السبت، 8 أكتوبر 2011

رساله الي مجهول ...5

عد الازمات بندور علي مين نقوله انت السبب
..
بندور لنفسنا علي اسباب ومبررات
..
بس في الاخر بنوصل للحقيقه
..
اننا مش ملايكه
..
ولا هما شياطين
..
رسالتنا انهارده يمكن تكون غريبه
..
ممكن جريئه
..
بس كان لازم نقولها
...
الي من جعلني احمل لقب ..خائنه
*************************

لا اعفي نفسي من الخطأ ولا ابرء نفسي ولكن ربما التمس لها العذر فقد كنت اسير في طريق ظننته املي في الخلاص من ظلم الاحباب وظلم الحياه ظننت اني ساتخلص من الماضي وسابدء صفحه جديده ولكني كنت لازلت احمل اسم رجل يدعي زوجي حتي وان كنا في طريق الانفصال فهو لازال زوجي وكنت انت تعرف ذلك وتعرف انه ربما يحدث اي شيء يجعلنا نعدل عن حدوث الطلاق ولكن غرورك لم يمنعك او يذكرك باني محرمه عليك وعلي اي رجل غيرك وخضت معاركي ودروبي تزين لي الحياه معك و اننا متشابهان وافكارنا واحده وانه لو رجع الزمان الي الوراء لكنت انا حبيبتك وانت حبيبي
فرشت لي الارض من الازهار ما جعلني اشعر بنسيم الحياه وبعطور الحب تدخل قلبي فاغمضت عيني عن كل الحقائق وكل الخطوط الحمراء وخطوت داخل ازهارك ارغب في العيش في هذا الحنان لم اكن ادري ان هذه الزهور ليست الا غطاء لدنائتك وخداعك واني لست الاولي ممن وقعت في شباكك تتسلي بها او ربما لتستفيد منها ولكن وجدت يد اصحاب الخير تمتد الي توقظني من وهمك وتذكرني بان الله يسمع ويري فتعلقت بها بشده الي ان جذبتني بعيدا عن وهمك وتبت توبه نصوحه لله تعالي واخذت وعد بيني وبين نفسي ان اغير طريقك بكل قوتي واترك وهمك وحبك الزائف بلا رجوع وكان الله قبلني عبد تائب ففتح لي طوق للنجاه وسخر اشخاص يصلحون احوال بيني وبين زوجي وبقدرته تعالي عادت الحياه تربطني به من جديد ووهبني الله تعالي اكثر من شيء يجعلني اشعر بدناءه ما فعلت معك فكل يوم كان يزيد اصراري علي تكفير ذنبي في مراعاه الله في زوجي اما انت فانا لا اريد ان ارسل لك رساله انما اريد ان اصفعك بكل قوه السعاده التي انا بها وبكل حقاره افعالك معي
لن اسال الله ان يضلك اكثر ولكن اساله ان يهديك رحمه بضحيه جديده من ضحاياك واعانك الله علي نفسك

************************
مفيش مشكله او خلاف بيكون فيه طرف صح 100% وطرف تاني خطا 100%
...
انما في لكل حقيقه اكتر من وجه و وجه
..
كل واحد بيشوف المشكله من الجنب ال يناسبه مش بيشوف التاني بيفكر ازاي
حاسس بايه
..
التمس لاخيك العذر
..
هدم حياه سهل في الافعال انما عشان نبنيها تاني صعب جدا وبيضيع حاجات كتير قدامه
...
وحتي لو حصل ومشيت في الطريق الغلط فلسه في امل وربنا رحمته واسعه
...
المهم اننا ما نتماداش في الغلط وما يتكررش تاني
...
يارب تكون الرساله وصلت
...
ونكون عن حسن ظنكو
...
يسعدني تلقي رسائلكم علي الاميل
In_my_heart10@yahoo.com
...
تابعونا كل يوم سبت
...
نشوفكو علي خير
...
هتوحشوني جدا
...
وصف الاحساس
تحياتي

هناك 17 تعليقًا:

Ramy يقول...

وصف .. ازيك

جميل جداً الرسايل دى

مش عارف الرسايل كلها أحلى من بعض و كمان حقيقية و فيها موضوعية

...........

هنا الرسالة برغم صعوبتها لكنها تحمل حاجات كتيرة جواها

من ضمنها التسامح

رسالة قوية جداً للنفس قبل الغير

برافو عليكى يا وصف
(:

ظلالي البيضاء يقول...

وصف الإحساس ..
إنت بالفعل وصفتي إحساس إنسانة مشت في بداية طريق خاطئ ثم عادت ادراجها للصواب بمعونةٍ من أصحاب الغيرة المؤمنة ..

تحيتي لك ..

Unknown يقول...

