السبت، 9 يوليو 2011

نعم اغار عليه ..!!

مثلي كمثل الكثيرين لا يربطه به الا خمس فروض اقضيها ما بين اليقظه والشرود وصوم شهر كريم ليس اكثر من الامتناع عن الطعام في بعض الاحيان وعلاقاتي بباقي النوافل لم تاخذ شكل التطبيع فهي علاقه سطحيه وغير دائمه وكانها الغفله او اذا صح التعبير كأن علي رؤوسهم الطير وذات يوم بلغني خبر الاهانه لديني فأخذت ابحث عن الاحداث وعجبت لكل هذا الكم من الغيره عند الناس وكانها نار تنتشر باسرع مما توقعت او مما هم توقعو
فلاننا لا نحسن الي ديننا ظنو اننا نسينا انتمائنا وغيرتنا عليه
ولاننا لا نزيد ايماننا احسانا ظنو اننا لن نرد علي الاهانه
ولاننا لا نتحذث في امور ديننا ظنو انها مزحه وسنضحك عليها
و لكن المزحه الغير طريفه اشعلت نار الغيره داخل القلوب ونطق كل مسلم انا اغار علي ديني ولا اقبل الاهانه فبدات حملات المقاطعه وتكسير الشرائح كرد علي الاهانه ولكن بيني وبين نفسي لا اظن ان هذا كافيا فاني مثل كثير من الناس لا املك شريحه موبينيل لاكسرها ولا اتابع القنوات الفضائيه المذكوره ولا املك خط انترنت لشركته ولا اقرا الصحف سواء المذكوره او غيرها ولا اتعامل مع اي شيء يخصه
فتسالت كثير ما دوري انا ومن مثلي
شخص ليس لديه شيء يفعله ليجعل اسهم هذا الحقير تخسر فرجعت لثقافه الهزيمه نقطه البدايه اذا عرف السبب نقطعه من الاصل فربما ذلك لانه لم يشعر ولو للحظه في نفسه بالخيفه من اثر ما فعله لان من يحاورهم نسو دينهم وتركو قرانهم وشردو من صلاتهم و اغفلو قيامهم فالعيب فينا نحن وليس فيه فهل اصبحنا لا نألم كما يألمون ولم نعد نرجو من الله ما لا يرجون
فلكي تكون هذه الغيره ليست كسكرات موت نفيق لحظات ثم نعود لغفلتنا مره اخري لابد من ايقاظ الميت داخلنا روح الاسلام و روح الدين كما يرضي الله فذلك ما رايت انه ينقصنا كي نعلن فعلا رفضنا وغضبنا ان تعلو الاصوات بالقران وان تمتلاء المساجد بالمصلين وان نتبع سنه رسولنا الكريم وذلك كله في العلن لا نتخفي من احد ولا نتخذ الدين طريق لشيء سوي رضا الله وربما نجد في نفسنا فرحه مما حدث فربما يفيقنا من غفلتنا وكما حدث مع السيده عائشه رضي الله عنها في حادث الافك فلا تحسبوه شر لكم بل هو خير لكم وفي النهايه قال تعالي ( يريدون ان يطفئو نور الله بافواههم ويأبي الله الا ان يتم نوره ولو كره الكافرون ) فلنلعنها بقوه ونرد كيده لابعادنا عن ديننا بان نعود وبقوه وان نستمر علي ذلك والله الموفق والله المستعان
وصف الاحساس
تحياتي

هناك 4 تعليقات:

بقاء رغم الشقاء يقول...

والله ياوصف الفرق جدا واضح نحن لا نستهزء باى دين ولا اى رسول ونحترم الاديان كلها ونؤمن بكل الكتب والرسل فلابد ان يكون هناك غيره من هذا الدين وان يكون له اعداءاللهم انصر الاسلام فى كل مكان يارب العالمين

وصف الاحساس يقول...

امين يا رب
ان شاء الله ربنا هنصر دينه وينصرنا معاه
نورتي اختي بقاء
تحياتي

Ms Venus يقول...

انا ضد اى استهزاء بس لو سمحتى يا وصف اسمحى لى اقول حاجة

الصورة دى قديمة واللى عاملها اصلا انسان مسلم ردا على فتوى سعودية لقتل ميكى ماوس !

