الأحد، 18 أبريل، 2010

مفارقات في النعم

سمعتها تحكي فقالت
كنت ضمن الذين اشتركو في عمل حفله لصالح المعاقين للترويح عنهم
قسمناهم ثلاثة اقسام
قسم للصم والبكم وقسم للعمياء وقسم اخر للمعاقين ذهنيا
القسم الاول الصم والبكم اخذو في اللهو واللعب باصوات عاليه
صرخات لا يسمعونها ولا يدرون ان الاخرين يتاذون منها
والجزء الاخر عمياء يجلسون في مقاعدهم التي خصصناها لهم لا يحركون ساكنا
والجزء الاخير المعاقين ذهنيا بحركاتهم وتصرفاتهم التي ليس لها تفسر
فعقدت المقارنه بينهم وجدت ان الصم والبكم اقلهم اعاقه من الاخرين
 فهم يمكنهم الرؤيه التي وحدها تمكنهم من التعرف علي الاشياء والاماكن
دون الحاجة لاخرين يعلمونهم طريقهم
ونظرت الي العمياء وجدتهم منذ ان احضرناهم لا يتحركون فعلمت ان الاعمي غريب
فهو في مكان غير مكانه لا يتحرك لانه لا يعرف اي طريق
فان احتاج لقضاء حاجة لابد ان ياتي اخر يصنعها له
وايضا لا يعرف الاشياء ان حكيت له عنها فلن يعرف ان البحر ازرق لانه لا يعرف الالوان
ولم يري البحر من قبل وكذلك لن يعرف شكله
وبينما انا اتابعهم بنظري جائني طفل من الصم والبكم
واشار الي العمياء واشار الي فمه ورسم بملامحه ضيق العيش
فهمت منه انه يشفق عليهم رغم انه ايضا معاق ولكن من درجة اخري
ونظرت للمعاقين ذهنيا وجدت ان العمي افضل درجة من الذي لا يعلم عن العقل شيء
 فهو يصرخ ويلهو دون ان يفهم ولن يفهم حتي ان حاولت معه
فاخذت اتذكر حالنا وكيف اننا لا نقدر النعم التي انعمها الله علينا
 وفقد نسب ونلعن حال دنيتنا التي اخذت منا الكثير ولم تعطنا
انتهي حديثها و انتهي معه تجولي في تخيلي للموقف
لا اعتقد ان الموضوع محتاج تفسير اكثر من تلك المفارقه ازيد علي ذلك شيء اصابني الايام الاخيرة وهو ضيق التنفس شعرت فعلا بالفرق قبله وفيه وبعده  نعمات نملكها ولا ناخذ بالنا منها ولا نحمد ربنا عليها

وشعرت انها افضل نعمة علي الاطلاق ان تتمتع بنفس سالك لا يعاني من ضيق ولا اختناق

ونترك النفس تلهو بالشكوي لضيق الرزق والحال
فصدقت الدعوة  اللهم متعنا باسماعنا وابصارنا ابدا ما احييتنا واجعلها الوارث منا
وصف الاحساس
تحياتي

هناك 21 تعليقًا:

ماجد القاضي يقول...

جزاك الله خيرا على التذكرة التي نحتاجها في كل وقت وحين..

ووالله لو استغرقنا أعمارنا في التفكر فيما أنعم الله به علينا فستفنى أعمارنا ولم نوفِّ تلك النعم حق التفكر بها وليس شكرها...

وصدق الله العظيم إذ يقول: "وإن تعدوا نعمة الله لا تحصوها"..

استشعرت جدا الكلمات السابقة...

وألف سلامة وربنا يبعد عنك كل سوء.. اللهم آمين.
تحياتي

wasf_elahsas يقول...

الاستاذ ماجد

اولا نورتني جدا
ثانيا
فعلا النعم كتير بس للاسف مش بناخد بالنا منها الا اما تبدء تروح مننا

ربنا يبعد عنك كل سوء ويديم عليك نعمه ويحفظها من الزوال

تحياتي

سمع هوص (Abo 3li) يقول...

ربنا يديم علينا نعمه...
شكرا

العيسوى الصغير يقول...

الواحد مش بيحس باهمية اى حاجة الا لما يحتاجها ويلاقيها مش معاه

still-searching يقول...

