الجمعة، 15 أكتوبر 2010

من نوادر ام خليل ... جواز ابن عتريس من فؤاده بااااطل

الواد خليل ده هيجنني قريب

مش عارفه ايه حكايته مع الافلام القديمه لا وايه بقي عاملي فيها مؤلف ومخرج يكونش ناوي يالف وانا معرف

امبارح كان بيتفرج علي فيلم عتريس وفؤاده ومندمج ومنسجم خالص لحد ما جم يقولو جواز عتريس من فؤاده باطل

باااااااااااطل

باااااااااااطل

بااااااااااااطل

لقيت الواد قعد يردد

باااااااااطل

بااااااااااطل

باااااااااااطل

الواد اتجنن ولا ايه بصيتله كده وقلتله مالك يا واد يا خليل

قالي بفكر يا اما

بتفكر في ايه يا منيل

قالي تفتكري لو عتريس عنده ابن ينفع ابن عتريس يتجوز فؤاده ويكمل مشوار ابوة

يا واد اتوكس هو ينفع واحد يتجوز مرات ابوه واصلا عتريس ماكنش عنده عيال

قالي اش دراكي ده عتريس ده دماغ تلاقيه خلف من البت ال كان ماشي معاها وماقالش لحد

وجه ابنه بعد ما مات وعايز يتجوز فؤاده

و المشوار ده ياخدله 20 سنه علي الاقل علي ما الواد يكبر والناس تعرف ان ده ابن عتريس

يروح ايه بقي الواد متعلم ومتنور مش زي ابوه اخرته يضرب نار لا ده يعرف الفيس بوك والنت والبلاي استيشن والواد لافف وداير

وتلاقي فؤاده قلعت الشيله ال علي راسها و عبايتها ولبست بدي وبرمودا وبقت موزا

قوم ايه بقي الواد يحايلها وفكر ازاي يخلي اهل البلد ما يقفوش في وشه زي ابوه

يقوم بقي مهيصهم نت واغاني وسيكو سيكو وكمان يشغلهم عن فؤاده

والدهاشنه ما تقدرش تقوم لهم قومه تاني وخلاص محمود وال زيه ماتو والشيخ ابراهيم ماعدش فيه نفس فمش هيعارض

ولا حد هياخد باله انه اصلا ما ينفعش ابن عتريس يتجوز فؤاده

بس اشمعني ده ال هياخدو بالهم منه ما طول عمرهم ساكتين علي حاجات كتير

يقوم العيال الصغيرة يحاربو ابن عتريس علي الفيس بوك جروبات و قصص وحكايات بقي

يقوم ابن عتريس فاصل الفيس بوك وفاصل التليفزيون وقاطع الكهربا والتليفون والجرانين والمايه ويمنع عنهم الاكل والشرب والنت وكل حاجة كل ده ليه بقي عشان يتجوز فؤاده ال هي قد  امه وكبيره عليه وعلي ابوه

خلاص قربت ارقع بالصوت من الواد ده

فؤاده ايه يا موكوس ال تتجوز ابن عتريس ده اخره يلعب معاك كوره شراب

رد الواد ماهو ده يا اما التكتييك الواد ابن عتريس كده يضمن نفسه وحياته ويتجعص كده والناس تمدله ايدها ماهو ال ماسك كل حاجة وفؤاده دي بس كلمه السر انتي فاكره انه بيحبها ولا عايز يبص في خلقتها دي بس سكه

في دخله ابو خليل متكدر وشايل الهم بقوله مالك يا راجل

الراجل نط في وشي ماهو انتي وابنك مش داريانيين بحاجة عماله تتسايري مع المحروس ومش حاسه بحاجة

قلتله في ايه يا راجل مالك ايه ال حصل

قالي ما انتيش شايفه الحاجة غلت كلها ازاي

نط الواد خليل يقولي مش قلتلك يا اما ابن عتريس هيتجوز فؤاده

الراجل ما استحملش قلع ال في رجله وحدف بيه خليل والواد نط علي الشارع يلعب

قال ابن عتريس يتجوز فؤاده قال هبل هو ولا هبل

اما اروح اشوف الراجل ده ماله

وصف الاحساس

تحياتي

هناك 14 تعليقًا:

Ms Venus يقول...

هههههههههههههههههههههه


على فكرة خليل له مستقبل وينفع مؤلف مالوش حل

بس بردو الجواز باااااااااطل

ماجد القاضي يقول...

على فكرة ينفع يتجوزها لأن ببساطة جواز عتريس من فؤادة باطل (شرعا).. يعني فؤادة ما كانتش مرات أبوه ولا حاجة...!!!
كده خليل هيفرح...

تحياتي.

Tamer Nabil يقول...

هههههههههه

باطل طبعا

بس فى الزمن دة الباطل ممكن يبقى صالح ازى اسالى خليل ههههه

بوست مميز وصف ويرمى على حاجات كتير

ربنا يوفقك ويكرمك

مع خالص تحياتى

Ramy يقول...

وصف الأحساس

(:

ههههههههه

دى سياسة دى يا واد يا مزيكا

جامدة جدا (:


بس الواد عنده حق


تسلم ايدك

wasf_elahsas يقول...

فينوس

انا بردو قلت خليل ده هييجي منه

اكيد الجوازة باطله بالتلاته

نورتيني

تحياتي

wasf_elahsas يقول...

الاستاذ ماجد القاضي

يعني هي فؤاده تسيب الراجل الكباره عتريس وترفض تتجوزه واخرتها تتجوز المفعوص ابنه

ده باطل بالتلاته

كفايه ابوه وراها الويل

نورتني

تحياتي

wasf_elahsas يقول...

الاستاذ تامر نبيل

والله خليل بردو بيقول نفس الكلام

هو ابو خليل طلع من صوابه من شويه

نورتني جدا

تحياتي

wasf_elahsas يقول...

رامي

سياسه ومزيكا كمان

اصل انت ما تعرفش خليل
مايحبش يجيب في سيرة حد ابدا

ده حتي في حاله خالص

نورتني جدا

تحياتي

NISREENA يقول...

الواد خليل لازم يتحرم من المصروف كام يوم

هههههههههههههههه

علشان مامته ترتاح من نوادره

غير معرف يقول...

شكرا على المعلومات العظيمة! لن لقد اكتشفت هذا خلاف ذلك!

غير معرف يقول...

آخر جميلة حادة. ويعتقد أبدا أنه كان هذا سهلا. تحترم لكم!

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي

Shadia mohamed66 يقول...

enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz
enjz

Shadia mohamed66 يقول...

شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض

شركة تنظيف بالرياض
شركة تنظيف بالرياض
شركة تنظيف بالرياض
شركة تنظيف بالرياض
enjz