فكرت لماذا لا يكون مجلس الشعب صامت
فكرت مثلا يكون لكل عضو مفكره عليها اسمه ...
يطرح الموضوع بتاع الجلسه وكل واحد يكتب كلمته في المفكره ..
يجمع الاراء و المقترحات للاعضاء وتفرز من قبل اعضاء في المجلس لو كل راي اخد دقيقه يبقي محتاجين 500 دقيقه لو علي 10 اعضاء فرز يبقي 50 دقيقه بمعامل امان 10 % يبقي 60 دقيقه
الاعضاء ال بيفرزو هيجمعو الاراء المتشابهة بعدد كل راي وتعرض علي رايس المجلس ...
يقرر رايس المجلس الاجراء ات اللارم عملها او نتيجه الجلسه ويعرضه علي باقي الاعضاء و طبعا هيبقي موافقه لانهم هما ال قايلين رايهم ومقترحاتهم
لو احنا بقي عايزين الثوره تصل للمجلس اكثر واكثر يزود كل كرسي بجهاز كمبيوتر غير قابل للخلع وكل عضو يكتب رايه ويرسله للمكلف بجمع الاراء من خلال شبكه وتوضع في فولدر الاراء المتشابهة ونفس الشيء يتخذ الاجراءات اللازمه
بيتهيالي كده المجلس يبقي اكتر فاعليه وتوفير للوقت والمجهود والمشادات الكلاميه
لانه كتير جلسه تقعد من 11 الصبح للساعه 4 العصر عشان كل الاعضاء يقولو نفس الكلمتين
واهو كده الجلسه تاخد ساعتين زمن
وبس خلاص
وصف الاحساس
تحياتي
هناك 16 تعليقًا:
يااااااااااااريت فكرة رائعه بجد
بدل الدوشة والخناق
تسلمي بجد فكرة ممتازه
عزيزتي وصف الإحساس ..
بالفع ، هي فكرة رآائعة ،
أوتعرفين ، هناك قول لأحد اليهود يقول فيه ،
لن نبدأ بالتخوف من العرب إلا عندما يصطفون طابورًا واحدًا مرتبًا عند الأتوبيس !
و أنا أعتقد أن هذه ميزة من مميزات بعض العرب !
أن يذهب الوقت و يضيع هباءًا و يتفلت من بين أيديهم دون أن يقوموا بعمل شيء يستحق الذكر ..
أتمنى أن يصلح الله حالنا ..
تحيآتي لكِ ..
وصف الإحساس ..
الفكرة وطريقة التفكير سليمة ..
ولكن العترة على التطبيق وعلى فيه كام واحد وواحدة بيفكروا بالطريقة دي ..
مع التحية
حاجات كتير اوى اوى اوى لازم تتغير
صباح الغاردينيا وصف
وكم من أمور تحتاج التغيير
أتمنى أن يتحقق لمصر الحبيبة كل مافيه صالحها "
؛؛
؛
عذراً ياحبيبة على تقصيري في الزيارة ولكن والله رغماً عني "
؛؛
؛
لروحك عبق الغاردينيا
كانت هنا
reemaas
الافكار كتير بس مين اللي ينفذ
انتي كأنك بتأذني في مالطه
صباح الخير وصف
فكرة اكثر من رائعة
تسلم ايدك
ياريت لان بجد كدة وقت كتير ومفيش فايدة من العك اللى بيحصل دلوقتى
مع خالص تحياتى
تعتقدى وصف اننا ممكن نصل الى هذه المرحلة من الرقى اتمنى ذلك وعلى فكرة انا عارفة ان هذا البرلمان سيكون مولود مشوه مازال يحما اثار العهد الماضى ولكنى اتمنى من الله ان يكون البرلمان القادم افضل لان اكيد الشعب سيكون اكثر وعى من الان واتعلم كتير تحياتى اليك
نيللي
ادينا بنحلم لعل وعسي
نورتيني يا قمر
تحياتي
دعاء
بدعي معاكي ربنا يصلح الحال
تعرفي ان قيمه الوقت اكتر بكتير من ال احنا متخيلينها
فعلا لو اتنظم كانت حاجات كتير في حياتنا اتغيرت
نورتيني يا قمر
تحياتي
ظلالي البيضاء
كفايه انا فكرتلكو فيها وعليكو التطبيق
وادينا بنحلم جايز ....
تحياتي
فينوس
فعلا في حاجات كتير لازم تتغير وحاجات كتير لازم تتحط في مقاسها وحجمها الحقيقي مشكلتنا اننا كله عندنا هايص علي بعضه مفيش حاجه بتفرق
نورتيني يا قمر
تحياتي
ريماس
تقصير ايه يا حبيبتي ده احنا ال مقصرين معاكي
انتي عامله ايه والاستاذ ريبال ليه مش بيبان انتي وهو
دعواتك لمصر ربنا يجعلها مستجابه
نورتيني يا قمر
تحياتي
محمد عامر
للاسف كلامك صح كاننا كل واحد بيقول كلام مش مفهوم ولا واضح بس نتمني وندعي دايما بالخير وجايز لعله خير
تحياتي
تامر نبيل
عك في عك هو ده اكتر وصف فعلا علي مجلسنا الموقر ربنا يصلح الاحوار لمصر ونقدر نقدر قيمه الوقت والارواح ال بتروح كل دقيقه من غير ذنب
نورتني جدا
تحياتي
همسه محبه
ال انا خايفه منه انه مش بس مولود مشوه واحد لا حاسه اننا داخلين علي طوفان مليء بالمشوهيين يتحكمون في مصائر الشعب والبلد
جايز يكون تقديرنا غلط وانا اتمني كده بس حاسه اننا مهما اتطونا مش هنوصل لدرجه حضاره او رقي اننا نسمع بعض من غير خناق و نحترم وجهة نظر الاخرين من غير عداوه
نورتيني يا قمر
تحياتي
إرسال تعليق