السلام عليكم

الفكرة جميلة.. جميلة..
تعليقي كان تقريبا ما قلتيه عن عذر الآخرين.. والقابلية للتوبة في كل حين..
تحياتي الدائمة وشكري على أسلوب عرضك الراقي للرسالة.

وصف الاحساس يقول...

رامي

انا الحمد لله انت ال عامل ايه
التسامح شيء صعب علي فكره مش سهل بس ال عنده نيه ربنا بيقدره وبيصلحله حاله
شكرا ليك جدا
نورتني جدا
تحياتي

وصف الاحساس يقول...

ظلالي البيضاء
يارب تكون الرساله عجبتك
شكرا ليك جدا
تحياتي

وصف الاحساس يقول...

استاذ ماجد القاضي
اخجلتم تواضعنا
سعيده ان البرنامج عجبك
شكرا لكلامك اللطيف
نوتني جدا
تحياتي

نسرين شرباتي "أم سما" يقول...

وصف الإحساس:
الرسالة دي جميلة وواقعية جداً
وكما يقولون: ومن منا بلا خطئية
صحيح إن الموقف صعب،، لكن في النهاية هيا بشر
ومن يتق الله يجعل له مخرجاً
،،،،،،،،،،،،،،،

برنامجك بيحلو وكل حلقة أجمل من اللي قبلها
لما تشوفيني أون فكريني أحكيلك حاجة :)

ظلالي البيضاء يقول...

وصف ..
مساء الورد ..
أنا عاوز أرسللك قصة ممكن تكون حلقة في برنامجك ..
بس لحد ده الوقت أنا ما عارفش إزاي إرسلها من غير ما تكون كتعليق ..

مع تحياتي

وصف الاحساس يقول...

نسرينا

اوك مستنياكي
نورتيني جدا
تحياتي

وصف الاحساس يقول...

ظلالي البيضاء

انا ضفت اميل علي الموضوع
ابعتلي القصه وربنا يسهل ان شاء الله

ذو الوجه المبتسم يقول...

السلام عليكم
اولا باشكرك على زيارة مدونتى
ثانيا سعيد جدا انى دخلت مدونتك وبجد مفيدة فكريا وروحانيا
البرنامج القصصي جميل جدا وكنت باجهز فعلا اعمل شبيه له بس للاسف مش بادخل المدونة كتير

القصة واقعية وبتحصل كتير فى عالمنا والسبب او الاسباب اكيد واضحة

بالحب والاحتواء اكيد اى طرفين هيستطيعو ان يتخطو كل العقبات
والتسامح مطلوب جدا
الموضوع محتاج كلام كتيررر

تقبلى مرورى وتحياتى

ذو الوجه المبتسم يقول...

السلام عليكم
اولا باشكرك على زيارة مدونتى
ثانيا سعيد جدا انى دخلت مدونتك وبجد مفيدة فكريا وروحانيا
البرنامج القصصي جميل جدا وكنت باجهز فعلا اعمل شبيه له بس للاسف مش بادخل المدونة كتير

القصة واقعية وبتحصل كتير فى عالمنا والسبب او الاسباب اكيد واضحة

بالحب والاحتواء اكيد اى طرفين هيستطيعو ان يتخطو كل العقبات
والتسامح مطلوب جدا
الموضوع محتاج كلام كتيررر

تقبلى مرورى وتحياتى

وصف الاحساس يقول...

ذو الوجه المبتسم

اولا شرفتني جدا
مدونتك جميله وتستحق الزياره والاهتمام
عجبني اوي رسوماتك بتدل علي ابداع صاحبها
نورت المدونه وهستني اتابع الجديد عندك
نورتني جدا
تحياتي

د.ريان يقول...

مساء الخير وصف الإحساس

موضوع الخيانة موضوع مؤلم وتقريباً من أشد المواضيع التي

ممكن أنها تنزع القلب وتغير طبعه وتعلمه الكراهية

لكن سبحان الله في التسامح والطيبة قوة رهيبة ممكن تغير كل الماضي

وتخليه مجرد ذكرى في أركان الروح


مش كل شخص بيقدر على الخيانة ولاكل شخص يقدر على التسامح

ولا كل شخص يتحمل ألم الخيانة

لكن تظل الحياة قسمة ونصيب وقدر أكثر مما هي غلطات وتصليحات

موضوع قوي وأسعدني المرور هنا

دمتم بخير

وصف الاحساس يقول...

د . ريان
انا ال اتشرفت بوجود حضرتك وكلامك صح جدا
الخيانه اصعب شيء والتسامح مش سهل

نورتني جدا
تحياتي

Tamer Nabil Moussa يقول...

الخيانة تقتل الانسان وان لم تقتلة ارسلت بة الى عالم الجنون الوهمى

رائعة وصف

مع خالص تحياتى

وصف الاحساس يقول...

تامر نبيل

فعلا الخيانه اصعب شيء
والتسامح كمان اصعب

نورتني جدا
تحياتي