الصورة دى اتعرضت فى منتدى سعودى سنة 2008


البابا شنودى تم اهانته بطريقة بشعة ومش هقدر اقول لفظ تانى من قبل ما يدعون انفسهم سلفين ومحدش كلف خاطره يقول عيب


ده المنتدى اللى فيه الصورة ادخلى بنفسك وشوفى تاريخ البوست هناك

http://www.alkhabeer.net/vb/showthread.php?t=31443


وادى الصورة فى مدونة انسان مسلم سنة 2009

صورة ميكى ماوس باللحية وميمى بالنقاب من عام2009وهى رد على فتوى الشيخ محمد صالح المنجد باباحة دم ميكىhttp://7rfq8.blogspot.com/2009/01/dg-1-2-3.html


والسؤال اللى بوجه ليكى انتى شخصيا

هل تم اختزال الاسلام فى لحية ونقاب ؟؟

وهل اللحية والنقاب هو ده الاسلام ؟

يعنى لو اى منقبة او اى ملتحى عملوا جرائم هتسمحى ان انا وقتها اقول ان هو ده الاسلام ؟


العروسة المشهورة اللى اسمها باربى

تم لبسها الحجاب واتسمت فلة هل دى اهانة ؟؟


شكرا انك هتقرى تعليقى واحب اقراء ردك


وعلى فكرة هوريكى الصور اللى اتعملت لبابا شنودة وازاى تم الاستهزاء بيه بطريقة فجة وسافرة ووضع الاحذية على وجهه وكتابة الفاظ اقل ما يقال عليها انها قذرة جنب اسمه !!

وصف الاحساس يقول...

فينوس

اولا بشكرك علي ردك بجد انك انسانه متفاهمه وعقلك كبير
احنا ضد اي استهزأء باي دين لا اسلام ولا مسيحيه واللحيه سنه عن الرسول عليه الصلاه والسلام والحجاب فرض من فروض الاسلام فكون ان حد يسخر من ده يبقي في حاجه غلط وزي ما تحبيش ان حد يرمي الصليب علي الارض انا ما اقبلش حد يهين ديني و يمكن احنا وصلنا لكده لاننا اقتصرنا الدين في اللحيه والحجاب وده ال بقوله احنا بننسي الاصول سبنا القران والصوم والصلاه والحج والايمان ونسينا السنن و وحصرنا ده كله في فرض واحد وسنه واحده
وكون ان الصور دي اتنشرت قبل كده وحدش رد عليها فالعيب علي ال شافها وما ردش ومش مبرر انها تتنشر تاني في وقت زي ده البلد فيه علي شعره وفي حد بيحاول باستمرار انه ينزع العلاقه بينا فانا ما اقبلش ان حد يهين ديني ولا يحرق كنيسه ويشوه صوره مسلم او مسيحي
فكل واحد لازم يرجع لدينه و يقويه عشان محدش يفكر يدخلنا من ناحيه الدين
اتمني تكوني فهمني وجهة نظري
نورتيني جدا
تحياتي ه وعقلك كبير
احنا ضد اي استهزأء باي دين لا اسلام ولا مسيحيه واللحيه سنه عن الرسول عليه الصلاه والسلام والحجاب فرض من فروض الاسلام فكون ان حد يسخر من ده يبقي في حاجه غلط وزي ما تحبيش ان حد يرمي الصليب علي الارض انا ما اقبلش حد يهين ديني و يمكن احنا وصلنا لكده لاننا اقتصرنا الدين في اللحيه والحجاب وده ال بقوله احنا بننسي الاصول سبنا القران والصوم والصلاه والحج والايمان ونسينا السنن و وحصرنا ده كله في فرض واحد وسنه واحده
وكون ان الصور دي اتنشرت قبل كده وحدش رد عليها فالعيب علي ال شافها وما ردش ومش مبرر انها تتنشر تاني في وقت زي ده البلد فيه علي شعره وفي حد بيحاول باستمرار انه ينزع العلاقه بينا فانا ما اقبلش ان حد يهين ديني ولا يحرق كنيسه ويشوه صوره مسلم او مسيحي
فكل واحد لازم يرجع لدينه و يقويه عشان محدش يفكر يدخلنا من ناحيه الدين
اتمني تكوني فهمني وجهة نظري
نورتيني جدا
تحياتي