الجمعة، 30 نوفمبر 2012

لابد للخير من شر يحميه


اعطي الشر للخير كف فبكي الخير من فرط الالم فصرخ الحق رده عينا بعين فقال الخير لا استطيع ان ارفع يدي فرحمتي سبقت شري وليس من صفاتي القوه .. فضحك الشر واعطاه كفا اخر فبكي اكثر وبكي بجواره العدل فتوسل اليه ان ياخذه حقه منه فرفع يده فلم يسطيع ان يضربه فانزلها مره اخري .. فبادله الشر كف وراء كف وهو بين البكاء وبين قوله سامحك الله الي ان تورمت خدود الخير  من الالم الذي لم يعد يحتمله اكثر فانتزع روح الشر ولبسها فزادت قوته فاخذ سيف الحق وقطع راس الشر بلا رحمه .. ثم جلس فبكي فسال العدل ما يبكيك لقد اخذت ثارك فقال الخير اخذته بقوه الشر وليس الخير فالخير قوته ضعيفه لا تتعدي طيبه قلبه الجميل بينما الشر قوته خارقه لا توقفه شيء .. فكر العدل ثوان وقال .. العيب عندك انت تحتاج القوه كي تحمي بها نفسك .. لا تقل انك ضعيف فالخير يعمر والشر يهدم .. تحتاج ان تحافظ علي بنائك بقوتك وليس قوه الشر فلا تبكي فقط تعلم كيف تاخذ حقك 
************
فضفضه مسببه 
طول عمري احب اكون مش في الصورة .. لا احب حد يعرفني ولا احب اكون مميزة ولا مشهورة .. كنت دايما اقعد في اخر تخته حتي لو الفصل فاضي احب اكون في حالي جدا .. اعز 3 كلمات
 .. انا مالي .. معرفش .. ماليش دعوة 
اما كنت في شغلي في الفترة الاخير حصلت مشاكل كتير عشان الواحد يحافظ علي نفسه من الاذي كان لازم يفكر في الشر .. ازاي تمسك علي حد حاجة ازاي بقي في ايدك سلاح ازاي توقعهم في شر اعمالهم .. الصراحة الموضوع ده تعبني نفسيا جدا خصوصا ان اما جه الوقت ال استعمله فيه لقيت اني لازم هاذي حد معمليش حاجة عشان حد تالت يتاذ ي فقررت اني ابعد واسيب كل حاجة والحمد لله اتنقلت مكان تاني وانا حاطة في دماغي اني في حالي خالص ماليش دعوة بحد .. بس الناس مش بتسيب حد في حالها ولاني بحترم الناس الكبار وبعمل اعتبار لكل حاجة حسيت ان ف حد بيستغل الاحترام ده بشكل مش حلو واما اتاكدت مقدرتش اقف اتفرج فلقيت الشر بيحوم حوالا من كل اتجاه .. ولان الشر قوة مش سهله ومغريه جدا فلبست توب الشر واخدت حقي وحميت نفسي .. احساس جميل اما تحس انك قوي في ايدك سلطة تقدر تحكم بقي ليك كلمه مسموعه .. بس ساعتها لازم عينك في وسط راسك لان كل ال جنبك هيحاول انه يدورلك علي اي حاجة يصطادك بيها .. بس برده وجود السلطة وانك ماشي صح بيديك برده القوة يعني ما استعملتش الشر الا في حمايه الخير .. بس حالا بقيت بخاف من احساس الشر ال جوايا وال كتير حاولت اهرب منه .. ربنا يستر 
وصف الاحساس 
تحياتي 

هناك 11 تعليقًا:

Ali Soliman يقول...

فى الاخر اسمها دنيا
يعنى مش مثاليه ،مفيش خير عالطول
وبعدين مفهوم الخير عند الناس ارتبط بالضغف ودا غلط ،لان اصلا فيه قوه بتحمى الخير وبتقطع سيطره الشر ودى ضروريه

وعلى راى السقا فى حرب اطاليا
"احيانا الغلط مع اللى غلط بيبقى عين الصح " :D

حنين محمد يقول...

صباح الغاردينيا ايمان
طيب اتعلم ازاي عارفة دايما بتظلم
وبتأذى عشان ماعرفتش اتعامل بالشر
رغم اننا في زمن يجبرك تكوني قده
بس كمان مؤمنة انه الصدق والرقي جميل
حتى لو تأذيت "
؛؛
؛
ربنا يحميكِ من الشر ويديكِ الخير يارب
لروحك عبق الغاردينيا
كانت هنا
Reemaas

محمد سلامة يقول...

كما قلتى لابد للخير من قوة تحميه والخطأ كل الخطأ أن يتخذ الخير من الشر القوة فما الفرق إذا
تحياتى المعطرة

محمد جمال يقول...

