الأربعاء، 8 يونيو 2011

عندما ينفجر البالون ..!!

كمن غرته الحياه الدنيا وصار يلعب بمصائر الناس فظن ان الارض التي يقف عليها ارتفعت به الي اعالي السحاب وظن انها ارضه وسمائه وحده ولم يحسب حساب الايام فتكبر وتجبر وفجر ونسي انه يمهل ولا يهمل وحدث ما حدث وانفجر البالون الذي يرقد عليه فسقط علي الارض واصبح بين الناس خائفا يترقب ولان بداخله فراغ ظن ان كل من يقترب منه سيدوس عليه بكل قوته فاصبحت خطواته علي الارض متعثره فكل من يقترب منه يصطدم به فاصبح يتخفي من الناس ولان الدنيا بدونه لا تستقيم كان لابد ان يعود لياخذ وضعه ليس كسابق عهده انما الذي من المفروض ان يكون عليه ولكن ظل بداخله الخوف من رد فعل الناس تجاهه ولان ما بداخل النفوس كما هو وعلي الرغم من ان الناس محتاجه للامان لم ينسي احد ما فعلته الشرطه خلال ثلاثون عاما فقد حدث من الظلم ان تولد داخل البشر بالون زاد حجمه مع الايام فاصبح خطوات الناس ثقيله يملاها الخوف وعدم الثقه الي ان زاد الثقل عن حده وانفجر ايضا البالون فازداد الناس خفه ورشاقه واخرجو كل اصواتهم المكبوته منذ ثلاثون عاما فصار الصدام كانه ثار لابد من اخذه ولن يقبل فيه العوض فلم تعد الشرطه تمثل الامان ولم يعد الشعب معترف بها ولان الدنيا ملات اعمال شغب واصبح هناك حاجه ملحه لوجود الشرطه فكان لابد من ازاله اثر كل بالون انفجر ولكن هل تداوي الايام الجراح و يعود الامان وكأن شيأ لم يحدث هكذا بكل بساطه دون تطهير النفوس البشريه فانها بشريه وليست ملائكيه لتنسي في لحظات ما فعلته السنين او ان ينصلح حال الفاسد التي نشا وتربي عليها خلال نفس السنين اذن فلابد من الاصلاح من الجانبين ورد المظالم اولا وقطع رؤس الشر من الجانبين كي يسود الامان المزعوم
وصف الاحساس
تحياتي

هناك 17 تعليقًا:

Unknown يقول...

السلام عليكم

معاكي أختي وصف... لن يقبل الناس إلا بالقصاص.. لكن ظني أن الناس ليس لديها ثأر شخصي مع جهاز الشرطة، ولديها - إجمالا - رقي في الفهم وفصل بين الفاسد وغير الفاسد.. وهذا يبشر بأنه في حال قطع دابر الفاسدين سيتعود المياه إلى مجاريها سريعا..
تحياتي.

وصف الاحساس يقول...

الاستاذ ماجد

بختلف معاك في حكايه التار دي
مش بيتهيالي ان في حد البلد دي ما اتضرش من الشرطه
اقل حاجه بتوع المرور ال كانو بيتلككو علي اي حاجه في العربيات عشان ياخد من السواق عشره ولا عشرين جنيه
تفتكر دلوقت الناس بتبصلهم ازاي
علي الرغم من احتاجهم ليهم فعدش حد يعملهم حساب
نورتني جدا
تحياتي

نسرين شرباتي "أم سما" يقول...

الضغط يولّد الانفجار

الموضوع جميل من أول كلمة لآخر كلمة
محستش فيه وانا بقرأه
تشبيهاتك جميلة يا وصف :)
البالون
الانفجار
كلشي بحياتنا مخلينا زي البالونات
دبوس صغير وبننفجر :)

نسرين شرباتي "أم سما" يقول...

نسيت اقلك

لواتمسكتي

انا معرفكييييييييييييييش

وصف الاحساس يقول...

نسرينا

فعلا الضغط يولد الانفجار تخيلي دبوس عمال يشك فيكي 30 سنه اما تنفجري تعملي ايه
انما بقي لو اتمسكت هقر عليكي علي طول ما تقلقيش
ونبقي نودي العيال عن جدودهم

Casper يقول...

رأيي أن الانسان لازم يبدأ بنفسه أولا
حتى لو كنا محتاجين الشرطة لكن ايه فايدة الشرطة طالما احنا مش بنسامح بعض على اتفه الامور ومش بنعرف نتحكم في اعصابنا

____________

بوست أكثر من ممتاز
وتناول أكثر من رائع

تقبلي مروري
Casper

Tamer Nabil Moussa يقول...

المشكلة موجودة فينا

من راى يجب محاكمة الظباط المتهمين فى قتل شباب الثورة باسرع وقت دة هيهدى النفوس كتير

والحكاية وقت مش اكتر واكيد هترجع تانى الشرطة وافضل مما كانت

وهيكون التعامل بينها وبين المواطنين شكل تانى

مع خالص تحياتى

وصف الاحساس يقول...

كاسبر

اكيد ال اكتسبناه خلال 30 سنه لازم ناخد وقت عشان نصلحه المهم يكون في نيه وزي ما انت قلت ما نقفش لبعض علي اتفه الامور
شكرا ليك جدا
نورتني
تحياتي

وصف الاحساس يقول...

تامر نبيل

اكيد لازم نحاكم الضباط ال مش بس قتلو المتظارين ال كان ليهم يد في قتل اي مواطن من غير سبب لازم نطهر نفوسنا كلنا ساعتها الشرطه هترجع فعلا احسن من الاول

نورتني جدا
تحياتي

موناليزا يقول...

فعلا لابد من رد المظالم أولاً

Ms Venus يقول...

نفسى الضمير يصحى شوية يا وصف

تعرفى لو فى ضمير

كل المشاكل هتتحل

تيمور يقول...

عودة الضمير والاهتمام بالانسان هيعود بالفائدة على الجميع

تحياتى

وصف الاحساس يقول...

موناليزا

اول مره تشرفيني

نورتي المدونه واصحاب المدونه

تحياتي

وصف الاحساس يقول...

فينوس

الضمير جايز تكون كلمه السر

نورتي يا قمر

تحياتي

وصف الاحساس يقول...

تيمور

اول مره تشرفني وتتابع وتعلق
ده شرف كبير اوي

بجد نورتني ويارب تعجبك المدونه
تحياتي

Emtiaz Zourob يقول...

فعلا هو كان بالون وانفجر واغرق البلد بحالة من الفوضى والارتباك .. ثلاثون عاما والبالون ينتفخ وينتفخ على حساب الناس الغلابة .. ولكن كلما انتفخ كلما عجل بنهايته .. وهذا ماحدث .

وصف رائع لحالة بلد ، نضع أيدينا على قلوبنا من أجلها .. ربنا يحفظ مصر وأهلها يارب ..

دمت يا أحلى وصف وأحلى احساس

وصف الاحساس يقول...

وجع البنفسج

فعلا البالون زاد عن حجمه لدرجه وصلته للانفجار

انتي الاجمل يا قمر

نورتيني جدا

تحياتي