السبت، 17 نوفمبر 2012

حفله موت


جربت في يوم احساس الموت .. حسيت في لحظة انك بتموت ..القطر كان جاي من بعيد .. صوته في الاوتوبيس فرحانين مبسوطين .. مش حاسين بشيء غريب مش خايفين من ال جاي ..صوت بيقرب .. بيقرب وهما لسه زي ما هما .. طفل بيضحك وواحد بيغني توت توت .. فجاه صرخو في عم علي.. حاسب القطر جاي .. مسكو في بعض خايفين.. مرة بيبكو ومرة مش عارفين .. اتقلب الاوتوبيس مرة واحده .. واحد فوق واحد وهما برده في بعض محميين .. خايفين خايفين .. طاقة نور واتفتحت روح فيها طارت ودخلت .. رجعت بسرعه وقالت .. تعالو يلا انا في الجنه  .. روح ورا روح بتروح .. مسكو تلاته في ايد بعض  .. استنو ماما وبابا لمين هيعيشو  .. راح واحد وصرخ  في التاني  .. احمد تعالي ..  احمد مسك في  محمد .. محمود خايف لوحده مسك فيهم وهو بيبكي  .. بابا ماما معلش مقدرش اسيب اخواتي ..  شيماء واحمد ايدهم في ايد بعض  خايفين  .. روح ورا روح بتروح  .. اروي ..واروي صحاب خايفين محمد  ايمان ايات مصطفي .. يلا بينا قبل ما يقفل باب الجنه .. ابله تعالي معايا ريحة الجنه بتقرب .. صرخت عمو علي الجنه قدامنا قال انا قبل منكو يلا بينا .. راحو كتير علي الجنه .. لسه صحابهم تعبانين نادو استنو معاكو جايين قفل باب الجنه بسرعه وفضل الباقي متصابين بكو من حزنهم علي صحابهم مرة ومرة لانهم لسه عايشين .. كانها كانت حفله موت .. ما تبكيش يا عين علي ال مات في الجنه هما عايشين ..
وصف الاحساس
تحياتي 

هناك 11 تعليقًا:

ريـــمـــاس يقول...

مساء الغاردينيا وصف
ورب السموات أدمعتِ عيني كم هو مؤلم ماحدث
أرواح أطفال بريئة تلقفها الموت مد يده ليأخذهم
روح خلف روح خلف روح وأم تنتظر عودتهم
ودعتهم صباحاً ليعود أبنائها وعادا بدلاً عن إبتسامتهم أكفانهم
ودعتهم بدفتر وكراس وقلم ودعوة أم أن يحفظه ويحميه
وعادا الدفاتر بلونها الأحمر وغادر الطفل للسماء
إلى متى الإهمال وعدم المسؤلية ؟
إلى متى الإستخفاف بأرواح البشر ؟
هي ليست الحادثة الأولى في تاريخ مصر للقطارات ؟
ماذا فعل المسؤلين ؟؟؟؟؟؟؟؟؟
رب أحفظ مصر وشعبها وضمد جرح قلوب الأمهات "
؛؛
؛
لروحك عبق الغاردينيا
كانت هنا
Reemaas❤

habiba يقول...

احنا اللى مش عايشـــين

همسة محبة يقول...

ايه الجديد ياايمان قلوب محروقة على زهرات يمكن كانوا غيروا وقلوب زى الحجر هى هى مافيش غير وجوه واسماءفقط اتغيرت ومصرزى ماهى عبارة بتغرق بالف وقطارات كل يوم والتانى الله يرزق اهاليهم الصبر والسلوان ويكفى الشجب والتنديداهونسيت التعويضات كان كام مليم هيغنى عن طفل اتربى بطلوع الروح

وصف الاحساس يقول...

ريماس انا قلبي بيتحرق كل لحظة علي المنظر وعلي رخص التراب ال بقينا فيه
ربنا يصبرهم ويصبرنا

وصف الاحساس يقول...

حبيبه
ربنا المستعان

وصف الاحساس يقول...

همسه محبه
والله فعلا مش بيتربو الا بطلوع الروح
من امبارح ماسكه محمود واقول ربنا يحفظك يا بني
ربنا يصبر اهاليهم يارب

Wohnungsräumung Wien يقول...

الله المستعان

dog health pedia يقول...

ربنا يصبر اهاليهم

my cat care blog يقول...

لك الله يا مصر

Mr Fitness For You يقول...

الله يلعن الفساد والمفسدين

جمال المرأه يقول...

ربنا يتولانا برحمته