الخميس، 31 مايو، 2012

لحظات ..

بعد ان اخذت اجازه من التدوين ايقنت انه لا يوجد مصطلع اسمه اجازه .. فمستحيل ان تاخذ اجازه من كل الناس وها نحن نعود من جديد ونشكر لكم حسن تعاونكم .. فعلا مفيش فايده

************

من كثره ما اشعر بك حولي ظننت ان روحك خرجت من جسدك وجاءت تعيش حولي

***********

احب سماع قصص الحب الجميله ولكن كلما اتابعها اتمني ان اعيشها وفجاه اتذكر اني في عصمه رجل من هذا الزمان ولم يعد يطرق الحب بابي ولن يعود

************

اساله دائما ماذا فعلت كي تجعلني سعيده
فيرد قائلا : لا تكوني ماديه فما تريدينه اشياء تافهة ليس لدينا وقت لها

**********

اعشق تلك اللحظه التي يسمع فيها طفلي جمله " ماما جت " فياتي مسرعا فاتحا يديه اليا وعندما يراني يقفز كي التقطه ويضحك من قلبه .. اتوق لان افعل نفس الشيء اجري علي احد يلتقطني كطفل صغير فاطمئن بوجوده معي .. ابحث في كل الوجوه فلا اجد غير وجه طفلي البرئ الذي داائما يحزن لغيابي ويفرح بعودتي

*********

ناديت عليه من مطبخي : اخرج العيش من الفريزر فقط نسيته
فسمعته يقول بصوت عالي استفزني : اول شيء تفعليه تخرجي العيش لكي يبرد
تركت ما في يدي وذهبت اليه فتحت باب الغرفه بعنف وقلت والسكين بيدي : جئت من عملي جهزت الغداء وحممت الولد والبسته واطعمته وجهزت السلطه والفاكهة ولم اتي مثلك اخذ دش بارد واتامر علي اخراج العيش من الثلاجه
نظر اليا بخجل وقبل يدي وقال : انا اسف ربنا يخليكي ليا
سحبت يدي من يده وقلت : لازم الواحد يزعق عشان الكلام يتسمع

************

مللت من تغيير المسارات في حياتي حتي اني لم اعد اعرف هل اكل الثمره ام بذرتها

***********

ننتظر دائما من يفتش في دواخلنا ويبحث في اعماقنا ربما يجد بقايا ارواح يعيدها للحياه من جديد

**********

من اين اتي بكل هذا الليمون الذي اعصره علي راسي كي احادث من لا اريد واجلس مع من لا اطيق واتعامل مع من اكره .. حمله لمونه تايهة يا ولاد الحلال

***********

وصف الاحساس
تحياتي

هناك 12 تعليقًا:

د.ريان يقول...

مساء العطر وصف الاحساس الراقية

ومرحباً بعودتكِ من جديد ونورت المدونات

بعطر كلماتكِ ..كنت ابتسم طيلة السطور

فرحاً بهذه العودة

اللحظات تمر بنا وترسم الأيام في كتاب حياتنا
ومن أجمل تلك اللحظات هنا لحظاتكِ من طفلكِ ربنا يحفظه

أحياناً وصف يكون الخيال والحلم باب هروب مؤقت صحيح أنه حلم
لكنه يريحنا ويخدرنا لبعض الوقت لم أجرب الحب حقيقة ولكن في خيالاتي أطرق بابه وأكون بطله

ولاتستغربين لو تحققت الأحلام يوماً فالطائرة وحتى التلفاز والهاتف المحمول
كانو مجرد حلم

وطالما تلك اللحظات تدفعكِ للحلم والراحة لا تتوقفين ابداً

سيتغير الحال إن شاء الله إلى الأفضل

صدقيني كل إنسان يعاني من شيء يكرهه

ويقاوم كل يوم لكن تظل الطيبة ويظل الصبر

يدفعاننا إلى الأفضل وما الحياة الدنيا إلا لحظات وأيام

أدري أنها فضفضة لكِ هنا لكن بجد أرتحت بعودة كاتبة الجميع يسعد بقلمها

وشكراً لكِ فقد كنت بهدوء ولا أدري ماذا أخرج منه

لكني سعدت بالمساء واللحظات هنا

دمتِ بكل لحظات سعيدة أسمحيلي أكون من أوائل من يبارك رجعتكِ :)

نورتي وصف الاحساس

ريـــمـــاس يقول...

صباح الغاردينيا احساس
اولاً الف الحمدلله على سلامتك واوعي تعمليها تاني اديني مشيتهالك << عامله بتزعق يعني ..
ثانياً بجد لحظات جميلة بس الحب موجود وعمر الزواج ماكان عائق للحب ووجودك في عصمة رجل من هذا الزمن لايعني عدم تغييره فقط لمسة أنثويه وهمسة من الي هي هههههههه حتزبط أكيد ..عارفة ضحكت اوي على العيش الي بيقولك خرجيه من الفريزر وتخيلت اليد الي بيبوسها هما فعلا مش بيفهموا الا لما نزعق ليه هههههههههه
بالنسبة لإحساسك أنه نفسك حد ليتقطك زي طفلك على صدره بجد حسيته لأنه كل واحد فينا جواه طفل محتاج لحنان ودلال أما اليمونة ياست الكل يااه بنحتاج نعصر اليمون بس برضه مش بينفع "
؛؛
؛
وحشتيني وبجد أستمتعت بلحظات حلوة هنا "
؛؛
؛
لروحك عبق الغاردينيا
كانت هنا
reemaas

;كارولين فاروق يقول...

