احم ..احم ...دستور
اولا من هنا ومن موقعي هذا بنحي
كل ال جاي
وكل ال خارج
وكل ال قرا
وكل ما قراش
يعني اهي اول بدايه واول كلمة لوصف الاحساس
ووصف الاحساس الواحد بيمر عليه لحظات كتير
نفسه يحكيها ويقولها وما ينساهاش
وساعات يحب يرجع لها يلاقي فيها حاجات ناقصة
حاجات تاهت منه
حاجات مش فاكرها خالص
اللحظات دي ساعات بتكون لحظات فرح
وساعات لحظات حب
وساعات لحظات ياس
وساعات لحظات الم
وساعات مالهاش وصف من اي نوع من الاحساس
بس اهو الواحد بيريح نفسه بالكلام
حتي لو محدش هيسمعه
ساعات العيون بتدمع دمعتين
بيكونو مزنوقين في القلب
بس كتير بيريحو القلب
للاسف كتير من الناس بتفكر انه دة ضعف
وناس كتير بتتريق علي الانسان ال دمعته قريبه منه
بس حقيقي محدش يعرف قيمة الدمعتين دول
زي ال مخنوق وما صدق طلعو منه
هنا هحكي مش بس عني ومش بس ال جاي
ممكن حاجة حكيتها زمان
وممكن كلام اتقال قبل كدة بس عايزة احتفظ بيه مع نفسي هنا
ممكن زكريات مدفونة محدش يفتكرها ولا حد اصلا يعرفها
و.............
نخلي بقي شوية لل جاي ونحط اول موضوع
وصف الاحساس
تحياتي
ليست هناك تعليقات:
إرسال تعليق