الاثنين، 5 يوليو 2010

رساله مني اليك

في اول الحكاية بعتنا السلام
وبعتنا رسايل توصل الكلام
في الصبح قلنا:

صباح النور علي الحلوين
ال لا رنو ولا فاكرين
بس عشان هماالغاليين
قلنا نصبح علي الناسيين

و اخدنا الشوق لبعيد
دارت بينا الثواني تجر الساعات
واستنيت حد يدق الباب
و يقول مشتاق للاحباب
واما مالقيت منكو لا رد ولا جواب
قلت ابعت عتاب يصحي الشوق و يصبر المشتاق
بعت وقلت :

قلنا نسأل عن الغاليين
فاكرنا ولا احنا منسيين
بعتنا رسايل ولسه مش عارفين
يمكن واخدهم الشوق ومن شوقنا مش قادرين
لسه بنسأل ورغم البعد مستنيين
يارب حنن قلوبهم علي ناس منهم محرومين

وباين كده ان الاوان
تدوق قلوبنا فرحه قرب العشاق
عشنا ليالي الحنين
نشرب و نروي عطش سنين
وكتبت وسط الفرحه اقول:

من شوقي اليك ما عرفت النوم
غرقت ف فرحه مليانة حب من غير لوم
ديم يارب علينا الحب من غير الم ولا هموم

وكان الدنيا لسه معنداني
بتديني فرحه وترجع تاخدها تاني
عدت سنة و اتنين
حسيتهم يوم او يومين
وخدتك مني لبعيد
قلت راجعلك تاني من جديد
و بعدت وانا شوقي ليك بيزيد
رجعت تاني للمراسيل
بعت السلام و بعد السلام قلت :

اية يا عم ما وحشناك
نادينا كتير وبردو ما شفناك
امتي يا قمر تحن علينا بس طالبين سلامات
ونشرب منكو و نروي الشوق ده القلب من زمان عنكو بيقول اهات

ورجعت تاني استني معاد
يفرح قلبي بشوق بعد البعاد
دورت وسط الدنيا عليك
وكانك فص ملح وداب
معرفتش ساعتها احكي لمين
ولا ابعت مع مين مرسال
يقولك القلب مل الفراق
كتبت علي جناح طير و حلفته يوصلك الكلام ومن قبله سلام
وكتبتلك اخر مرسال قلت:

اية يا عم فضلنا نقول مشتاقين مشتاقين
وفضلنا ننادي وينكو عنا يا غاليين
امانة لا تنسونا ولا تعملو ناسيين
عايزينكو بس تفتكرونا ولا انتو مش فاكرين
ياتري لسه لينا مكان ولا بالقلب مش موجودين
فينكو عنا يا غالين
دوبنا الشوق ولا بان انكو مشتاقين
اه يا قلبي يا عاشقهم ولا داريين
سابوك لحالك تحكي ولا كانو ليك عاشقين
مررت شكوتك الحلو وبردو ولا سالين

وده كان مني اخر مرسال ياترجع تداوي قلب حزين
يا تبعد وتنسي حب سنين
هستني منك اي كلام
انشاله حتي يكون سلام
حاجه تقول لسه ليكي في القلب مكان
قبل ما ابعد وانسي ال كان

وصف الاحساس
تحياتي

هناك 4 تعليقات:

Unknown يقول...

هيرجع هيرجع ولا
عنه ما رجع

Ramy يقول...

وصف الأحساس

اولا انااسف جدا جدا جدا على التأخير لظروف خارجة عن ارادتى

ثانيا

دى جامدة جدا جدا جدا بجد دة وصف متكامل حقيقى اللنفس اقوله للى بحبه
التعبيرات و نهاية المكتوب

غير انى حستها جدا

هى مكتوبه جميلة جدا جدا جدا بجد

تسلم ايدك

دمتى متألقة

وصف الاحساس يقول...

العيسوي

صحيح لو رجع اهلا بية
لو ما رجعش ربنا يسهله
نورتني
تحياتي

وصف الاحساس يقول...

رامي

سيبك انت
اهم حاجة الاجازة كانت حلوة
ربنا يوفقك
تحياتي