حمد لله علي سلامتك
وصف الاحساس
كلها احاسيس كتبتيها
من القلب ووصلت الي القلب مباشره
نتشابه نحن النسوه
في امور عده
ولا نبوح بأكثرها
واليوم اري حريه في قلمك
خرج من سجن الصمت
تحياتي

ظلالي البيضاء يقول...

وصف الإحساس ..
أولاً السلام عليكم ورحمة الله وبركاته ..
والحمد لله على رجوعك بالسلامة ..
ثانياً ... بلاش منها ثانياً دي ..
خللينا في ثالثاً .. الدنيا فيها الحلو والمر وما ينهما ..
فنسعد بحلوها ..
ونصبر على مرها ..
ويتقلب مزاجنا فيما بينهما ..

كوني بخير ..

همسة محبة يقول...

حبيبتى حمدالله على عودتك نورتينا من تانى حبيبتى دائما تكتبين مانريد كتابته ساعات بحس انى عايزة اهرب من كل المسؤليات وبندم انى طلعت جدعة وتحملت فوق طاقتى بس لا مفر

ميمي يقول...

اولا حمدا لله على السلامة على عودتك اشتقنالك ياوصف ....
كتابات جميلة ومعبرة كما عودتنا دائما ..أعجبتني بتاعت العيش ههههههههه
سعدت برجوعك
باقات ود وحب
تحياتي
ميمي :)

وصف الاحساس يقول...

د ريان
سعيده بابتسامتك الفرحه وسعيده كمان بانك اول المرحبين بعودتي
الحياه مليانه فعلا بس تعرف ما بيهمناش نقف في وشها راس براس تعمل ال تعمله وساعات من اي حاجه ولو بسيطه نتعب ونقع
تعرف ايه ال بيخلي الواحد يقف تاني .. الناس ال بتحبه وواقف جنبه
انت مجربتش الحب .. رغم ان كل كتاباتك مغموره في كاسه ومشبعه باحاسيسه
ان شاء الله تجربه بس اختار صح و سيب قلبك يعيش هتحس بجماله وجمال كل حاجه في الحياه
هتلاقي الاسود اختفي من الحياه وبقت الوان
ربنا يسعدك يارب ويرزقك بقلب يحبك بصدق ويهديك راحه البال
تحياتي

وصف الاحساس يقول...

ريماس
صباح النور يا جميل
والله كنت ناويه ازعق بجد بس قلت بلاش عشان حوده واقف ههههههه عيب
الغمزه وصلت يا باشا بس الواحد ساعات بيبقي مالوش مزاج لها بصراحه بس ساعات كتير بتنفع وساعات ما بيبقاش في مراره لها
اجمل شيء في الدنيا الاطفال علي قد ما بتشوفي شقاوته وحركاته بتفكري هو انا كنت كده طب ليه ما كنتش كده معرفش بقي حقد امهات ده ولا ايه بس الحاجه ال مش بتاخديها في وقتها مش هتاخديها تاني
المهم ان احنا رجعنا نوصف الاحساس تاني
نورتيني يا قمر
تحياتي

وصف الاحساس يقول...

كارولين فاروق
الله يسلمك يا جميل
كلنا جوانا اسرار نخاف نطلها نجرح ناس عزيزه علينا بس المره دي كان لازم تخرج لعلها تريح وتستريح
نورتيني يا جميل
تحياتي

وصف الاحساس يقول...

ظلالي البيضاء
وعليكم السلام ورحمه الله كبركاته
الله يسلمك
بلاش اولا ولا ثانيا ولا ثالثا ندخل في رابعا علي طول
الحياه بحر كبير ساعات يهدا وساعات يثور علي اقل الاسباب والمشكله ان الواحد بيكون مش عنده قدره يتحمل حتي اقل الاشياي .. بس اهي بتمشي وبتعدي ونفتكر وننسي وما دايم الا وجه الله .. وحدوووووه
نورتني جدا
تحياتي

وصف الاحساس يقول...

همسه محبه
الله يسلمك يا جميل انتي عامله ايه والولاد عملو ايه في الامتحانات يا رب يكون خير
احب اقولك ان كلنا هذا الرجل
اوقات بفكر انا عليا بايه من ده كله بس اما بشوف حوده ابني بيهون كل حاجه الحمد لله علي كل حال
نورتيني يا قمر
تحياتي

وصف الاحساس يقول...

ميمي
ازيك يا قمر وحشتيني بجد عامله ايه
اه كله الا العيش ده كل يوم علي نفس الحال بس هنعمل ايه يعني جل من لا يسهو
مرسيي علي الورد يا قمر
نورتيني جدا
تحياتي