السبت، 19 نوفمبر 2011

قصه احتلال الشمس الفصل الاول ج 2

في مكان اخر علي وجه الارض

في امريكا في مركز ابحاث الفضاء

يجري العمل علي قدم وساق الكل يتحرك في كل اتجاه يدخل مارك غرفه رئيسه وبيده اوراق ويقول
مارك : سير احنا كلنا في المركز بنتابع ومش واصلين لحاجه
سير ستيفن : ازاي كل ده يعدي عليكو ربع الشمس يختفي اكيد انتو مقصرين
مارك : سير كلنا عندنا اشغال وبنتابع كل حاجه بس ال حصل حصل اسرع من اي توقعات محدش صدق جون اما اتكلم ولا حد تعاون معاه
ستيفن : وجون كان عارف حاجه
مارك : جون كان بيقول انه شايف حاجات زي نقط سودا في الشمس وتابع كتير بس ما قدرش يوصل لحاجه
ستيفن : وازاي محدش قالي
مارك : سير كلنا عارفين جون واحلامه وتخيلاته ده غير انه عنده مشكله في العين اليمين من سنين بتحصل كل سنه مره وفكرنا ان ده وقتها
ستيفن: دلوقت انا عايز تقارير مفصله عن ال بيحصل وده هيستمر اكتر ولا لا وكمان اعملي اتصالات مع دول العرب والالمان والفرنسيين واليابانيين خلينا نشوف مين عنده معلومات

في احدي دول الخليج

دانه : ماما .. ماما ..
سميه :ايش فيه دندونتي ليش تصارخي
دانه :ماما الشمس حد اكلها
سميه: شلون يعني
دانه :فيها حته ناقصه
سميه : حياتي يمكن فيه كسوف ولا شيء يلا علي مذاكرتك يا شقيه

في اقصي الشرق في اليابان

يوكوهاما : نعم سيدي وصل التاكل لنسبه 21% من المساحه تقريبا
بوهايا: يعني النسبه يوميا كام
يوكوهاما :ليست ثابته سيدي يبدو ان الامر غير مخطط او غير منتظم
بوهايا : هل تواصلتم مع الالمان او الامريكيين في هذا الامر
يوكوهاما :ليس بعد سيدي
بوهايا :حسن ابدء التواصل لان الامر يبدو خطير جدا ولابد ان تتحد قوي الارض كامله لدراسته


وهكذا في كل بقاع الارض البعض يدرس والبعض يتجاهل والبعض الاخر لم يلاحظ شيء

ولكن ماهذا الذي حدث للشمس هل قصد احد اخفائها ام انها تتاكل ؟

وصف الاحساس
تحياتي

هناك 8 تعليقات:

غير معرف يقول...

صباح الورد وصف الأحساس

لهجتك السعودية متقنه ماشاء الله واتصور

أنك زرت السعودية وتعرفتي بلهجة

أهلها ...

قرأت الجزء هذا بإستغراب وبكل صراحة

أسعدني بأنك لم تطيلي الجزء كثير

فللأسف لاحظت بأن بعض الزملاء من هواة

كتابة القصص يستطيلون في الكتابة

إلى حد الملل وهذا مالم أجده هنا

ثانياً لاحظت أن الأسماء غربية في حين

اللهجة مصرية هل هي مقصودة يا وصف؟

سردك جميل ورائع تقسيماتك جميلة

محاولة تجميع أكثر من حدث في ذات

الصورة كان ناجح عبر التنقل ما بين

الدول ووصف حالات معينة ..

في النهاية لا أستطيع أن أقول

إلا أنني أنتظر الجزء القادم

بشوق ...

دمتي مبدعة

تحياتي وإحترامي

Tamer Nabil Moussa يقول...

صباح الخير وصف

قصة جميلة وذات مغزى

فى انتظار النص التانى

مع خالص تحياتى

منتديات : المدونون العرب يقول...

أحيي ماسطرته أناملك
قصة رائعة .....
بارك الله فيك وأعزك

ظلالي البيضاء يقول...

وصف
إنت بأسلوب التشويق بتاعك لازم تكتبيلنا كل يوم حكاية علشان مش مصدقين إمتى نعرف النهاية ..
يعني لو الشمس حتختفي نلحق حالنا ونخبي لنفسنا كام شعاع من أشعتها ونحطه في خزنة محصنة .. هههه
طابت أناملك .. مع التحية

وصف الاحساس يقول...

ا / ريبال

مساء الفل والورد
الحقيقه انا عمري ما طلعت من مصر
بس قريت قصص خليجي كتير فعلقت معايا لغتهم
مش عارفه ليه حضرتك استغربت من الجزء ده
انا اصلا محبش التطويل واكتر حد ممكن يمل من القصص الطويله
الاسماء بقي حسب كل دوله جبت اسامي تناسبها
انما اللغة فلغة الكاتب مصري لاني معرفش لاياباني ولا الماني
حتي الفصحي ماكنتش بتظبط معايا فكانت المصريه هي الاحسن

اسعدني جدا ان القصه عجبتك وان شاء الله تابعني وتعرف النهاية
نورتني جدا
تحياتي

وصف الاحساس يقول...

تامر نبيل
مساء النور
نورت القصه
تابعونا تجدو ما يسركم
نورتني جدا
تحياتي

وصف الاحساس يقول...

منتديات المدونون العرب

شرفت المدونة
شكرا لكلامك الرقيق
نورتني جدا
تحياتي

وصف الاحساس يقول...

ظلالي البيضاء

نهاية ايه ده لسه بااااااااااااادري اوي
لو تعرف تاخد حاجة من الشمس خد بس ما انصحكش
هتعرف ليه بعد كده
نورتني جدا
تحياتي