الثلاثاء، 26 يونيو 2012

احبك ابنتي ولكن لا اريدك ..!!

دايما كنت احلم ان يكون لدي طفله جميله تشبهني .. احبها ..ادللها.. احضر لها الملابس والالعاب ..وامشط شعرها .. انظر لها تكبر كل يوم .. وانتظر ان تكبر امام عيني فتاخذ بيدي .. فتضعني في عيونها عندما امرض تودني عندما اصبح وحدي .. احمل ابناءها وافرح بهم .. ولكن يا حبيبتي دنيتنا هذه لا تحب النساء فتحملهن فوق طاقتهن الكثير .. فكثيرا ما تالمت من نظره الاب لابنته التي كان يتمناها ولد .. ونظره المجتمع للبنت علي انها كائن يجلب العار بكل تصرفاته .. فيفرضون عليها ان تلبس ولا تلبس .. تخرج ولا تخرج .. تقول ولا تقول ..تفعل ولا تفعل
دائما هي المخطئه حتي لو كانت الضحيه .. دائما هي الظالمه حتي لو كانت تتالم .. دائما هي التي تتحمل المسئوليه الكامله والمخطئه في الاخير ..
فكم من انثي اجبروها علي الزواج .. وكم من انثي حرموها من التعليم واختيار الطريق وكم وكم ..كثيرا فعلوا و ظلموا .. كلنا تالمنا .. حصرونا فقط في لغه الجسد في الم الحمل والولاده .. في تحمل عبء الحياه الزوجيه والابناء وحدها ..وبالاخير يلومونها .. وتحتمل حتي كبر سن والديها
مرهقه هي حياتنا في هذا العالم .. مؤلمه الم لا احتمل ان اراكي تتالميه .. فبالنسبه لي اتحمل العيش بدون فرحتي بك .. ووحدتي من دونك .. والم استجداء العطف من زوجات اخوتك .. علي ان اراكي امامي تحملي هم الايام .. او ان اري دموعك في كل مره يظلموكي فيها .. وانا افعل دور الام العاقله واقنعك ان الست العاقله تتحمل فانا لن احتمل المك .. اتركيني اتالم انما انتي لا ..اتركيني ابكي بدلا منكي ..انما انتي لا ..
حبيبتي من قلبي اتمني رؤيتك ومن قلبي ادعو الله ان يكون رحيم بي وبك ولا اراكي
وصف الاحساس
تحياتي

هناك 26 تعليقًا:

Unknown يقول...

لأ مش موافقه أكيد على رغبتك
و إن كنت أعلم و مدركة تماماً سببها
لكن لا يجب أن نستسلم لقيود المجتمع
يجب أن نربي بناتنا على قيمنا الدينيه و الأخلاقيه ثم نترك لهم حرية الإختيار.

البنات نعمه و رقه و جمال
صداقه و حب و حنان
رزقك الله بالبنت و أعانك على تربيتها و إنشاءها حُره في مجتمع متحضر يعرف قيمتها و يقدر وجودها.

تحياتي لكي

غير معرف يقول...

بعدما خلصت من القراءة تذكرت قصة قديمة عندنا ... انو واحد متزوج ثنتين وحده تخلف بنات و الثانية اولاد فالأولى فرحانة بالاولاد و الثانية صابرة على تربية البنات .. و لما كبروا كانت البنات تزور الأم و تراعيها ... لكن الأولى ما احد يزورها لأنها تربي لغيرها ... و يقولوا هم البنات للمات أحسن مايقولوا أنا اللي ربيت و لغيري صفيت ... ووبس ...
متابعة لك .. عهود

د.ريان يقول...

