الاثنين، 15 أغسطس 2011

كنت هموت واطمن عليك

كل ليله كنت بتيجي علي بالي وافكر انت عامل ايه دلوقت كنت بعاتب نفسي اني بفتكرك لانك مابقتش من حقي
كتير نسيتك ووهمت نفسي اني مش فاكراك بس ساعات كنت بحس اني اصلا ما فارقتكش واننا لسه كنا مع بعض
سهرت ليالي افكر فيك وافتكر ايامنا سوا رسمتك زي ما شوفتك لسه فاكراك
عنيك
شعرك
شفايفك
كل حاجه فيك
الطقم ال كنت بحبه عليك
البرفان ال حبيته عشانك
كل حاجه كتير اتوجعت علي فراقنا اتنفست من القلب من الوجع بس كان دايما في بالي اننا اكيد هنتقابل تاني مهو مسير الحي يتلاقي استنيت اللحظه دي كتيرتيجي وللاسف جات وشوفتك صدفه لقيتك بتمدلي ايدك تسلم عليا نادتني باسمي بصيت ناحيتك حاسيت اني اول مره اشوفك انك غريب عني انت مين لقيتني بسال انت مين تصور ما عرفتكش وانا ال كنت بسهر طول الليل افكر فيك وارسم صورتك واشم عطرك لقيتني ما عرفتكش
حسيت اني عشت مع خيال حد غيرك مش انت ال انا بحبه مش انت ال عشت كتير احلم بقربه يعني انا وقفت حياتي عشان حد ما اعرفوش رسمت خيال لحد ما شفتوش بحب خيال مش موجود وبعدين ده ال انت سبتني عشانه مش قلت ما قدرش اكمل معاكي واتخليت عني عشانها هي دي ال حافظت عليك ده انا متضايقه من شكلك بس تعرف انا الغلطانه اني ربطت حياتي بيك وانا كنت هموت واطمن عليك بجد اسفه لا مش ليك ولا عليك علي نفسي وعمري ال ضيعته بفكر فيك
علي اني حبيتك اصلا واني اتمنيت قربك معرفش ليه كنت بفتكرك مع انك ما سبتليش الا الوجع وكمان جاي تسلم عليا يا قلبك بس هقولك اللهم لا شماته بس تستاهل عشان انت لعبت بيا ونسيت انك كما تدين تدان
وكويس اوي اني اطمن عليك
وصف الاحساس
تحياتي

هناك 8 تعليقات:

Ms Venus يقول...

جميلة اوى يا وصف

بقاء رغم الشقاء يقول...

جميل قوى وربنا يوفقى ياوصف

وصف الاحساس يقول...

فينوس

تسلميلي يا حبيبتي

وصف الاحساس يقول...

بقاء رغم الشقاء

ربنا يخليكي يا قمر

Tamer Nabil Moussa يقول...

رائع ما كتبتى وصف تسلم ايدك

مع خالص تحياتى

وصف الاحساس يقول...

تامر نبيل

شكرا ليك ياتامر
تحياتي

غير معرف يقول...

هي كده الدنيا تغير الواحد لدرجة ننظر ليه وبنشعر نفسنا أبداً ما كنا نعرفه .. مع إننا ممكن نكون قطعنا معاه عمر ونحنا نظن نفسنا أقرب المقربين ليه ..
ربنا معاك وياخد بيدك أختي الكريمة ..

وصف الاحساس يقول...

مراتي

حمدلله علي السﻻمه
الدنيا مش بتقف عند حد بس احنا ال مش بنشوف غير ال احنا عايرينه
نورتني جدا
تحياتي