الجمعة، 3 فبراير 2012

ابني ..!!

خايفه عيني تغفل عنك وانام
اصحي الاقيك فارقتني من غير سلام
مش هيكفيني فيك اقول كلام
ولا حد هيحس بنار بتزيد اللالام
خايفه عليك يا ابني من الزمان
كان نفسي اخليك تعيش في امان
قالو احنا بلد الامن بس ده كان زمان
دلوقت عايشه وانا قلبي عليك تعبان
خايفه يابني في يوم اخسرك
يدخل عليك حرامي يسرقك
تدافع عن نفسك يقوم يقتلك
مفيش حد جنبك ينجدك
مفيش حد في بلدك ينصرك
مصر يا بني مش هتنصفك
مصر مريضه والفساد بيجري في دمها
محدش فيها بقي حاسس انه منها
بقت الروح علي روح يهون قتلها
في كل ركن تلاقي دم اهلها
خايفه عليك يابني منها
جايز محتاجالك تدافع عنها
محتاجين نجيب حقها
من ال باع ارضه وعرضها
من ال هان عليه سفك دمائها
اااااه يابني خايفه عليك منها

حاسه اني عايزه الف علي كل بيت وكل ام اعزيها في ابنها محستش النار دي قبل كده من ايام الثوره
البقاء لله
انا لله وانا اليه راجعون
حسبنا الله ونعم الوكيل

هناك 7 تعليقات:

كف عاليا يقول...

حقا حسبنا الله ونعم الوكيل بس بالرغم من كل الالم والحزن الا مازلت احمل بداخلى التفاؤل فالبلد التى قال الله عنها انها آمنة ستظل آمنة باذن ولا بد من بزوغ الفجر بعد الليل الحالك

ظلالي البيضاء يقول...

وصف ..
أزمة وتعدي إن شء الله .. وبعد كده ترجع الأمور كلها أفضضل مما كانت عليه ..
أملنا بالله وبكلمة الحق التي نصدح بها أن تجد آذاناً صاغية ومسؤولة ..

رحم الله شهداء هذه الأمة وجعلهم لنا شفعاء يوم الدين ..

دعاء يقول...

عزيزتي وصف ...

كلنا متألمون لما حدث ،
نحتسبهم عند الله شهداء ،
......

بقاء رغم الشقاء يقول...

ان لله وان اليه راجعون قلوبنا تنزف دما على هؤلاء الابرياء نحتسبهمم عندالله ونسال الله ان يعيد لنا الامن ووالامان ويحفظ مصر واولادها

رؤى عليوة يقول...

ربنا يصبر كل ام واب
ويخلى محمود واللى زيه اكيد المستقبل هيكون افضل وهيعيشوا فى زمن غير زمنا اللى بقى الامان فيه مفقود

دمت بخير

د. إيمان يوسف يقول...

ثقتي بالله هي ما تدفعني للحياة والمواصلة
تحياتي لكِ عزيزتي ولقلمك الذي نطق صدقاً

صمت الورود Esraa يقول...

انا لله وان اليه راجعون

حسبنا الله ونعم الوكيل

نحسبهم شهداء ولا نزكى على الله احدا