الثلاثاء، 8 مايو، 2012

قلوب الفئران


" تماما كما قال الارنب لامه اسمحيلي روح العب .. ماما .. قالتله لا يا ماما .. يمكن ييجيك التعلب .. اه يمكن ييجيك التعلب "

فان الاطفال يحبون ان يجربون كل شيء بلا خوف او تردد ... تري احدهم يضغط كل ازره الهاتف في نفس اللحظه ...ولا يبالي ان حدث به شي او مسح منه بيانات ...فكل ما بداخله يدعوه فقط لان يعرف ماهذا الشيء ... ماذا سيحدث ان فعله او ربما لايبالي ..

" هز الارنب في كتافه .. ما سمع كلمه امه ..راح يتمشي للبستان ويقطف ورد ويشمه .. شافه التعلب ...هجم عليه صار يركض وهو خوفان .. واتخبي في جحر صغير .. وضاع التعلب في البستان "

كما هو الحال عندما تكتشف ان ابنك لمس اشيائك الخاصه .. جهاز الكومبيوتر او التليفون .. فانك تركض خلفه تحذره من الا يفعل ذلك مره اخري ... ولكن اصرار الطفل البريء يجعله يفعل ذلك مرات اخري غير مبالي بالعقاب الذي لم يفهم بعد معناه .. ولكن مره ومره يزيد العقاب ...ويصبح بداخله خوف شديد من هذا الشيء او هذا الجهاز لا يعرف سببه ..

رجع الارنب لامه وعيونه مليانه دموع .. قالتله تاني مره .. خلي كلامي مسموع

نعم هذا ما يحدث فكي لا تعاقب يجب ان تخاف.. فاصبح كل ما يمد يده علي شيء يخرج له شبح العقاب ... فيصبح بداخله خوف من كل حركه ... من كل كلمه ..ومن كل شيء .. لايستطيع ان يفكر مجرد التفكير في التجربه او التمرد علي واقعه ... لان ما بداخله اصبح قلب فار صغير يعيش بجحره الضيق ... يخشي الحياه ... يخشي كل شيء جديد ..
فاجعله قط .. او اجعله نمر ... او اسد ...او حتي فيل ... ولكن سيظل بداخله قلب ضعيف اشبه بقلوب الفئران
وصف الاحساس
تحياتي

هناك 12 تعليقًا:

نسرين شرباتي "أم سما" يقول...

:) :)
في البداية أحب الأغنية :)
لفتي انتباهي لنقطة مهمة جداً،،، وكثيراً ما أفعلها مع بناتي،، فهل نحن نحبطهم أو ماذا؟
ألا يجب أن نجعل لهم سقفاً وحداً لهم
هل بهذه الطريقة نحن نحبطهم؟؟؟
هل بهذه الطريقة نحن نحد من أحلامهم وأهدافهم؟؟؟؟؟؟
حيرتيني فعلاً يا وصف
لنجعله موضوعاً للنقاش :)

P A S H A يقول...

:))
جميلة أوي يا أستاذة .. هي دي أغنية ؟؟
ربنا يبارك في ولادنا ويحفظهم من كل سوء ويعيشوا ويكسروا ، ما احنا ياما كسرنا ، بس التوعية مهمة بأسلوب بسيط :)

- عجبتني أوي قصتك اللي في الكتاب "من رحم أمي" أسلوبك فيها هايل جداً وفكرتها حلوة وفريدة

خالص تحياتي لإبداعك المتميز

شا عر الأ حزان / احمد هيكل يقول...

مدونه جميله ورقيه

يشرفني توصلكم
دمـــــــوع وحنين
http://dmoaa.blogspot.com/

ميمي يقول...

مساء النور وصف الاحساس
اسلوبك جميل جداا في الطرح
علينا اتباع طريقة جيدة في توعية الاطفال ولانهم ملعون بحب الاستكشاف فعلينا ان ندعهم يجربوا ويكتشفوا بأنفسهم...
باقات ود وحب
تحياتي
ميمي :))

د.ريان يقول...

