السبت، 5 ديسمبر، 2009

حلاوة روح

الشكل في الحقيقة مش بيعني كل حاجة
يعني في ناس شكلها حلو اوي بس دمها واقف
تحس ان ال قدامك لوح تلج واقف
وناس تانيه تحس ان شكلهم عادي
وممكن وحش بس الروح زي العسل
ما تشبعش من الكلام معاهم
انا اعرف اتنين ولاد اله ريم ومي
الاتنين في سن بعض تقريبا
المهم
ريم حلوة اوي بس دمها مش حلو خالص
مي حلوة برده بس عسل خالص
سبحان الله
بيوزع الارزاق
يعني ادي لل مش عنده الشكل
الروح
افتكر كمان نجوان صديقتي
كان حلوة ووحها حلوة بس كئيبة يعني حتي هزارها كئيب
ونهي ماكنتش حلوة بس عسوله خالص
هو ده الفرق بين الروح والشكل
ساعات اما الانسان يختار شريك حياته
بيبقي حاطط في مواصفاته حلو اوي ودمه خفيف اوي
بس اما ييجي للاختيار بين الاتنين
اكيد بيختار الانسان ال دمه خفيف
همممممم.........
مش عارفة اقول ايه تاني علي الروح الحلوة
بس كل واحد ممكن يكتشف نفسه ويحاول يجملها
يعني ابتسامه بسيطة مش هتخسر
حتي من غير كلام
ممكن الواحد يراقب كلام حد دمه خفيف
ويحاول يبقي زيه
المهم انه في الاخر يلاقي في نفسه
حلاوة الروح
وصف الاحساس
تحياتي

ليست هناك تعليقات: