الثلاثاء، 2 مارس، 2010

دمعة في عين حبيبي ..؟؟

رغم فرحتي به وفرحته بي وسط جموع الحاضرين القادمين يهنئون ويباركون هذه الخطبه ...

تبينت في عينيه دمعة خفيه لا يريد ان تظهر امامي

ولكن مهما كذبت نفسي ومهما كذب هو علي فلن يستطيع ان ينكر هذه الدمعه

فعينيه لم تفارق عيني طوال فترة الحفل

انتظرت انتهاء الحفل كي اجد تفسير لتلك الدمعة في هذا اليوم

و الذي يقول انه اسعد يوم في حياته

تنهد بعد الحاح مني وسقطت الدمعة من عينه وقال

" افتكرت والدي رحمه الله ... كنت اتمني يكون معايا انهاردة "

شعرت بالحزن مثله وكدت ابكي معه

ولكنه استدرك وزال دمعتي بأنه سعيد جدا بهذا اليوم

نسيت وحاولت انسيه دمعته

التي بعينه ولكن مرة اخري رايتها عندما قرب موعد الزواج

وشرع في انهاء متطلبات شقتنا

لمحت حزن بارز في عينه وكان بها كحلة من اثر دموع سابقة

سالت وحاولت اعرف السبب ولكنه انكر وجود شيء

ولكن بوسط الكلام قال " كنت اتمني ابويا يكون موجود معايا دلوقت .. ماكنتش شلت هم حاجة "

اه يا قلبي وياحب عمري اشعر اني اريد ابكي بدلا منك ولا تبكي انت

اه يا دنيا لو تدرين معني السند في حياتنا

اه يا عالم لو تدرون معني وجود اب او اخ ساند في حياتكم

ماكنتم فكرتم مجرد تفكير في التفريط في سندهم

لا ادري لما ذكرني ذلك بيوم قام فيه مالك البيت المجاور لبيتي بهد البيت لبناء اخر جديد

اذكر اني استيقظت انظر من النافذه اجد نفسي اري الشارع مباشرة

اري جدار حجرتي مواجه للشارع

أي لا يفصل بيني وبين الشارع الا هذا الجدار

احسست وقتها بالخوف من انهيار هذا الجدار ان استندت عليه

مع علمي التام بانه قوي ولا يؤثر وزني عليه

ولكن حتي ان كان قوي فلا يوجد شيء خلفه ساتره وسانده

وعلي ذلك فحتي ان كان الانسان قوي فهو يحتاج الي من يقف بجواره حتي لو اضعف منه قوة

فربما كلمات تقيم راس... واخري تدسها في التراب

ربما اخ صغير يعين اخيه الكبير حتي لو بمجرد وجوده معه

فدائما لا ندري قيمه الاشياء الا عندما نفقدها

فقد سقطت دمعة من عين حبيبي لانه يعلم ان سنده ومعينه علي هذه الحياة ذهب ولن يعود

وبرغم انه يعلم انه حتي لو كان موجود فلن يقوم بعمل اكثر مما قام هو به

ولكن ربما احتاج يوما ان يرمي نفسه في حضن والده

يستمد منه القوة والامان ولم يجده

فهو حتي وان كان قوي بقدرته ... فهو ضعيف بوحدته

وصف الاحساس

تحياتي



هناك 8 تعليقات:

سمع هوص (Abo 3li) يقول...

صح... المساندة النفسية ساعات بتكون اقوي واهم مليون مرة من المساندة الملموسة...
وخصوصا لو من حد قريب مننا وبنحبه... زي الاب او الاخ...

بس انا عاوز اقولك حاجة.. حاولي تبقي انتي في المكان ده دلوقتي... حاولي تبقي انتي سنده... هيفرق معاه كتير .. انك متبقيش خطيبته او زوجته بس... لا وسنده كمان...

ربنا يتمملكم علي خير..
تحياتي

Tamer Nabil يقول...

الانسان دائما يحتاج الى من يكون بجانبة يشعر بة ويساندة ويقف بجوارة

الانسان بجد لما بيكون وحيد بتكون حياتة ظلام وصحراء جرداء ليس بها ماء

مع خالص تحياتى

wasf_elahsas يقول...

سمع هوص

منورنا دايما يارب
فعلا المساندة النفسية مهمة
هييييييييييه ربنا يقدم ال فيه الخير
تحياتي

wasf_elahsas يقول...

الاستاذ تامر نبيل
اولا حمدلله علي السلامة لعله خير الغياب ده كله
ثانيا فعلا الوحدة صعبه ومش بتبان علي حقيقتها الا اما فعلا تحتاج حد قريب وما تلاقيهوش
نورتني
تحياتي

لسه بدوّر يقول...

أصعب حاجة أما الواحد يلاقي ضهره مش معاه
سواء موجود وأصبح ضده
او مش موجود
بيحس انه فيه دايما حاجة ناقصاه
حتى لو كان كل شئ مكتمل

جميلة كلماتك
بس صعبة

ربنا يوفقك :)

wasf_elahsas يقول...

لسه بدور

بجد بجد بفرح اما بشوفك
بتعجبني كلماتك ووبيسعدني وجودك
نورتيني يا قمر

تحياتي

طفلٌ عاش في جسد رجلٍ كبير يقول...

الكلام كله في البوست ده واللي قبله يستحق القراءة ومملوء بالمعاني الطيبة ..
ولما قرأت البوست ده اتذكرت الدمعة اللي ذرفت على عيوني يوم خطبتي .. ويوم زواجي ..
يوم خطبتي دمعت عيني لأني رغم وجود والدي وإخوتي إلا أنني ذهبيُ إلى حفلة الخطوبة وحدي .. وكنت حزين فعلاً إني لما احتاج مين يكون معاي .. مش بلاقيهم .. مع إننا حبايب كتير أوي ..
أما يوم عرسي فالحزن كان دبل .. من جهة لأني كمان قبل ما روح على الحفلة كنت وحدي ببكي لأني وحدي .. أبي راح مع عديله وأخي راح مع ابن حماه .. وأنا بقيت وحدي .. بس الله رحمني اتصل بي ابن حمايي (يعني أخو زوجتي) ومر علي وأخذني للحفلة ..
ومن جهة تانية لأني ما أقدرت اعزم أمي على العرس لأنه زوجة أبي هددت بقلب العرس راساً على عقب إذا حضرت أمي العرس ..
حتى من قلب الفرح ... كان الحزن ..
متل ما بيكون الفرح من قلب الحزن ..
تحياتي ومبارك العرس ..
وأيام سعيدة بإذن الله .

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي