نصف يد

ساعات الظروف تفرض عليك ظروف

ساعات تحطك ف وسط الناس وانت مش من الناس

تحس انك وسط الزحمه ووسط الهوجه وحيد

بتدور علي طيف جاي من زمان مش جديد

ساعات بندور علي ال فات عشان بنهرب من الات بال مات و بيعدي الليل من غير سلام مش زي ماكان بيعدي زمان

بنحاول ندوس علي الظروف وبندور جوانا الكلام تحس انك بنص روح وتلاقي النص التاني خارج منك لمكان بعيد يمكن بيرسم امل مش مفهوم مالوش ملامح او حدود بس بيدور وسط الليل علي طريق يكون سكه تدوس فيها وسط الظروف

ساعات تتحكم الظروف ف الظروف تبقي شغال بايديك الاتنين من غير كلام ولا تعب و تقول اهي ماشية والسلام

تلاقي ايد مش مهاوداك واقفه وسط الزحمه تقولك انا مش معاك .. تضطر تشتغل بايد واحده ... ايد مع ايد تبقي ايد واحده اما تبقي واحدة واقفه تبقي بنص ايد

تحاول تقتنع انه بصيب

تبدا تتاقلم علي الوضع الجديد خطوة وماتكملش التانية تبص علي الايد الواقفه تحاول تاني معاها ومفيش منها جديد

تتصبر تاني وترجع تكمل

خطوة كمان وتلعن الظروف ال خلت الايد الواحده نصف ايد تحس انك عاجز وحيد مش عارف تمشي خطوة من الحزن علي الحال ال بقي مش قد الايد

حكم الزمن او حكم القدر ولا يمكن نصيب

مبقاش الحال عاجب و مابقتش الناس تشوف الا شماعه الظروف

صحيح ضاق الحال و نقصت الاشياء

وبقت حاله استخدام النص ايد وارده بس مش معناه ان السبب الظروف اكيد احنا جزء من الظروف اكيد في شئ غلط

وصف الاحساس

تحياتي