الاثنين، 22 مارس، 2010

نظريه الجزمة والسيارة

من كام يوم كدة كنت انا وزميلة ليا في الشغل بننم علي رؤسائنا
سالتني سؤال غريب
" تفتكري اما نوصل لسنهم ومكانهم هنعمل زيهم مع الاصغر مننا زي ما بيعملو فينا "
رديت عليها بتلقائية وسرعة فظيعة
" بالجزمة والله بس نبقي في مكانهم اما وريتهم الويل وسواد الليل ما ابقاش انا "
ضحكت بصوت عالي وقالت
" لا اكيد مش هنعمل زيهم "
قلتلها
" ما تستعجليش يمكن اما نوصل زيهم نتغير ونبقي زيهم "
قالتلي
" يعني اما نكبر هنكره بعض انا وانتي "
قلتلها
" لا يابت احنا مش نفس التخصص فمش هنكره بعض "
قالتلي
" يمكن عيالنا يخلونا نتخانق زي فلانة وفلانة "
قلتلها
" اصلا مش هنخلي عيالنا يعرفو بعض "
ضحكنا ومشينا وكل واحد راح في طريقه
وانا ماشيه في الشارع جيت علي شارع زي تلات تربع شوارع بلدنا غرقان نصه مياه والحرف منه ناشف
وكالعاده واحد غتت من الغتتين ال ماليين البلد راكن عربيته الخمس تمتار في الحته الناشفة ومش مهم البني ادمين يخطو في المياه
قلت في عقل بالي
" اه يا ولاد الايه والله اما يبقي عندي عربيه ما انا راكناها الا في انضف حته والله بالجزمة "
زمان كنت اما بسمع مثلا عن واحد كان فقير واتغني وبقي يغلب خلق الله بتصرفاته
كنت اقول
" ليه بيعمل كدة مش هو في يوم شاف الغلب ده المفروض ما يخليش حد يشوف ال هو شافه "
بس عمري ما فكرت ان القهر ده بيولد مشاعر حقد دفينه مستعده للانفجار في وش اي حد اما تتاح ليها الفرصة
وممكن يعمل اكتر من كدة اما يخلص من همه في الناس ال زيه
لانه ساعتها مش بيشوف ال قدامه مقهور لا
بيشوف نفسه بيخلص تاره في حد تاني المهم انه يخلص الطاقة الشريرة جواه
معرفش دي بترجع لكم القهر ال عاشه الانسان ولا يمكن خصله متخفيه جواه ما ظهرتش الا اما اتهيات الظروف لخروجها
ولا راجعه مثلا لاصل البني ادم
يعني في واحد ممكن تقول عليه ابن عز مش بتهمه الهزات دي من ناس ضعيفة الشخصيه مجرد بتمارس قهرها عليه مش اكتر
وممكن حد تاني اصلا حياته صعبه ومش متحمل حاجة زياده فاول ما ينفجر ياكل بنهم شديد خلاص عدي حاجز الاحساس لانه جواه نقص فظيع بيطلعه
زمان كان ال ربنا يبتليه ابتلاء كان يدعي
" يارب محدش يشوف ال انا شفته "
دلوقت بقيت بشوف واحد  يقول
" ما تخلينيش ادعي عليك بال فيا "
ده اقل وطاه من ال بيقول
" يارب ال فيا يبقي فيك وارتاح منه ومنك "
معرفش ليه الناس بقت كدة ميته علي الدنيا
كل ما افكر في حالنا بقول لنفسي "
" لو بتدوم لحد ماكنتش وصلتلك "
ليه بنعمل كدة
ليه مش بنتعظ من ال بنشوفه
ليه كل تعاملنا بقي بالجزمة ماعدش حد بيحس ان ال قدامه ده بني ادم وتعبان
ماعدناش بنشوف الا ال يريحنا ونستكتره علي غيرنا
ولا احنا محدثين نعمة اول مرة نشوف الخير
همممممممم مش عارفة
وصف الاحساس
تحياتي

هناك 5 تعليقات:

سمع هوص (Abo 3li) يقول...

زي مقولتي .. بترجع لاصل البني ادم.. وتربيته وشخصيته...
يعني الانسان الناقص يوم مبيكون معاه السلطة بيطلع عقده علي الاقل منه.. لكن الانسان السوي.. مهما كانت السلطة ال معاه مش بيمارس افعال التسلط والغتاتة علي الناس..

تحياتي

wasf_elahsas يقول...

سمع هوص

ماي بي
كل شيء جايز

نورتني ومورني دايما

تحياتي

NISREENA يقول...

هههههههههههههههههه
انتي ناقدة سياسة ساخرة فظييييييييييييييييعة
انا خايفة عليكي يا قطة

wasf_elahsas يقول...

نيسو حبيبي
بلاش الظن السيء ده
نورتيني

arab girlscool يقول...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي