت الرمال ليس لها اساس وليس لها عمر
فتستقر الصورة امام العين
لا تستطيع الكلام فتلزم الصمت
وتتحدث لغة العيون
ولكن القليل فقط من الناس من يفهم لغة العيون
والبعض يعتبرها هروب او تحامل علي الواقع او تباطء مقصود
 لا يدرون ان الانسان في هذه اللحظات يكون اضعف ما يكون
كيان هش لا يستطيع حتي الكلام ولا ان يقول انة متعب منهار
 فاحساسه يحتم عليه ان ينتظر من يستطيع ان يسمعه في صمته
و يشعر به في المه ولكن هيهات لك ان تجد من يرفع عنك العناء
فقم واحتض المك وارفع بنفسك نفسك
ولا تنتظر المعجزة لانها لن تحدث
 وان حدثت فلن تستمر طويلا
فلا تلزم الصمت بعد الان
وتمكن من احياء روحك
ولا تتركها تتعذب حتي الموت
 فقد تفقدها للابد
وصف الاحساس
تحياتي

الأحد، 6 ديسمبر، 2009

علي زاوية الراحة...

الجبل الكبير ال بتحس انه طابق علي صدرك

ونفسك حد يشيله منك تقدر انك تخطيه
بانك تخليه ينحدر جامد اوي ويوصل لاقصي زاوية راحة ممكنه لحد ما يوصل للصفر
ساعتها هتحس انه خلاص معدش موجود وانك ارتحت كتييييييير
لا مش بقول فزورة ولا لغز مطلوب حد يحله
دة احساس وصلني مؤمنه بيه
بس انهارده حسيته كتير اوي
ال حصل كالاتي
اما رحت الشغل الست الريسة بتاعتي كانت تعبانه
سالتها مالك في ايه قالتي الضغط ومش الضغط
قلتلها طب الف سلامة عليكي
قالت انا كدة اما ازعل ضغطي يعلا واتعب
قلتلها كفالله الشر خير في ايه ايه ال مزعلك
المهم بدات تحكي المشكله وتتكلم وانا بسمع
اينعم مش انا ال اقدر احل مشكلتها
بس مجرد ما بدات تحكي وتتكلم وارد عليها
بدات اخد من الجبل ال علي صدرها شوية بشويه
حسيت ان الهموم ال هي شايلاها بتقع
والجبل الكبير بدء ينزل وياخد زاويه بنسميها زاوية الراحة
زي زمان اما كنا بنكوم شوية رمل
نلاقيهم اخدو شكل معين وارتاحو علي زاويه
اهي الزاويه دي بقي بنسميها زاويه راحة
المهم بشوية كلام وحبه هزار وشويه احكيلها انا واسيبها تطلع كل ال جواها
بدات ترتاح وتاخد نفسها
اه قمت عملتلها ينسون وعملت شاي ليا

بقت مبسوطة اوي ونفسيتها مرتاحة
وبعد ما كانت جايه تمضي وتقعد ساعة وتاخد ازن وتمشي كملت لاخر اليوم
ليه بقي بقول الكلام ده
لانك اما بتكلف نفسك انك تقعد تسمع حد بتريحه كتير اوي بجد
وزي ما بيقولو يوم ليك ويوم عليك
يارب تفرج عن كل مهموم
وتسعد كل حزين
وصف الاحساس
تحياتي