السبت، 12 نوفمبر 2011

قصه احتلال الشمس الفصل الاول

سمر : اووف يا شيخه غوري من وشي بقي
امل : ههههههه انتي بتتخانقي مع دبان وشك ولا ايه سمر : الشمس في وشي طول الطريق دماغي وجعتني
امل : ما تبقيش تركبي في الناحيه دي تاني
سمر : طيب بس شوفيلي حاجه احطها في وشها خليها تمشي من وشي
امل : خدي الاسكتش ده
...
...
في مكان اخر

كريم ... كريم ..انت لسه نايم ..قوم بسرعه

كريم يسمع هذه العبارات من صديقه عمر وكعادته يضع وسادته علي راسه لاسكات عمر فهو يحب النوم لدرجه العشق ويكره ان يوقظه احد خاصه عمر
وفي هذه اللحظه يفتح عمر بلكونه غرفه كريم
عمر : يا كريم قوم بسرعه الظاهر القيامه قربت
كريم : يوووه هو انت ما وراكش حد غيري روح قوم حد تاني
عمر : يا جدع انا بتكلم بجد قوم بسرعه
كريم : اهو اديني قومت فيه ايه بقي
عمر : اطلع بص من البلكونه وانت تعرف
كريم : طب ما ينفعش من الشباك اسهل
عمر : يا عم اطلع بسرعه شوف الشمس قبل ما تختفي
كريم : هو فيه كسوف ولا ايه
عمر : لا مش كسوف محدش بلغ علي حاجه ....بص ... بص
كريم : ايوه شايف ايه هو ده القيامه هتقوم ولا ايه
عمر: مش بقولك
كريم : طب التليفزيون بيقول ايه
عمر : التليفزيون بتاعنا جايب فيلم لسعاد حسني ولا في دماغه
كريم : ياعم ده الشمس متاكل ربعها مش في دماغه ازاي طب نعرف منين ايه ال حصل
عمر : بدور من الصبح في الفضائيات وعلي النت مفيش حاجه
كريم : خلاص ما تكبرش الموضوع يبقي حاجه عاديه وهتعدي سيبني بقي انام
يدخل كريم في سريره بينما يظل عمر في البلكونه مصوب نظره للشمس ويحدث نفسه
عمر :طب ده لو كسوف كانو قالو امال ده ايه بس يارب استرها من عندك

وصف الاحساس
تحياتي

هناك 18 تعليقًا:

Ramy يقول...

الحمد لله

...............

مش عارف كتاباتك أصبحت لها طابع خاص

و طعم أخر غير المعتاد

برافو عليكى

غير معرف يقول...

فعلاً أؤيد رامي في رأيه ..
وأشعر أن هذا التغيير يخفف قليلاً من ضغوط الحياة الواقعية .. التي ربما نحياها جميعنا ..
دمت بألف خير وصف

ظلالي البيضاء يقول...

فعلاً أؤيد رامي في رأيه ..
وأشعر أن هذا التغيير يخفف قليلاً من ضغوط الحياة الواقعية .. التي ربما نحياها جميعنا ..
دمت بألف خير وصف

وصف الاحساس يقول...

رامي

ظلالي البيضاء

يعني التغيير ده كويس ولا مش كويس
ايه رايكو يعني فهموني اكتر

بعدين الجزء ده كويس ولا انزل الفصل كله هو ال باقي قد ده

القصه 12 فصل فهي صغيره
ايه رايكو

Ramy يقول...

أنا قصدى للأحسن طبعاً

كتباتك مشوقه جداً

من فترة

...........

انا مقصدش المرة دى بس

لأ فى المجمل

إلى الأمام يا روميل (:

............

نزليهم عل أجزاء زى كده

هتكون جميلة

و برضه شوفى اللى تحسى انه هيكون أحسن

وصف الاحساس يقول...

رامي

بجد الكﻻم ده
احسن اتغر وﻻ حاجه
هههههههههههه
اشكرك جدا رفعت من روحي المعنويه فعﻻ
عموما هحاول اقسم الفصول بشكل كويس ان شاء الله تعجبك
بجد شكرا
تحياتي

رؤى عليوة يقول...

منتظرين التكمله والفصول الأخرى فالتوقف هنا مشوق


دمتى مبدعه

وصف الاحساس يقول...

امه الرحمن
شكرا ليكي يا حبيبتي
انتطريني
نورتيني جدا
تحياتي

ظلالي البيضاء يقول...

وصف ..
الكلام هنا أخرجني من حالة الانزعاج التي راودتني بسبب حادثة سرقة لوحات سيارتي اليوم بعد حادث السيارة قبل عدة أيام .. ليسافر بي إلى عالم من التوقعات والأحلام فيما ستكون النهاية في هذه القصة ..
فعلاً خرجت من المشكلة ولو مؤقتاً .. والأسلوب كويس جداً .. بس يا ترى حتكون إيه النهاية ؟؟؟ هههههه
دمت أختي أم محمود بألف خير ..

وصف الاحساس يقول...

ظلالي البيضاء

زعلتني بحادثه سرقه ارقام السياره ربنا يسترها معاك

دايما لازم تلاقي حاجه تخفف عنك وتطلعك من مودك عشان تقدر تواصل
قدر ربنا دايما فيه رحمه

اما النهايه فلسه بدري عليها جرب تتوقع الاحداث ال جايه
او انتظرني وانت تعرف من مصدر موثوق منه
هههههههه
تحياتي

نسرين شرباتي "أم سما" يقول...

رائع يا وصف الإحساس :)
بداية مشوقة جداً

د.ريان يقول...

ًصباحكِ ود وورد وصف الإحساس

ورائعة هي قصصكِ الجميلة ومعبرة

دمتم بكل جمال

غير معرف يقول...

مساء الغاردينيا وصف الإحساس
قصة رائعة لازلت بين سطور أحداثها
سعدت بكوني وصلت لركنك الجميل
سـ أكون متابعة بإذن الله "
؛؛
؛
لروحك عبق الغاردينيا
كانت هنا
reemaas

still-searching يقول...

اسلوبك حلو


بس انا مش فاهمة حاجة طبعا :D


حلو اوي التشويق ده

وصف الاحساس يقول...

نسرين

شكرا ليكي يا قمر
تحياتي

وصف الاحساس يقول...

د ريان

مساءك فل الفل
نورتني جدا
دمت بكل خير
تحياتي

وصف الاحساس يقول...

ريماس

شرفتني متابعتك يا قمر
والمدونه نورت بوجودك

لروحك عبق الغردينا
تحياتي

وصف الاحساس يقول...

لسه بدور

اريك يا قمر
وحشاني والله
القصه ومافيها ,,,
ﻻ تابعي معايا وانتي هتعرفي
تحياتي