فعلا لازم تشوفي مصائب الاخرين عشان تشعري بنعمة ربنا عليكي

وزي ما قلتي لما حسيتي بالاختناق حمدتي الله على نعمة التنفس

وبرده لو حسيتي بوجع في العين او في اي مكان اخر
هتشعري بنعمة ربنا على الصحة

سبحان الله الانسان ضعيف اوي


لكنه مش بيفتكر ان كل اللي هو فيه من نعم من عند ربنا

وان ممكن حاجة صغيرة اوي وبسيطة جدا تسلبه جزء من صحته وتنغص عليه حياته

سبحانك يا رب
اللهم لك الحمد كما ينبغي لجلال وجهك وعظيم سلطانك

فشكووول يقول...

اهلا بيك وصف الاحساس
شرفتى فشكول ونورتينى انا كمان
اصل بقى فيه فرق بين فشكول وانا
فشكول هو حالتى .. حالتك .. حالة الناس اللى حياتهم اتفشكلت واتبهدلت واتلخبطت آخر لخبطه .. اما انا فهو انا عمك صلاح انسان بيمشى فى كل شوارع مصر اللى بقت مش محروسه وزهقان وظمقان ومدايه وتلاقيه دايما مش طايق نفسه وفى احيان كتيره مقموص من نفسه ومن الدنيا كلها
وبعدين انت نسيتى الواد خليل عندى قاعد يا عينى جنب الكمبيوتر وبيقول ماما .. ماما .. ماما .. عايز ماما والآخر بعته لك على وصف الاحسان .. هو وصل ولا لسه؟
والله انت بنت زى العسل
ولسانك بينقط سكر .. ودمك شربات .. اصل عمك فشكول بيحب يدلع ولاده

تعالى بقى نشوف حكاية مفارقات النعم

يا بنتى الواحد لما بيشوف معوق بيقعد يبوس ايديه وش وضهر ويقول الحمد كله لله والشكر كله لله الذى نجانا مما ابتلى به كثير غيرنا .. لكن كتير احط ايدى على قلبى لانه فعلا بيوجعنى وجع عضوى اما اشوف حاله من الاحالات الانسانيه دى ناهيك عن الوجع المعنوى واقول ربنا يصبر اهلهم وزويهم ويعوضهم خير

سعيد بيكى جدا

فشكووول يقول...

وانا اتجول فى مدونتك قريت البوست بتاع ابنك ومشكلته معاك ومع ابوه .. بصراحه الطفل دا انا متعاطف معاه قوى .. هو حيلاقيها منك ولا من ابوه .. على فكره هو جه ولا لسه .. امال كان فى فشكول ازاى .. آآآآه كان معاك روح واحده وجسدان .. ربنا يخليه لك .. او ربنا يجيبه لك على خير

صيدلانيه طالعه نازله يقول...

كلنا مبنحسش بالنعمه غير لما نتحرم منها

عادى دى الطبيعه البشريه

دائمى الشكوى و الاعتراض

مع ان الرضى بالمقسوم عباده

eman mohamed يقول...

نعم ربنا علينا بس شكرنا لله قليل اوى
ودايما عايزين زياده وناسين ان فى ناس
معاقين بس راضين
ربنا يدمها علنا نعمه

wasf_elahsas يقول...

سمع هوص

ربنا يديمها نعمة ويحفها من الزوال

نورتني

تحياتي

wasf_elahsas يقول...

العيسوي الصغير
فعلا مش بنعرف قيمة الحاجة الا اما تنقص مننا
بس الحاجات دي اما بتنقص بتبقي صعب ترجع تاني
الحمد لله علي كل نعمه علينا

نورتني

تحياتي

wasf_elahsas يقول...

لسه بدور

ايه يا بنتي مالك حاسه انك تعبانه وكلامك مهموم

هو فعلا مش بنحس بالحاجة الا اما تبدء تروح

وزمان قالو احفظها في الصغر تحفظك في الكبر
وربنا يديم علينا نعمه

نورتيني يا جميل

تحياتي

wasf_elahsas يقول...

