السبت، 24 سبتمبر، 2011

رساله الي مجهول ...3

اهلا بيكم في حلقه جديده من برنامج رساله الي مجهول
....
بيقولو الحب اخره الجواز
..
بس محدش فسر بالظبط
..
هل الجواز ده بيت الحب يعني بيطوره ويزيده
..
ولا
..
الجواز ده بيقضي علي الحب ويدفنه في دوامه الحياه الزوجيه
وجوه القلوب بنعيش علي زكريات اول ايامنا سوا
نعيش متاكدين اننا بنحب بعض وبنحب ولادنا بس بننسي نقول بننسي مظاهر الحب الحقيقي
وبيتحول الحب ال من اول نظره الي حب العشره والموده
...
حب التعود
...
هل خلص الكلام
ولا بقي صعب نقول كلام حلو
ولا اصلا معدش فيه نفس للكلام او الحب
طيب ورد الفعل ايه مهو محدش بيدور علي حاجه الا اما تكون ناقصاه
بس في الحاله دى الفعل خطير جدا
فكان لازم نقف معاها ونبعت الرساله دي

زوجي العزيز ..انت تخسرني
************************

بداخلي صرخات لا استطيع ان اطلقها فقد اتنفسها بضيق من داخلي اشعر بثقل في قلبي من وجع لم اكن اتخيله في يوم ان تكون انت السبب فيه فقد رسمت حياتي ووضعت عليك املي انني معك وصلت لاقصي درجات السعاده اني لن احتاج لاحد غيرك لن اصل لحالة مما كنت اعانيه من قبل تخيلتك فارسي و حبيبي و روحي التي كانت تائهة من قبلك ووجدتها معك ولكنك شيئا فشيئا سحبتها من قلبي وتركتني اعاني فراغ بداخلي كان كل جروحي نزفت فجاه من جديد فبدات افقد كل دمي واشعر بدوران في راسي فاي حيرة اعيشها معك وانت من كنت احلم اني ساضع راسي علي صدرة واغمض عيناي ولن افكر في اي الم مرة اخري مرات كنت اتحدث معك تارة تعيدني لحبك وتارة تقذفني الي اخر درجات الشقاء احسب اني افقد حياتي وانا من تصورتك حياتي
كثيرا رددت بيني وبين نفسي زوجي العزيز لم تعد حبيبي وكم كانت صعبه تلك الكلمات علي نفسي ولكن الاصعب انه لم يعد لي امل في الحياه ابنيه من بعدك لم اعد املك من الحياه اختيار اخر لن اري غيرك في طريقي ولكن ما الفائده وانت دائما معطيني ظهرك لا تسمع لا تشعر لا تراني هل هذا هو حقي عليك ان اتحدث وحدي اسهر اناجي ليلي وحدي افكر واحمل همي في قلبي اخاف ان احادثك فيه لاني اعرف انك لن تعطيني الامان الذي اردته وخوفا من ان تزيدني هما عندما اشعر باني وحدي معك اشعر بغربتي وانا بين يديك اتحدث مع نفسي وانت بجواري استشعر اماكن اخري وانا في بيتك احلم بالرحيل وانا لم اتمتع ببيتي معك الم تشعر لحظة انك تخسرني الم تشعر اني ابكي بلا صوت كل ليله لا اعرف لمن اذهب لمن اشكو وانت اغلقت علي كل ابواب الحياه وتركتني اشكو لليل ولا اعرف ماذا افعل اتذكر يوم زواجنا كتبت كلمات عنوانها اخر يوم في حياتي لم اكن اعرف ان هذا الوصف سيصبح ادق وصف اوصف به هذا اليوم فدائما المظاهر خداعه والامال عريضة والشكوي لغير الله مذله ولكن الواقع كما هو لم يتغير وانا كما انا عدت كما كنت بوحدتي وغربتي وحرماني وانت رغم كل ذلك محسوب علي حياتي زوجي ولكن اقولها واؤكدها انت تخسرني ولا تلومني فانت من فعلت ذلك ليس انا
زوجي العزيز انت تخسرني

بعد الرساله احب اقول حاجه مش مطلوب اننا نرجع نعيش حبيبه زي الاول
بس زي ما اصغر نقطه مياه بتعلم في اصعب صخر فالكلمه الحلوه والاحساس الجميل بيحلي اي حياه حتي لو كانت قاسيه
ليه كل واحد بينسي انه بياخد حبيبته من بيتها واهلها واصحابها وحياتها كلها والمفروض يبقي هو كل ده ومش بيفتكر بس غير هناكل ايه بكره وسكتي العيال امي تحطيها في عنيكي وانا خارج حتي من غير مش عايزه حاجه
رفقا بالقوارير واستوصو بالنساء خير
...
كده حلقتنا خلصت
...
علي وعد بلقاء جديد
...
ويارب تكون حلقتنا نالت اعجابكم
...
انتظرونا
...
هتوحشوني جدا
...
وصف الاحساس
تحياتي

هناك 9 تعليقات:

نسرين شرباتي "أم سما" يقول...

