الثلاثاء، 20 أبريل 2010

اتمنيت ..!!

اتمنيت ..

ان العمر يرجع تاني بيا ..اشوف وافكر في ال عملته انا بايديا ..يمكن اخد بالي من كان جاني عليا
وما اسيبش نفسي للاحلام تلعب بيا ...ولا كنت امشي في طريق كله شوك مع اني شايفاه بعنيا

اتمنيت ..

اعيد تاني ال كان ولا عمري لحظة احب ال حبيته زمان ..خد مني عمر وحب وحنين وسابني تايهة سنين وسنين
تعبت قلبي انا بايديا وما شفتش الا ال كان مداري عنيا .. رجعت بقلبي انا مجروح ..لا عرف طعم حب كله بس جروح
واما لقيت في الدنيا حبيب ..من القلب يقدر يكون قريب ... بيحس بكل ما فيا .. لقيت القلب مليان الام ..حاسس انه تعب من الايام
ساب نفسه يمشي ورا الكلام ..حاسس بحبه الجديد لكنه حاسس باستسلام ..زي ما تيجي الدنيا بالايام
اهي ماشيه وهو ماشي من غير كلام ..لحظتها بس عرفت ازاي بيكون العمر لحظة ما تنعاد ولا عمره بيرجع الزمان يمحي الام من اوهام .. ويسيب القلب يرجع نضيف يقدر يحب جديد ..لكن خلاص فات ال فات ..هيعيش الحب باستسلام
ما بقاش القلب زي زمان .. ياريت كان ينفع الندم في يوم .. ولا كان ينفع نعيد ال كان ..

اتمنيت ..

يقف بيا الزمان لحظة بس من الاحلام .. ابص للدنيا من جنب جديد ..واشوف الناس ازاي بتعيش .. ادور جوا الزمن علي حلم يشبهني في الاحلام .. يمكن اعرف ازاي اعيش واعيش قلبي من جديد ..ولا اظلم نفسي تاني بكلام ..ياخدني ويجري ورا اوهام ..اااااااه لو الزمان مشوار .. فيه فرصة تاني تصحح ال كان .. ولا تشوف ايه ال جاي تاني كمان .. لا كان القلب عاش مجروح .. ولا كان خاف علي ال يروح ..ولا كنت خفت من الايام ..وكان الحب حر جميل بيلعب في قلبي زي الطير .. من حته لحته طليق .. مش جوا القلب عايش بردان ..حاسس بالخوف في كل مكان ..واديني ماشيه مع الايام ..زي ما عايزة يكون ال كان ..عايشة من غير ما استني ..يكون لسه شايلي الزمان ..لحظة حلوة من غير حرمان ..خلاص زي ما يحصل وزي ما يريد الزمان
وصف الاحساس
تحياتي

هناك 4 تعليقات:

Ms Venus يقول...

اتمنيت ..
يقف بيا الزمان لحظة بس من الاحلام .. ابص للدنيا من جنب جديد ..واشوف الناس ازاي بتعيش .. ادور جوا الزمن علي حلم يشبهني في الاحلام .. يمكن اعرف ازاي اعيش


جميلة اوى اوى بجد

عبرت عنى وحسيت بكل كلمة فيها


تسلم ايدك يا قمراية

وردة لعيونك

سمع هوص (Abo 3li) يقول...

بجد انتي بتعقديني... بكلماتك..
تسلمي ياشهد..

تحياتي

وصف الاحساس يقول...

فينوس


الاجل هو وجودك يا حبيبتي


نورتيني


تحياتي

وصف الاحساس يقول...

ابو علي

اكيد لازم اعقدك اقولك اكتب تكتب من المرحومه

الله يسامحك

علي العموم ربنا يستر

نورتني ومنورني دايما

تحياتي