عمو صلاح ... مستر فشكول

وانا اقول المدونة منورة ليه اتاريك مشرفني

انما الواد خليل ده دوخني معاه
كل ما اخده معايا يشبط في الناس وما يرضاش يروح

دايما يا عمو كاسفني كدة ومخلي رقبتي زي السمسمه

ميت مرة قايلاله ما تقعدش عن حد وبرده ال فيه فيه

وبالنسبه بقي للبيبي ال انتي بتقولي دوخته معايا انا وابوة والنبي ما انت عارف حاجة

الواد ده من يومه وهو تاعبني
كل ما اجيبله اب يزعل ويتلوي وما يعجبوش ويفضل علي قوله ما اخدوش يا ماما ماخدوش يا ماما لحد الراجل ما يطفش
لحد ما جه ابوه ده
يوووووووووووووه الصراحة انا ال نسيت الدنيا وال فيها والواد وقرفه
بسس هنعمله ايه اهو خير يا خويا ولا بد منه

وربنا يتمم علي خير وييجي المحروس ابني ده ويخلصنا

وبالنسبه بقي لموضوعنا

يوووووووووووه والنبي نسيت هوكان ايه الموضوع
استني اما اشوف
7
7
7
7
7
7
اه افتكرت
صحيح اما بتشوع حد ربنا ابتلاه بتقول الحمد لله اني سليم
في حاجات مش بنحس بوجودها الا اما نشوفها ناقصة في حد تاني
ويمكن ما ناخدش بالنا الا لو لا قدر الله وفقدناها
المهم ربنا يديم علينا نعمه ويحفظها من الزوال

والله كده كا ينفع بجد

يعني ما نعرفوش نقومو معاك بالواجب خالص

طب كوبايه شاي حتي .
.
.
...
..
..
..
..
.
.
.
.
.
.
خلاص طالما مستعجل مش هنعطلك

نورتني والله
وابقي تعالي الباب مفتوح علي طول

تحياتي
وسلملي علي الجماعة

سلام

خلي بالك من السلمة المكسورة

اخ

لبس في السلمه

wasf_elahsas يقول...

صيدلانيه طالعة نازله

والله المدونة منورة

فعلا مش بنحس بالنعم الا اما تبدء تروح
ربنا يديم علينا نعمه ويحفظها من الزوال

نورتيني

تحياتي

wasf_elahsas يقول...

ايمو حبيبتي
ازيك وحشاني

انتي قفلتي المدونة ولا ايه كل ما افتح يقولي خطا في العنوان

بركة انك كويسه ونورتيني

اصلا محدش بيشوف ال معاه كله لبيبص للناقص منه وال مع غير
من غير لا حمد ولا شكرانيه
بس هنعمل ايه
دي طبيعة في البني ادم

نورتيني يا جميل
تحياتي

eman mohamed يقول...

يا حبيبه البى مدونتى زى ما هى بس غيرت اسمها بقا اسمها شهر زاد
وده الرابط
http://4aherzad.blogspot.com/

wasf_elahsas يقول...

علم يا باشا وجاري التعديل

مش كنتي تدينا خبر
يلا حصل خير

sweet angel يقول...

الحمدلله الذي عافانا مما ابتلى به غيرنا

جزاك الله كل خير

wasf_elahsas يقول...

sweet angle

الحمد لله علي نعمه كلها

نورتيني يا قمر

تحياتي

codecx يقول...

بنت مصر
شات بنت مصر
دردشة بنت مصر
دردشة مصرية
شات مصري
شات بنات مصر
شات
دردشة
بنات مصر
دليل بنت مصر
بنت مصر
شات بنت مصر
دردشة بنت مصر
العاب بنت مصر
فيديو بنت مصر
يوتيوب بنت مصر
جوال بنت مصر
موبايل بنت مصر
توبيكات بنت مصر
مطبخ بنت مصر
ازياء بنت مصر
الموضة بنت مصر
ماسنجر بنت مصر
صور بنت مصر
دردشة بنت مصر الكتابية
بنت مصر
دردشة كتابية مصرية
شات بنت مصر الكتابي
شات بنت مصر
دردشة بنت مصر
دردشة بنت مصر الصوتية
بنت مصر
شات بنت مصر الصوتي
دردشة بنت مصر
شات بنت مصر
دردشة صوتية مصرية

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي