السبت، 10 مارس، 2012

دستور يا سيادنا

كالعاده سمعت متاخره عن اختيار اللجنه التاسيسيه للدستور
ولاني مواطن مصري فمن حقي اقول رايي
حتي لو متاخر او محدش هيسمعه
اولا : عن نفسي عايزه اعرف ايه الفرق بين الدستور والقانون .. و مين له سياده علي مين
يعني الدستور فوق القانون ولا القانون فوق الدستور... وايه الحاله ال نستخدم فيها الدستور... يعني امتي نحتكم للدستور
يعني عايزين حمله توعيه بالدستور
كان التليفزيون عرض حاجه كده عن عضو مجلس الشعب وضرب مثل الدكتور والعصير عايزه حاجه زي كده
ثانيا : ايه بنود الدستو ر .. او ايه القواعد الاساسيه له .. فصوله .. يعني جزء مثلا زراعه جزء تجاره .. ايه يعني هو بيحكم ايه
ثالثا : اختيار 100 واحد بس عشان يحطو الدستور ما ينفعش بيتهيالي كل واحد من حقه يشارك .. كل واحد في مجاله
يعني هناخد مثلا فتره شهر
هنحط عدد من طرق الاتصالات ال تتيح لكل فرد انه يوصل صوته .. سواء تليفون ارضي .. رسايل موبايل .. صفحه فيس بوك .. مدونه .. اميل كل الطرق
وزي ابليكيشن
اسمك ...
وظيفتك ...
سنك ....
عنوانك ....
رايك .....
طبعا في ناس هتحلل الكلام ده وتجمع الاراء المشابهة والمختلفه في نقاط
بعد فتره الشهر ما تخلص هناخد وقت نحلل اللاراء ونعمل مسوده للدستور حسب الاراء ال اتعملت
هيتعرض علي ال100 شخص المتخصصين في وضع الدستور ووضع معايير للبنود
يعني في بند قريته في الدستور السابق خاص بابناء المحاربين القدامي واولويتهم في اماكن التعيين .. ال هو بند متعارف عليه اسمه ابناء العاملين
في حاجه هنا لازم توصف البند عشان ابن العامل يستحق مكان ابوه لآرم نبص لحاجه
الوظيفه دي استهلكت الاب فمن حق الابن انه يتمتع بمزاياها .. ولا الاب ده اتمتع بمزايا الوظيفه طول فتره العمل و من حق حد تاني بقي يتمتع بخيرها
يعني ابن الدكتور مش لازم يبقي دكتورر الا اما يكون يستاهل وابن الشيايل مش لازم يفضل طول عمره شيال عشان ابوه كان شيال والا كان ابن مبارك اولي بالرئاسه لانه من ابناء العاملين
ده المقصود بالمعايير في كل بند
وعند الانتهاء من عمل ال 100 شخص هيتعرض علي مجلس الشعب يضيف ما يراه ينقص
دي وجهة نظري لوضع الدستور
لان الشعب ادري بال في البيوت والشوارع وال محتاجه هو بنفسه
وصف الاحساس
تحياتي

هناك 12 تعليقًا:

مصطفى سيف الدين يقول...

بالنسبة لسؤالك عن القانون و الدستور اصلا مفيش مقارنة بينهم القانون هي التشريعات اللي بتساهم في تطبيق الدستور يعني مثلا الدستور هيقول الاسلام هو المرجعية الشرعية فالقانون يحط المرجعية الاسلامية كخلفية في تشريعات محددة زي التوريث مثلا مش معقول هنحط بنواد التوريث كلها في الدستور
مثلا الدستور هيتكلم عن حقوق المواطنة يبقى احط التشريعات اللي تكفل حقوق المواطنة في قوانين
يعني الدستور عبارة عن الاصل و لما احاول افصله استخلص منه قوانين
فكرتك جميلة جدا عن مشاركة الشعب كله
و اتمنى فعلا تتطبق
تحياتي ليكي

وصف الاحساس يقول...

مصطفي سيف الدين

يعني الدستور عنوان القانون
يعني كل عنوان من الدستور فيه قصاده تفصيله من القوانين
كويس والله ما كنت اعرف
فعﻻ نفسي الشعب كله يشارك في الدستور ﻻن في فءات من الشعب مهضومه جدا وفءات في العﻻلي
ربنا يسهل الحال
نورتني جدل
تحياتي

هبة فاروق يقول...

معاكى ان من حق الشعب كله يقول رايه ويشارك فى وضع الدستور ولو انه من المستحيلات
يكفينا اننا نوافق او نعترض وتلك ابسط الحلول
تحياتى لك واتمنى ان يوضع دستور لصالح شعب مصر الذى فاض به الكيل

Tamer Nabil Moussa يقول...

صباح الخير وصف

عندك حق لازم الشعب يكون لية راى فى بنود الدستور وقبل ما يحصل استفتاء عليها تكون مشروحة للشعب عشان يقدر عن وعى وفهم يقول اة او لا

ربنا يصلح الحال

مع خالص تحياتى

الموجى يقول...

اتفق معاكى فى موضوع وجوب مشاركه الشعب فى وضع الدستور

همسة محبة يقول...

وصف انا معاكى فى انه يجب ان تحدث توعية بالدستور للشعب لان تقريبا كلنا لا نعرف ويمكن بدانا نعرف البنود وقت الاستفتاء ولكن لست معك فى مشاركة 80 مليون لانك طبعا عارفة نسبة الامية قد والامية السياسية ايضا ولكن هو فعلا محتاجين يخدوا من كل النقابات ليس النقيب فقط بل افضل الاناس والمشهود لهم بالنزاهة ومن كل الطوائف كده هيكون الدستور شمللنا كلنا
تحياتى اليك

وصف الاحساس يقول...

‏ هبه فاروق
جايز فعلا مستحيل كل الشعب يشارك بس علي الاقل نفهم ونتابع ايه ال بيحصل
جايز الحلم يتحقق ونقدر في يوم نشارك
نورتيني يا قمر
تحياتي

وصف الاحساس يقول...

تامر نبيل
صباح النور يا تامر
محتاجين نفهم عشان نكون ايجابيين
ونقدر نشارك ونفيد
نورتني جدا
تحياتي

وصف الاحساس يقول...

الموجي
من حق الشعب انه يختار المواد ال هيكمل عليها حياته
نورتني جدا
تحياتي

وصف الاحساس يقول...

همسه محبه
فعلا نسبه الاميه في مصر كبيره
بس كل واحد فاهم الحاجه ال تخصه اكتر من اي حد تاني
يعني انتي تديري بيتك احسن من احسن جراح
القصد ان كل واحد يعرف ان له حق وايه الدستور وايه ال يخصه منه
نورتيني جدا
تحياتي

الاحلام يقول...

اسئله مهمه وفكره رائعه لابد ان نعمل بها فالدستور سويضع ليس ليوم ولا اثنان بل لعمر كامل لحياه كامله ولابد من تحرى الدقه
جميل وصف الاحساس هذا فقد سعدت جدا هنا
تمنياتى بالتواصل تحياتى ابوداود

وصف الاحساس يقول...

اﻻحلام
اولا شرفتني جدا
ثانيا هو فعلا لازم يتدرس بدقه لانه هيستمر فتره طويله
ان شاء الله يتم التواصل
نورتني جدا
تحياتي