صباحكِ خير وود وصف الاحساس

تلك الأمنية أن تكون لي طفلة هي أمنية

من أمنيات حياتي لا أعلم إذا كانت سوف تتحقق أو لا

ويظل للأنثى في عالمنا وديننا مجد

فهي كنز من كنوز غالية وهي تعامل

مثل ملكة وأميرة في بيتها وبين أخوتها

بل حتى في الدين وصف الرسول صلى الله عليه وسلم

أن من ربى بناته وعلمهن أو فقد

بناته بعد تربيتهن كن له حرزا من النار

ولقد امر صلى الله عليه أن نستوصي بالنساء خيراً

بل جعل قمة الرجولة وخير الرجولة أن نستوصي بهم خير اً

وجعل الجنة بكاملها تحت قدم الأنثى التي تلد وتفيد الدين والمجتمع

نظريات المجتمع التي عفى عليها الزمن لا تضر الأنثى

وليس كل مايقدمه المجتمع صحيح فنظرة المجتمع للإنسانة المطلقة والرجل الغني

وحب العادات والتفاخر بالنسب

تلك تدل على جهل المجتمع أما موضوع الأنثى فلقد تغير كله

بعدما كانت من سقط المتاع في الجاهلية لتصبح ملكة الكل يخدمها

وذلك رأي حتى النساء في الغرب

ففي الغرب قدمو لها الحرية حتى أصبحت سلعة مهمة لا تنجح التجارة

الا بوضعها ملصق على منتج ومجلة

وتطرد الفتاة من سن 18 سن للشارع كي تعيش مع اي كان

بينما في عالمنا العربي الإسلامي يخدمها

الأب والزوج والأخ أنظري فقط حينما تمر امرأة للدكان او لأجهزة الصراف

او في المستشفى تجدين الكل يقدم لها المكان بدون اعتراض او عنصرية


لايوجد رجل في العالم يستطيع حبس حرية أنثى أن الأنثى تحمل حريتها في

داخلها وهي من تحدد حياتها ومصيرها

فأما أن تكون أجمل الكائنات وأرحمها وأما أن تكون شر كائنات الأرض

وأجمل حرية هي التي تكون بعفتها وحيائها ودينها

لأن ذلك الشيء يبقيها غالية

ولا يعني تقيدها بالشرع أو حتى رضاها بحجابها وربها أنها محبوسة

بالعكس هي حرة وربي وتنافس حوريات الجنان

ومن منا ياسيدتي حر سواء كنا رجال او نساء

كلنا عبيد بهذه الدنيا لله عزوجل

والحرية الحقيقية هي بالجنة

أسعدني الصباح هنا سيدتي

دمتم بكل ود

حنين محمد يقول...

صباح الغاردينيا وصف
صباحك دفئ طفلة تقبل عينيكِ وتهمس سـ أكون لك أجمل أطفال الدنيا لأنكِ أجمل أم وأرق أم ..غاليتي وصف لاتبخلي على قلبك بـ تلك الأمنية من رب السماء أن يرزقكِ طفلة تملئ عليكِ الدنيا وتهبكِ الحنان فـ البنات دفئ ورقة وحنان لاتخافي عليها فـ رب السموات يصونها ويحفظها ربيها كما ترين أنتِ الصحيح والخطأ وعلميها أن تصون أنوثتها بـ خلقها ودينها وأن تكبر شريفة عفيفة لاتهاب ماحولها وتحافظ على تلك النقيه بداخلها "
؛؛
؛
لروحك عبق الغاردينيا
كانت هنا
reemaas

مصطفى سيف الدين يقول...

لا اتفق معكِ يا عزيزتي
فلكل منا ما يميزه عن الآخر فلا تدعِ احدهم يقتل لديكِ احساسك بالجمال و الرضا على ما انتِ عليه
تحياتي

كف عاليا يقول...

ربما وصف يكون كلاكمك صحيح ولكنه ليس الغالب فانا لدى ابنتان مش عايزة اقولك انهم طغوا على حق اخيهم الولد وكم هن مدللات عند ابيهم المهم نربيهم صح ونترك الباقى لله والمستقبل

;كارولين فاروق يقول...

اتفق معك لاني واقعيه مثلك
وكل ما وضعته اناملك واقعي
للأسف عصر سي السيد موجود
ولكن استحدث ليأخذ شكل جديد
ولكن القالب هو هو وقالب المرأه
هو هو ولكننا نحب ان نضحك ونقول
ان المرأه اخذت حقوق ويكفيها ذلك
لا والف لا
مازالت المرأه مظلومه ولا يشعر بذلك
غير المرأه
اشكرك
تحياتي

رؤى عليوة يقول...

ولأن تربيتن اصعب ولأن المجتمع من قديم الأزل يذريهن
كان الجزاء لمن يربيهن ويحسن التربيه أن يدخل الجنه

ألا تستحق الجنة تحمل الآلام

عن نفسى أرجو أن تكون لدى بنت فأربيها على أفضل ما تعلمته انا ..

رزقكك الله البنين والبنات

دمت بخير

βent Pasha يقول...