ممممممممممممممم
رسالة صعبة بجد
وأحاسيس قاتلة
صعب إن الحب ينتهي بليلة الزواج
لأن المفروض الليلة دي تكون بداية حب وانسجام وتفاهم
الحياة كده "وكلامي لصاحبة الرسالة" فيها حاجة غلط
وأكيد في حاجة ناقصة عندكم انتو الاثنين
انتم لسا مش لاقينها
دوروا بجد
دوروا بكل حاجة
بعلاقتكم مع بعض
صعب بكرة لما يجوا الأولاد
حتكون الحياة صعبة
طب وانتم عايشين ليه؟
الحياة بتعيشوها مرة وحدة وبس
وبكرة نكبر وكل حاجة تتغير
اقصد ان الأيام اللي المفروض تكون حلوة حتكون خلاص راحت عليكم
ربنا يهونها عليكم ويهديكم

مرآتي يقول...

وصف ..
رسالة كنت أوجهها لأصدقائي .. وسأتجرأ لطرحها هنا لمناسبة الموضوع ..
إلى الأزواج ..
في هذا الزمن الصعب تسمع الفتاة كلمات الغزل في الطرقات ووسائل المواصلات والجامعات وأماكن العمل وعلى النت وفي كل مكان إلا مكاناً واحداً هو بيتها ..
وتسمع هذه الكلمات من رفقاء العمل والدراسة والغرباء والأقرباء ومن كل الشباب إلا رجلاً واحداً يعفي نفسه من كلمات الغزل وهو أنت أيها الزوج الحبيب ..
ليس لأنك لا تعرف كلمات الغزل أو لم يطرق الحب بابك .. أو لم يلامس العشق شعورك .. ولا لأن قلبك لم يلتهب بلهيب الشوف .. فأنت في أيام الخطبة وأولى أيام الزواج كنت تكاد تكتب الأشعار وتنشد القصائد في الحب والغزل .. فأين ذهب كل هذا الشعور ؟؟ .أم كانت كلها كلمات غش وخداع .. لا أحسبها كذلك .. لكنك نسيت .. فإياك إياك ..
من واقع حياتي وحياة الأزواج من حولي أقول .. كثير من المشاكل العائلية بين الأزواج تطرق بابي لأبحث لها عن حلول .. وحقيقةً كل المشاكل أو معظمها لم تكن لتكون لو أن الزوج يتكلم مع زوجته بكلامٍ لطيف ..
إحدى الزوجات انتهت شكواها من زوجها بأن قالت "إنه لا يقول لي صباح الخير .. عند الصباح " ..
في الوقت الذي لم أخرج إلى أحد لأشكوه مشاكلي مع زوجتي (وهي ولا بد موجودة) لأنني بالكلمة الطيبة والكلام الحسن أحفها وأحنو عليها .. بل منذ أشهر قليلةٍ بدأت أكتب الشعر في حبي لها .. تصوروا ما الذي حصل بعد أن كتبت الشعر ؟؟!!

فلا تجعل للدمار إلى حياتك طريقاً .. ولا تكن عوناً للشيطان على زوجتك بل كن عوناً لها على مشقة حياتكما ..
هذه رسالتي .. وعذراً للإطالة ..
شكراً وصف على طرحك هذا الجانب من حياة الأزواج ..

Ramy يقول...

http://www.youtube.com/watch?v=jnOfkb4YIPI

دة أكتر رد منطقى مع البوست الحقيقى ده

عرض ممتاز يا وصف بجد تسلم ايدك

...........

معلش يمكن لسه معرفتش موضوع البرنامج بس النت وحش معايا شوية

مرآتي يقول...

أم محمود ..
تحية طيبة مباركة ..
لأسباب فنية نقلت مدونتي "مرآتي" إلى مكان جديد اسمه "ظلالي البيضاء" والرابط هو :
http://mywhiteshadows.blogspot.com/
أرجو أن تسجلي في المشاركين معي هناك لأني قيد إنجاز تعديلات فنية على مرآتي ..
شكراً لك ومنتظر متابعاتك في ظلالي البيضاء بدل مرآتي ..

غير معرف يقول...

كلام رائع احساس جميل

وصف الاحساس يقول...

نسرينا

احساس فعلا صعب بس هي زحمه الحياه بين البيت والشغل والولاد مفيش نفس مفيش وقت حد ياخد راحته او حد يفكر في حد تاني

نورتي يا قمر
تحياتي

وصف الاحساس يقول...

مراتي

رسالتك فعلا مهمة جدا واتمني ان الكل مش بس يقراها ويعمل بيها كمان
يمكن حاجة تتغير في الناس
نورتني جدا
تحياتي

وصف الاحساس يقول...

رامي
فعلا الاغنيه دي معبرة جدا عن الموضوع
بجد تسلم ايدك
والاغنيه هي في حاجات لنانسي عجرم عشان ال مش هيعرف يفتح الاغنيه
البرنامج فكرته اننا بنبعت رساله لشخص مجهول بناء علي طلب حد تاني
خد وقتك وي ار هير ويتنج فور يو
نورتني جدا
تحياتي

وصف الاحساس يقول...

غير معروف

شكرا ليك جدا
واتمني لو تعرفني بيك وتبقي معروف للجميع
نورتني جدا
تحياتي