الخميس، 6 مايو، 2010

من نوادر ام خليل


من كام يوم كنت بشرب الشاي بتاع العصاري في البلكونه بتاعت بيتنا
بيتنا ده بقي في حته شعبيه اوي كل ال فيها حبيايبي واصحابي وكلهم بيعزوني انا وخليل ابني
قدامي ساكنه ام رمضان وابنها رمضان وبنتها الهبله ال طول النهار تجري ورا نفسها
المهم البلكونه بتاعتنا دي بقي من بتوع زمان حاجة كدة تشرح القلب طول في عرض بدوران الهوا فيها يرد الروح
الواد خليل كان بيلعب بلي مع الواد رمضان وانا بتفرج علي العيال كده
لقيت حركة غريبه في الشارع قلت في عقل بالي خير اللهم اجعله خير ربنا يجيب العواقب سليمه
ناديت علي المقروض خليل ما ردش عليا عيال اخر زمن ناديت علي ام رمضان حبيبتي
قالتلي والنبي معرف
بعتنا الواد رمضان يشوف في ايه رجع بعد فين وفين قال ايه شيخ الحارة بيموت يا ساتر يارب
نزلت جري خدت الواد خليل ابني علي كتفي اروح لمراته اواسيها وبالمرة اطقس اشوف كده مين هيمسك مكانه رحت ولقيت الراجل ضايع عمال يقلب في الاموات علي الاحياء ولا داري بالدنيا
قلت في الظروف ال زي دي لازم نحسم الامور ونعرف مين هيمسك مكانه وهو عيان كده محدش عارف هيقوم تاني ولا ايه
قلت اجمع الشباب بتوعنا والرجاله اسمالله عليهم عشان نعرف رجلينا من راسنا امال يعني نوفاجا بشيخ من بره الحته ما يعرفش عنا حاجة
واحنا في القعده قام واحد كدة باين عليه بيودع الدنيا قال انا هبقي شيخ الحارة
ضربت ايدي علي قلبي وشقت كده زي شهقه الملوخيه هييييييييييييييييييييييييه انت
قالي اه بصوته الجاهوري كده ومافيهوش نفس اه انا
الناس هاجت وماجت مالك يا ست ام خليل في ايه ده عمك سعد راجل ملو هدومه
قلت علي عيني وراسي بس ده رجل جوه ورجل بره يومين تلاته ونلاقيه مسطح جنب ابو عمر كده وبندور علي غيره
قالولي ما هو لازم يبقي راجل ملو هدومه كدة كدة وكبير قلت وماله بس ده بيودع ده بكره مش هيفتكرنا
وزي ما يكون الراجل فاقس الحكايه قال خلاص خدو ابني
يا دي النيله من سعد لابنه يا قلبي لا تحزن قلت لالالالالالالا خليل ابني اولي بيها
واد لسه صغير وبصحته وشبابه وهيهيصنا
نط الواد خليل جنبي وقال اه يا اما انا ابقي شيخ الحارة واحبس الواد رمضان وامه
يا دي النيله الواد اهبل اتوكس يا موكوس مش قدام الناس كده قامو الناس قالو ما بقاش الا خليل ال كل جريه ورا البلي يبقي شيخ الحارة
فجاه كده وبقدرة قادر قام ابو عمر من الموت ال هو فيه وقال مفيش غيري شيخكو
ياعم اتلهي ده انت ما فيكش نفس
يا جماعه عايزين واحد جديد راجل وملو هدومه كده مش واحد بيودع الدنيا
الراجل اما سمع الكلمتين دول قام واتنفض من مكانه وقال يا ام خليل انا شيخ الحارة ومالكوش غيري ومن بعدي مفيش ووفري بقي تعبك ونفسنتك لنفسك قال خليل قال
هيييييييييييييييه دي شهقه تانيه هو انت كنت سامع يا راجل
يخرب بيتك ده انت حيه ولا ايه
الراجل قام وقالنا سعيكو مشكور يا اخوانا مع السلامه
راجل قليل الزوق صحيح بقي انا قلبي علي الحارة يقوم يطردنا كده من غير لا احم ولا دستور
رجعت البيت وانا متغاظة والواد خليل راح يلعب تاني
عيال اخر زمن
وصف الاحساس 
تحياتي 

هناك 9 تعليقات:

فشكووول يقول...

السلام عليكم وصف الاحساس

فشكووول يقول...

يا سلاااااام مره من المرات القليله انى اكون اول تعليق .. ودا كمان تعليق

فشكووول يقول...

يا ام خليل
قولى للواد خليل يعقل شويه .. اصله مش عايز يجيبها البر .. عايز يبقى شيخ الحاره .. يا شييييخخخه .. كان غيره فلح .. دا الراجل اللى نفسه مقطوع والله كتر خيره عايز يساعد ولاد الحاره وولاد الحاره قاعدين جنب الحيط .. هو عايز يساعدهم وولاد الحاره ودن من طين وودن من عجين .... قوووم اييييه .. نطوا العيال المفعوصين الصايعين والضايعين وقعدوا قدام منضرة شيخ الحاره وعملوا جلسة وجلسوا على الارض .. لكن شيخ الحاره كان عامل حسابه وهو راقد عيان وبيطالع فى الروح .. يعمل اييييه ... شوفى ياستى
كان جايب كذا كلب سعران وكل يوم يأكلهم لحمه وكرشه ومنبار ويمرنهم على ان اللى ييجى جنب البيت يقطعوه .. وعملوا كده .. الراجل الكبره لا حس ولا خبر .. وشيخ الحاره .. ربنا نفخ فى صورته وقاعد يقرف فى الحاره ويطلع فى روح ابوها ..

هو انت عايزه تقولى ايه؟
انا مش فاهم حاجه ... انا غبى وبهبل وبخرف

باحث عن حب يقول...

شيخ حاره

تصفين الواقع
وبلاش
تفسير
لان
البس الاساور
كلامك
زى العسل
وسلميلى على خليل

wasf_elahsas يقول...

عمو فشكول

منورنا والله

خليل وابو خليل وشيخ الحارة نفسه

بيسلمو عليك

تحياتي

wasf_elahsas يقول...

باحث عن الحب


اول مرة تشرفني

سلامك وصل وخليل بيردلك السلام

نورتني

تحياتي

سمع هوص (Abo 3li) يقول...

جديد اللون ده هنا في البلووج...
يبقي كتري منه... متخليش كله وصف احساس بس... خالي ساعات وصف احوال.. زي المرة دي...
تسلم ايدك... وايد ام خليل..

wasf_elahsas يقول...

سمع هوص

والله حسب التساهيل

الله يسلمك وام خليل وخليل بذات نفسيته بيسلمو عليك

نورتني

تحياتي

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي