الثلاثاء، 28 أغسطس 2012

هل رايتم مطروح

امبارح رجعنا من رحله لمطروح لمدة خمسه ايام
من اول لحظة دخلنا فيها مطروح والدنيا غير الدنيا
الجو غير والهوا غير حتي القر مختلف

دي صورة من قدام الشاليه علي طول .. المصيف شاليهات علي البحر


دي صورة محمود في المايه علي العوامة
ده في شط الغرام المياه صافيه لدرجه جميله جدا والرمل ابيض بشكل فظيع
احنا روحنا شط روميل وده احلي شط شفته والغرام ونزلنا شط الشاليه
اطرف حاجة ان واحنا في البحر قدام الشاليه محمود كان في المايه عادي واحنا جنبه هو في العوامه واحنا معاه ال حصل بقي انه فجاه لقينا محمود نايم في العوامه .. يا حودة يا حودة مفيش فايده
طلعناه ونيمته في السرير ولانه كان غرقان ميه غيرتله هدومة وانا بلبسه صحي ومرضاش ينام تاني خالص لحد ما نمنا زي كل يوم



الصور دي كنا في رحله في البحر من الشاليه لحد روميل ورجعنا تاني
محمود طبعا مسبش حاجة في مكانه راح ناحية الدفة ال صاحب المركب بيلفها وده يلف يمين ومحمود يلف شمال لازم يسيب بصمته في كل حاجة حتي الاوتوبيس طلع علي عجله القياده وشاف شغله لازم يسوق هو كمان


ده شط عجيبه يخوف جدا من فرق الارتفاع بين الطريق فوق والشط تحت
الصخور هنا شكلها جميل جدا تشوفها من قريب حاجة ومن بعيد حاجة تانيه خالص

محمود نام من اول ما طلعنا في الاوتوبيس لحد ما روحنا عجيبه وقبل ما نمشي صحي طبعا كان لازم نصورة حتي لو نايم

ده المنظر من تحت علي الممر ال علي الصخور بجد مرعب
اكتر حاجة تضايق في مطروح انها مفيش مايه حلوة للشرب مياه مطروح مالحه حتي في البيوت معرفش هما بيعملو ايه في الاكل والشرب لان شرا المياه مكلف جدا

حاجة لاحظتها في الطريق
القمر في اسكندريه واحنا رايحين كان نص القمر في مطروح بيتهيالي علي ما نوصل ليبيا هيبقي بدر عشان كده ممكن ليبيا فعلا تصوم قبلنا بيومين تلاته

حاجة كمان
كميه قري سياحيه علي الطريق ومباني معماريه تحل ازمة اسكان مصر كلها
طبعا مهما قلت مش هقدر اوصف جمال البلد دي ال حاسه انها مهمله في اكتر من حاجة رغم انه بصراحة كان نفسي اقعد هناك علي طول من جمال مطروح

وصف الاحساس
تحياتي

هناك 22 تعليقًا:

ميمونة يقول...

جميلة الرحلة انا بسمع ان مرسى مطروح حلوة بس بعد الصور شكلها رائعة جدا جدا يارب ازورها بقى ،، وحمودة عسوووول أوي ربنا يحفظه يارب
تحياتي

حنين محمد يقول...

مساء الغاردينيا وصف
:)
اولا مش ممكن اعلق على الصور والرحلة قبل ماابوس حودة العسل انتي عارفه احنا صحاب بس مايسمعنيش فارس ههههههه
بجد ربنا يخليه والله قمر بسم الله ماشاء الله وابتسامته حلوة
شفتي حتغزل في حودة وانسى مرسى مطروح :)
رحلة جميلة ومكان حلو بجد وفعلا كان شكل البحر هادي
المهم تكوني انبسطتي وان شاء الله لما اجي انا وفارس شهرعسل حتعزميني هناك ههههههه "
؛؛
؛
لروحك عبق الغاردينيا
كانت هنا
Reemaas

Ramy يقول...

حمد الله على السلامة

و ربنا يخليلك محمود (:

اهم شيىء أن انتم أنبسطوا

نسرين شرباتي "أم سما" يقول...

يا حبيبي يا حودة يا عسل انت
بينام في أوقات غير مناسبة الولد ده ع فكرة :)
الله يخليه ويحميه يا رب
وكتير انبسطتلك لرحلتك ولتغيير الجو اللي عملتيه
هيك الواحد بيحس دمه اتجدد :)
مرة حضرت مسلسل ليحيى الفخراني،، كان مصوره بمرسي مطروح،، المكان جد بيجنن :) :)
الله يهنيكم ويجعل كل أيامكم حلوة :)

محمد جمال يقول...

تحياتى واحترامى
كان لى الشرف ان اتواجد هنا عبر صفحتكم المليئه بالاحساس الذى تفضلتم ووصفتموه
واجابة منى على سؤالكم ؟
نعم رأيت مطروح وفعلا حاولت كثيرا الا اعود من هناك ولكن ظروف العمل تجبرنا احيانا على الكثير ,
ثانيا : ربنا يحفظلك محمود وزوجك ويجعل ايامكم كلها سعاده وحب .
أما مطروح فكيف لى ان اتكلم عنها فى سطور تعليق فكل مكان فيها يحتاج الى كتاب , هل اتكلم عن عجيبه العجيبه فعلا بلون مياهها ومنظرها من اعلى وصخورها أم اتكلم صخور شاطئ كليوباترا التى ابدعتها قدرة الله بامواج البحر فى تحفة فنيه
ام يكون الكلام عن روميل أو الغرام وشكل المياه فيهما
أم الكورنيش وشارع اسكندريه .
كل عام تحدث نفس المشكله بينى وبين زوجتى : هى عاشقة للاسكندريه وانا متيم بمطروح , حتى اصبحنا عام وعام
وهذا العام لم يكن للأسف لمطروح وقد قلبتى عليه المواجع بالبعد عن هذا السحر الربانى المسمى مطروح

تحياتى لكى
كل مصيف وانتم جميعا بخير وسعاده

رؤى عليوة يقول...

حمدالله على السلامة
نورتى بلوجر بعد مطروح :)

بقالى فترة بحلم اروح مطروح فيه اصدقاء كل يوم ينزلوا صور للشواطئ هناك

جميله صور محمود وطبعا الشقاوة دى حاجة ضرورية :)

كل سنة وانتى طيبه وكل مصيف وانتوا بخير

دمت بخير

دعاء يقول...

يااااااااااااه
ما أجمل الصور !!
أثرتِ غيرتي يا إيمان !
يعني و العسل الموجود في الصور بيقطر عسل :)

أنا لم أذهب للبحر إلى الآن !
و بشوقٍ له !
و ستأتي المدرسة بعد أيام و أنا لم أذهب !
أشعرُ بالحنق !

على كلٍ أتمنى أن تكوني قد استمتعتِ بالرحلة :)

أطيب الامنيات ..

تحيآاتي لكِ ..

غير معرف يقول...

مساء الورد وصف

لاحظت عتبك في الموضوع لأن هذي المنطقة مهملة ولكن صدقيني تبقى منطقة مهملة وعذرية أفضل بكثير من أنها تتطور وتمتد أيادي الهوامير لها وتحرمنا من مناظر طبيعية بعيدة عن التكلف المنهك للمدن الساحلية السياحية ...

رحلة رائعة وأتمنى من قلبي تكوني أنبسطتي فيها :)

على الهامش : الصور جميلة وواضحة وتدل على إحترافية .

تحياتي وإحترامي

هبة فاروق يقول...

حمد الله على السلامه يا ايمان
ورحله سعيده ..وحوده عسوله خالص ربنا يحميه
بالفعل مطروح رائعه زرتها ولكن من مده طويله اتمنى ازورها تانى فتحتى نفسى على السفر اليها مره اخرى
نورتى البلوجر يا جميل

βent Pasha يقول...

حمدا لله على سلامتك ياجميلة
يارب تكون رحلة سعيدة وموفقة
وعسول محمود اللي ف الصور ده خالص
ربنا يخليهولك يارب ويجعله لكم الذرية الصالحة

تحياتي لكي ياقمر
وشكرا ليكي على سؤالك عني وعذرا على تقصيري ف التواصل
لكي مني كثير السلامات وأطيبها

كف عاليا يقول...

ماشاء الله على حودة ربنا يبارك لك فيه ويجعله من شباب المسلمين الصالحين وربنا يمتعك كمان وكمان فى دنيتك وآخرتك يارب وانا كمان ياوصف نفسى ازور مطروح والاقصر واسوان وسيوة بلدنا فيها حاجات كتيرة حلوة بس احنا مش قادرين نشوفها

وصف الاحساس يقول...

ميمي
ربنا يخليكي يا قمر
فعلا مطروح جميله جدا فوق الوصف
اتمني تقدري تزوريها فعلا
تحياتي

وصف الاحساس يقول...

ريماس
مع اني مش بخلي البنات تبوس حودة بس عشانك انتي يلا بوسي بوسي قبل فارس ما يشوف
الحمد لله انبسطنا جدا
تنوري مصر ومطروح والدنيا كلها انتي بس انوي وتعالي
نورتيني يا قمر
تحياتي

وصف الاحساس يقول...

رامي
الله يسلمك يا رامي
فعلا الرحله كانت جميله جدا
ربنا يخليك وتشوف ولادك احلي من محمود
نورتني جدا
تحياتي

وصف الاحساس يقول...

نسرين
هههههههههههه فعلا الولد ده بينام في اوقات مش مناسبة جدا جدا ويصحي في اوقات مش مناسبة اكتر
فعلا مطروح جميله جدا
اكتر كمان من الصور
والحمد لله الرحله دي فعلا فرقت معانا كتير
يارب نقدر نكررها تاني
نورتيني يا قمر
تحياتي

وصف الاحساس يقول...

ا / محمد
اولا شرفت المدونه حيث انك اول زيارة واتمني ما تبقاش الاخيرة
بيتهيالي اي حد بيروح مطروح ما بيبقاش عايز يرجع وكتر كلمتك زوجي انه ينقل هناك بس طبعا ما ينفعش خالص
اسمحلي ان اختلف مع زوجتك فمن راي مطروح لا يمكن ان يعود مرة اخري للاسكندريه فمطروح غير خالص
وفعلا فاتك السنة دي انك ما رحتش مطروح بس تتعوض ان شاء الله السنه ال جايه
نورتني جدا
تحياتي

وصف الاحساس يقول...

رؤي
الله يسلمك يا جميل البلوجر منور بيكي يا قمر
اتمني فعلا تزوري مطروح صدقيني مش هتندمي مش بس الشط والميه لا الجو كمان فظيع تحسي براحة نفسيه جميله جدا
محمود طبعا مش محتاج وصايه ده نزل ملعبه
نورتيني يا قمر
تحياتي

وصف الاحساس يقول...

دعاء
تسلمي يا قمر
بس بليز لا قر ولا حسد هههههههه
فرجه قريب
ربنا ياستي يرزقك زيارته عن قريب قبل المدرسه
نورتيني يا قمر
تحياتي

وصف الاحساس يقول...

ا ريبال
الحمد لله الرحله كانت جميله والمناظر هناك تحفه يعني هتطلع حلوة باي كاميرا
للاسف الاهمال في ابسط شيء وابسط حق للناس ده انهم يلاقو مياه الشرب ده احنا في بلد النيل
الحمد لله فعلا انها متروكه لاهل مصر
نورتني جدا
تحياتي

وصف الاحساس يقول...

هبه فاروق
الله يسلمك يا قمر
البلوجر منور بيكي
اتمنالك الزياره دي يا هبه بجد مصر كلها تزور مطروح بس حبات حبات عشان الزحمة فعلا بلد جميله
نورتيني يا قمر
تحياتي

وصف الاحساس يقول...

بنت باشا
نورتي البلوجر مرة تاني
االله يسلمك يا جميل
عيونك ال حلوة
نورتيني جدا
تحياتي

وصف الاحساس يقول...

همسة محبه
حمد لله علي السلامه نورتي البلوجر
ربنا يخليكي وشكرا علي الدعاء الجميل
فعلا بلدنا فيها الاماكن الحلوة كتير وربنا يقدرنا ونشوفها
نورتيني يا قمر
تحياتي