التدوينه استفذتنى للتعليق عليها أولا لاستخدامك الخاطئ لمفهوم الدفاع عن النفس وتطبيق العدل وايقاف المخطئ عند حده على انه شر , لا والف لا اختى الكريمه بل هو قوة الحق وليس شرا ابدا
وثانيا لانك قد زكرتنى بتدوينه كنت قد كتبتها عبر ابواب مدونتى الحبيبه وكنت وقتها امر بظروف مشابهة وهذا هو رابطها متمنيا ان تقرأيها
http://ihope2bbetter.blogspot.com/2012/04/blog-post.html


تحياتى

وصف الاحساس يقول...

علي سليمان
فعلا هي دنيااا
الغلط مع الي غلط عين الصح
حلوة الجمله دي
بس والله يبيق صعب انك تعامل حد بنفس معاملته
اكيد مش ضعف
بس مش عارفه ايه القوة ال بتحمي الخير من غير ما تضر حد
ياريت اعرف لان احساس الشر بيخوفني جدا
تحياتي

وصف الاحساس يقول...

ريماس
الصدق والخير جميل بس في ناس بتستغل الجمال ده في انها توقعك في الغلط او تبقي مطمنه انك مش هتاذي بيه حد فاما تحسي ان الحاجة الحلوة ال جواكي بتضرك اما ال بتعاليهم كويس عشان انتي كويسه بيضروكي عشان عارفين انك مش هتعملي حاجة يبقي لازم تتعلمي ازاي تتغيري وتبقي حد تاني غير ال جواكي
عارفه حاولت كتير ابعد بس في كل حته الناس بقيت وحشه اوي يمكن فعلا الطيبه بقت عيب او هبل وممكن قليل من الشر يكفي
نورتيني يا قمر
تحياتي

وصف الاحساس يقول...

مسلم مصري

قوة الخير فعلا ضعيفه ومش بتحمي نفسها والا ماكنوش قالو علي الطيب عبيط واستغلو طيبته انما عشان تدافع عنه بتطر تضر حد تاني وده مش خير اكيد شر يمكن مش بدرجة الشر ال جامده بس هو اذي في كل الاحوال
ربنا يحفظنا ويبعدنا عنه
نورتني جدا
تحياتي

وصف الاحساس يقول...

محمد جمال
استهدي بالله كده وصلي علي النبي
عليه الصلاة والسلام
طب زيد النبي صلاة
عليه الصلاة والسلام
زي ما قلت انا محبش الازي
اصلا محبش اتعامل مع حد لا اضر ولا اتضر
احب دايما اقول انا مالي ماليش فيه
معرفش مش بفتي ماليش دعوة
احب احترم الكبير واحب اني ما يبقاش في بيني وبين حد عداوة ومعرفش افصل بين ال جوايا وال برايا يعني معرفش اتعامل كويس مع حد مش بحبه والعكس
فاما فكرت اني لازم احافظ علي حقي وان محدش يستغل كل ده كان في ناس هتتضر من ده وده في نظري شر من خير حتي لو كان مش حاجة كبيره بس انا نفسي هتضايق منه
وبس
هشوف التدوينه وارد عليها
نورتني جدا
تحياتي

ظلالي البيضاء يقول...

أختي أم محمود ..
أولاً جميل الاستايل الجديد .. مبروك ..
ثانياً : الجانب الطيب فينا هو ما يتسبب لنا بالمتاعب والألم في هذه الحياة ..
نعم ربما يكون مفهوماً خاظئاً للطيبة من الآخرين أو مفهوماً خاطئاً لها من قِبَلنا كما قال الأخ جمال ..
لكن بالنتيجة النهائية : هذا نحن طيبوا القلوب .. صافي السريرة .. محبوا الخير للآخرين ..
ربما يأتي يوم نتعلم فيه أن نكون طيبين مع قليل من الشر ندفع به عن أرواحنا الأشرار الذين يصولون ويجولون من حولنا ..
أتمنى لك الخير والسعادة ..
مع التحية الطيبة ..

هبة فاروق يقول...

صباحك هنا يا ايمان
البوست عجبنى جدا ارى انه لا يوجد شر مطلق او خير مطلق كل انسان به نسبه من الشر والخير تختلف بأختلاف كل شخصيه وانا اتبع سياسه كن شريرا مع الاشرار يجب ان نحمى انفسنا من الغير
انا مثلك كما فضفضتى واستطيع اخراج اظافرى وقت اللزوم حفظك الله من كل سوء دائما مجال العمل به الكثيييير من الاشرار

كف عاليا يقول...

لما بنكون مثاليين بنعتقد ان اخذ الحق هو شر سبحان الله خلق الله فينا الشر والخير ولكن الانسان العاقل هو من يغلب الخير على الشر وانا اختلف معك فى ماذكرتى حينما تحمين نفسك فهو حق امام ظلم وليس تغليب الخير ضعف سلمت يداكى ياترى شعبنا هيرتدى ثوب الشر لاسترداد حقوقه