بصراحة أنا شايفة أن الجماعة قاموا بالواجب وزيادة .. البنات فعلا رزق ودفا وحنان وونس ليكي ولأخواتها وحس للبيت كله ودلع وشقاوة وكل حاجة حلوة .
البنات رزقهم فعلا ما شاء الله واسع
وفعلا عشان تربيتهم فيها مشقة ومعاناة كبيرة أوي .. ربنا وضعلها الجزاء ده اللي هو الجنة .
الدنيا كل يوم بتتغير ، وما بقاش عصر سي السيد زي الأول
أنا معاكي أن البنت من يوم مابتتولد وهي بتشيل المسئولية من أول ماتكبر سوية بتبتدي تتعود على شغل البيت ، تكبر شوية تبتدي تتعلم الطبيخ والأكل ، وياسلام بقى لو عندها أخوات صبيان بتقوم هي بخدمتهم و.......... حاجات كتير جدا منها كمان أنها لما تكون بره البيت لازم تكون مسئولة عن تصرفاتها وأفعالها لأنه بينعكس عليها هي وأهلها بعد كده ..فهي مسئولية ، وهي مسئوليتك إنك تعلميها المسئولية اللي هي أصلا متماشية ومتوافقة مع الطبيعة اللي ربنا خالقها عليها اللي هي الحمل والولادة والبيت والزوج وواجبها ناحية ده كله
وربنا يرزقنا بالذرية الصالحة جميعا بإذن الله

:-))
الموضوع جميل ويطرح نقاشا كثيرا
البنات البنات .. ألطف الكائنات
D:
تحياتي لكِ

نسرين شرباتي "أم سما" يقول...

أغضبني موضوعك يا ايمان
سأرد عليك ببوست :( :( :( :( :( :(

هبة فاروق يقول...

ارى التعليقات تصرخ بلا
اشعر بما تشعرين به يا وصف المرأه مظلومه فى مجتمعنا الشرقى الذكورى البحت
ربنا يعينا ونحصل على حريتنا كامله مثل الرجال
البوست اثر فيا كثير
عجبنى ما كتبتى

eng_semsem يقول...

اثق تماما ان هناك من يفعل ذلك ولكني متاكد ان الاغلبيه ترفض تماما هذه الافعال
وان كنت اعبر عن رايي الشخصي فانا اتمنى انا ارى ابنتي وتمنى ان تكون بجواري لا لاتملكها ولكن لاحقق لها امانيها
تحياتي

وصف الاحساس يقول...

شيرين سامي
فعلا احنا ممكن نتحكم في تربيتنا لبناتنا بس منقدرش نتحكم في الدنيا ال هما بيقابلوها لانهم مش هيفضلو طول الوقت تحت ايدك .. يعني مش كل حاجه هتقدري تتحكمي فيها بره البيت .. حتي لو قدرنا نخلي اخلاقهم عاليه برده المهم الناس ال بتتعامل معاهم في الشارع وفي المدرسه والجامعه .. كمان في تربيتنا بفرض عليهم مسئوليات مش بنحملها لاخواتهم الولاد يعني مش هتقدري تسيبيها تتاخر بره البيت كتير ولا تخرج من غير ما تقولك ..
هما في البيت روح البيت وكنت اتمني يكون عندي بنت شبهي بس فعلا مشفقه عليها من الحياه والمجتمع
نورتيني يا قمر
تحياتي

وصف الاحساس يقول...

عهود
انا لمست الحكايه دي مره مع جدتي لان كل خلفتها بنات ومع حماتي لان كل خلفتها ولاد .. اكيد بنتك مش زي مرات ابنك الفرق كبير .. بعتبرها انانيه اما اختار راحتي عن راحتها البنات دايما مسئوله حتي من وهي صغيره .. صحيح اتني يكون عندي بنت بس خايفه عليها من الدنيا والناس ..
نورتيني يا قمر
تحياتي

وصف الاحساس يقول...

د ريان
بيقولو البنت حبيبه ابوها .. بس مش في كل الاحوال بتبقي مدلله وال هي عايزاه .. تعرف اعرف ناس عندهم البنات اخر حاجه ممكن يفكرو فيها .. البنت تتعلم لحد الثانوي بعدها تتجوز ابن عمها في نفس البيت .. الرجوله في زمانا بقت شيء نادر رغم انه في كتير رجال ماشاء الله بس الاغلبيه لا
احنا فين وواستوصو بالنساء خير فين اخر حاجه وصا بيها الرسول عليه الصلاه والسلام .. رفقا بالقوارير .. انما ال بيحصل حاجه بشعه بجد .. ربنا يحفظنا ويحفظ ولادنا من شرور هذا الزمان
اسعدني وجودك جدا
تحياتي

وصف الاحساس يقول...

ريماس
تخيلي فعلا بخاف ادعي ان ربنا يرزقنيبيها ساعات بخاف من نفسي اني انا كمان اظلمها او مقدرش اكون لها ام تقدر تربيها كويس وتحافظ عليها .. ساعات الخوف بيضييع حاجات حلوه كتير مننا .. ربنا يرزق كل مشتاق
نورتيني يا جميل
تحياتي

وصف الاحساس يقول...