مساء الخير وصف الاحساس الراقية

فعلاً أن تربية الطفل هي من أساسيات

حياته وبها يتعلم كل ممنوع ومحظور وبها

يحدد إتجاهاته وأضيفي إلى ذلك جيناته

التي أثبت العلم أنها أيضاً تتحكم في قوته

خجله وجرائته وأحيانا يجب أن نجعلهم

يجربون الأشياء برغم خوفنا عليهم من

تأثير التجارب

هنا كان الوصف جميلاً والتشبيه أجمل

والاهتمام بالتربية هو مانحتاجه كثيراً

كي يظهر جيل قوي يسترد مالم يستطيع

إسترداده الكبار

طاب لي المساء هنا ايتها الراقية

دمتم بكل ود

Tamer Nabil Moussa يقول...

عرض طيب

واتفق معاكى يجب ترك ماحة للطفل لكى يجرب بنفة تحت عيوننا

مع خال تحياتى

وصف الاحساس يقول...

نسرين
انا كمان بحب الاغنيه دي جدا
جايز يبقي لازم في سقف للتصرفات وجايز محتاجين طريقه تاني تخليهم يجرجو من غير ما يخربو
يعني مثلا محمود اما بشغله اغنيه علي التليفون واسيبله التليفون يقعد يلعب في الزراير فتقف الاغنيه يلعب تاني يشغلها وساعات ما يعرفش يقوم يرمي التليفون علي الحيطه
فطبعا بدل ما اصرخ فيه اجيب التليفون واخد صبعه احطه علي الزرار اخليه يشغله مره ورا مره اكيد هيتعلم بس ال انا اتعلمته فعلا اني ما اسيبش التليفون في ايده خالص عشان المره ال جايه هيرميه من البلكونه
نورتيني يا قمر
تحياتي

وصف الاحساس يقول...

باشا
دي يا سيدي اغنيه من اناشيد طيور الجنه
تسالني عن فلان ولا علان اقولك معرفش غير عمو خالد وعصومي ووليد

سعيده ان القصه عجيتك وسعيده اكتر انك قريتها
شكرا بجد
نورتني جدا
تحياتي

وصف الاحساس يقول...

شاعر الاحزان
ربنا ما يجيب احزان
شرفتني في مدونتي
جميله مدونتك جدا
نورتني جدا
تحياتي

وصف الاحساس يقول...

ميمي
صباح الفل يا قمر
تعرفي بفكر ساعات اننا لازم نستغل حب الاكتشاف ال عند الاطفال
ساعات محمود الاقيه جايب حاجات مش عارفه جات ازاي اقوم اسيبله التليفون واقعد اتفرج هو بيضغط علي ايه عشان اعرف
ام استغلاليه
نورتيني يا قمر
تحياتي

وصف الاحساس يقول...

د ريان
صباح الخير والورد
الاطفال فعلا اهم شيء في حياتنا
الورده ال بتتزرع في كل بيت
البسمه علي كل وش
اجمل حاجه فعلا يكون في بيتك طفل برئ ايده في كل حاجه ماشاء الله
تعرف لو سبت الطفل يتصرف علي حريته في البيت مش هتلاقي حاجه في مكانها ومش هتلحق تلم وراه
يمكن عشان كده دايما بنخلي كل شيء محذور عليهم في اطفال بتستجيب وفي اطفال بتعند طبعا دي حاجه وراثيه
بس برده في كل الاحوال بنربي جواهم الخوف ال مع الوقت بيزيد حسب كل طفل
موضوع كبيييير جدا
نورتني جدا
تحياتي

وصف الاحساس يقول...

تامر نبيل
فعلا لازم نسيبلهم مساحه للحريه بس لازم تبقي في عين عليهم لانهم ممكن يؤذو نفسهم لا قدر الله
نورتني جدا يا تامر
تحياتي