الجمعة، 29 أبريل 2011

كركبة دماغ

طبعا يعز عليا انه يعدي شهر من غير ما اكتب اي حاجه في مدونتي العزيزه لذلك حبيت اعتذر لها عن تقصيري معاها والله غصب عني لو تعرفي انا دماغي عامله ازاي كركبه فوق بعضها كل حاجه بتجري من بين ايديا و اخده ايدي معاها لدرجه اني ماعدتش شايفه ال بيحصل ايه حاجات كتير بقت بتقع مني ومبعرفش امسكها تاني عارفه ان السنه دي تختلف كتير عن ال فاتت يمكن كنت في الاول فاضيه اكتر بشوف كتير بتعامل اكتر فكنت بقدر افكر واكتب اكتر انما بعد ما اتجوزت حسيت اني زي ال واخداه الدوامه كله شغال كونتنواس مفيش فاصل ونعود وطبعا بعد ما جه محمود ما بقاش كونتنواس في النهار والليل بقي الواحد مش عارف ياخد نفسه وابسط الحاجات ال بيحب يعملها بقي محروم منها جايز ما اتعودناش علي كل الشيله دي في وقت واحد او محدش قالنا قبل كده نعمل ايه ولا هنقابل ايه في السكه فبقي الحمل تقيل اوي حتي مش عارفين نفرح بحاجه من كتر الواحد ما حاسس ان ظهره اتقسم بقيت افكر هو الفرحه صغيره اوي كده ليه وليه الوقت ال كان زمان فاضيين فيه كان تقيل علي قلبنا انا مش هقول اني ما عشتش الحياه ال قبل كده ويعلم ربنا اني ما كنتش زعلانه ومقهوره عشان اتخطب واتجوز بس رغم كل ال عشته دلوقت حاسه اني ما عشتش واني كنت عايزه اكتر فعشان كده نفسي كل واحد يعيش الفتره ال هو فيها علي قد ما يقدر الجواز مش سهل ولا الحب فيه كفايه انما لازم الاهل يوعو ولادهم علي الحياه دي اكتر من كده ده علي راي ههنيدي كله ضرب ضرب مفيش شتيمه
فنصيحه ال لسه ما دخلش الحياه دي انه ياخد من الفتره ال هو فيها كل حاجه حلوه ويشبع من كل ال نفسه فيه قبل ما تقع الفاس في الراس لانه بعد الجواز مش هتقدر تغمض عنيك
وصف الاحساس
تحياتي

هناك 7 تعليقات:

Tamer Nabil Moussa يقول...

ازيك وصف

عاملة اية

معلشى وصوفة كل مرحلة ولها مشاغلها وظروفها الخاصة

واكيد مع الايام بنعرف نرتب امورنا نظبط حالنا


هيا دى الحياة لاتستمر على وتيرة واحدة


سلمى ليا بقى النونة محمود

تفرحى بية ويتربى فى عزك

اول ما يكبر هاتية عندنا هنا فى التدوين

ربنا ويكرمك

مع خالص تحياتى

وصف الاحساس يقول...

الاستاذ تامر نبيل

ازيك وعامل ايه
‏ مش عارفه اقولك ايه
هيييييييييه دنياااااااا
الواحد اما بينه وبين نفسه يحسب المرحله دي تاخد قد ايه في الدوامه دي يلاثيها هتاخد كتير وتطلع من دي تدخل في غيرها ما ترتاحش الا اما تشوف احفادك ان شاء الله يعني تكون دخلت في الخمسين ترجع تبص للفات تقول للزمان ارجع يا زمان
محمود بيسلم عليك ومستني اما يكبر شويه هو ال هيكتب معايا
نورتني جدا
تحياتي

Ms Venus يقول...

ازيك يا وصف وازى البيبى الجميل

يارب تكونوا بخير دايما


كل مرحلة فى الحياه اكيد ليها جمالها


ربنا يسعدك دايما ياارب ويوفقك فى حياتك ومع اسرتك الجميلة

غير معرف يقول...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير. ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

باقى المقال ضمن مقالات ثقافة الهزيمة بالرابط التالى www.ouregypt.us

Ramy يقول...

عارفة يا وصف

برغم انى مش مع تجربة مباشرة بحاجة زى كدة

بس تجربة أختى ماثلة امامى (:

ربنا يكون فى عونكم
(:
يا مامت محمود

وصف الاحساس يقول...

فينوس

ازيك يا حبيبتي عامله ايه
البيبي كويس وبيسلم عليكي
نورتيني يا قمر
تحياتي

وصف الاحساس يقول...

رامي

فينك وعامل ايه
يارب تكون بخير
ربنا يكون في عونا جميعا
نورتني جدا
تحياتي