مصطفي سيف الدين
عمرك ما تقدر تشوف الاشياء جميله في الظلام .. لانك هتشوف كل حاجه سودا الشجر والورد وكل حاجه .. فعشان تشوف الجمال ال فيك لازم يبقي طالع في جو جميل مش محمل بالهموم ولا الظلم محاوطه من كل اتجاه
نورتني جدا
تحياتي

وصف الاحساس يقول...

همسه محبه
يعني هما عاملين حزب الاغلبيه في البيت اكيد محدش هيقدر يتنفس معاهم بس اصبري اما اخوهم يكبر شويه وانتي هتشوفي ازاي بيتحكم فيهم وبيعمل عليهم راجل البيت
ربنا يخليهملك ويباركلك فيهم
تحياتي

وصف الاحساس يقول...

كارولين فاروق
اخيرا في حد متفق معايا في الواقعيه
مش عارفه اي حقوق ال بيقولو اخدتها المراه ان كانت اتحررت واتعلمت واشتغلت فده زاد عبء تاني علي راسها لانها مش بتشتغل لنفسها لا هي بتصرف في البيت يمكن اكتر من الرجل كمان ..
ربنا يعين المراه علي حالها
نورتيني جدا
تحياتي

وصف الاحساس يقول...

رؤي
تربيه البنات اسهل بكتير من الولاد هتخليها جنبك ومنين ما تروحي معاكي في البيت لا بتتشاقي ولا بتكسر ولا بتلعب كوره وكل حاجه هتطلبها رغما عنك هتقوليلها لا مش هتسيبيها تخرج من غير ما تقولك ولا تتاخر بالليل ولا تلعب عند حد ولا ولا
حاجات كتير هتحسي انك بتقيديها فيها وبتظلميها بدافع انك خايفه عليها
ربنا يرزقنا الجنه ويحمي ولادنا وبناتنا من كل شر
تحياتي

وصف الاحساس يقول...

بنت باشا
كل ده ولسه مصره ان البنات اجمل الكائنات ده طبيخ وغسيل وجواز وخلفه تعالي شوفي الواحده بعد ما تجيبلها عيلين ولا حاجه تلاقيها بتشتكي اه يا ضهري اه يا سناني اه يا دماغي وكمان محدش بيحب يحس بيها ولا يساعدها علي حالها والله الدنيا دي بتظلم الست ظلم كبير وبعدين مين قالك ان سي السيد اختفي .. ده لسه موجود وكمان بيتولد وبيكبر ال بس بيقدر يتغلب عليه واحده شخصيتها قويه وممكن كمان يقولو عليها قادره ومالهاش كبير في كل الاحوال لازم يطلعوها غلطانه وظالمه ومقصره .. ربنا المستعان
نورتيني يا قمر
تحياتي

وصف الاحساس يقول...

نسرين
بجد والله طب ليه بقي .. مستنيه البوست بتاعك
تحياتي

وصف الاحساس يقول...

هبه فاروق
كل القلوب والعقول بتصرخ ب لا
ياريت كنا في مجتمع افضل من كده علي الاقل يحترم الاعمال ال بتقوم بيها المراه الا دايما بيقلل من شانها مهما عملت ومهما وصلت
الله المستعان
نورتيني جدا
تحياتي

وصف الاحساس يقول...

eng_semsem

الامر كله في ايد الرجال فهم من يمكنهم وضع العقبات والمشاكل وهما برده ال بايديهم يسهلو الحياه فان كنت تقدر فعلا تحميها من الافعال دي فابارك لك ابنتك
نورتني جدا
تحياتي

غُفرَانْ يقول...

عزيزتي : وصف الإحسـاس ~
صدقيني الأنثى قوية للتحمل كل ذلك و هي ايضاً قوية و قادرة
على كسر شؤم هذا المجتمع ليس علينا أن نخضع لهم أبداً الأمر يتطلب شيئاً من الشجاعة
و تصنعي لأبنتكِ مجتمع يقبلُ بها أنثى تفكر و تعطي و تنتج و تغير
أن تضعي فكرة التقييد حلق في اذنها سيجعلها خائفة !
أتعلمين ستكونينَ أماً جميلة عطوفة و حنونة
أسعد الله قلبكِ و جعل السعادة تغشى حياتك
لروحكِ فيضٌ من نور
طبتِ

وصف الاحساس يقول...

Miss Mystery

الشجاعه دي ساعات مع اول موقف مرعب او تحكم خارجي بتروح .. ومش عارفه ان كنت هقدر اكون حمايه ليها وﻻ انا كمان من خوفي عليها متعبها
نورتيني يا قمر
تحياتي