الأربعاء، 19 سبتمبر 2012

بند محاسبه الرئيس


استفزني جدا الايام ال فاتت الكلام في حق الرئيس باسلوب سخيف ومهين ,.. انا لا انتخبت مرسي ولا كنت هنتخبه بس الرئيس ده موظف في الدوله ولانه اكبر موظف فله مزايا كتير غير اي حد تاني بس ده ما يمنعش انه يندرج تحت لفظ موظف
ففي اي مؤسسه حكوميه الموظف لو غلط بياخد جزاء ولو عمل كويس بياخد مكافاه ده الوضع الطبيعي فليه الاهانه والسب ده كله هو ليه فتره 4 سنين تعالي بعدهم نتحاسب انت اضريت بالبلد ولا اصلحت فيها .. ازاي طيب هنحسب كده وهو اخد البلد تعبانه .. الاول هنبعد عن المبررات عشان مش عايزين نلبس في للحيطه ..تعالي نشوف كده نسبه الجريمه قبل الرئيس ونسبتها في اخر ال4 سنين .. كام واحد كان تحت خط الفقر قبل وكام واحد بعده .. مقاييس في كل حاجه قبل وبعد تقدر تبين درجه الرئيس ده ان كان نفع ولا ضر
يعني انا كانسان ايه ال يهمني من الرئيس غير مثلا لقمه العيش ولا الامان انا مالي هو صلي الجمعه فين ولا بارك لمين ولا مين عيد عليه انا ال يهمني ان ابني اتخرج من كليته لقي شغل واشتري شقه واتجوز و بيعرف يربي ولاده  ده كله هو ال يفرق معايا
الرئيس زار الصين وجاي جايبلنا شويه مستثمرين ياخدو خير البلد وخير شبابها ويرمولنا لقمه من وراهم ..كنت اتمني انه بدل ما يجيب حد يذلنا بفلوسه ولا يمن علينا بشويه عربيات ولا منحه ..يقول مش عايز فلوسك لا تعالي وردلي مكن عشان اشغل المصانع ال اتقفلت و هاتلي مهندسيني وعمالي من عندك ودكاترتي وعلمائي ومدرسيني بلدهم اولي بيهم ..  هشغل البلد واهلها تعيش فيها  .. وقبل ما اروح اعمل علاقات مع دوله  تعالي قولي الاول ولاد بلدي عايشين عندك ازاي ..كام واحد متهان بره ومحدش جابله حقه وكام واحد دايق المر عشان يلاقي لقمه عيش ليه ولولاده جيب حق الناس ده الاول بعدين نفكر في العلاقات .. دي من اهتمامات الرئيس ايوه دي اولوياته وهو قاعد في منصبه ده عشان البلد دي والناس دي مش عشان حد تاني .. اه عايزين علاقات ويبقي لينا مكان بره بس  اما يبقي لينا مكان جوا البلد هيبقي لينا مكان بره اما ناكل من ايدنا وفلوسنا .. اما ما ناخدش معونه اما محدش يكسر عينا بولادنا ال مهاجرين غير شرعي .. اما حاجات كتير تحصل هيبقي كلمه مصر مسموعه يبقي مصر قالت لا يبقي لا مفيش فصال معاها .. انما يبقي في كل يوم تار بايت بين الناس وبعضها والناس تضرب في الشرطه والشرطه تضرب في النس والرئيس بره بيعمل علاقات ومفيش حد يطلع يتكلم ولا هنشوف ايه ال بيحصل ده وضع مرفوض حصل فيلم مسء للدين والناس ثارت عليه اتظاهرو تقوم الداخبيه تضرب فيهم وهما يضربو في الداخليه ويطلع الرئيس يعتذر لامريكا عن ال حصل مش مهم الناس ال بتتصاب ولا بتموت من الناحيتين رغم اني مش موافقه علي ال حصل بس سعيده جدا انه حصل لانه مش في مصر بس لا في الدول الاسلاميه كلها يعني احنا بقينا بنسمع ونشوف ونعترض و بنعمل كمان ايا كان ال بنعمله لازم الدوله تراعي ثوره اهلها مش يطلع كل رئيس يعتذر ... لا خد موقف ايجابي يدعم بلدك وما تصغرش اهلك وما يخليهمش لسه مش راضيين عن ال بيحصل .. وما تقولش ان احنا مش قدهم ده احنا بقينا بالدول دي كلها قدهم ونص ده احنا اول مره نثور علي  فعل زي ده .. لقيت شباب بيقع وداخليه بتقع متطلعش رئيس الوزرا يقول دي ناس ماجوره محدش بيتاجر عشان يموت دول زي ايام الثوره اما قالو بياخدو فلوس وكنتاكي اللعبه دي بقت رخيصه ومتدخلش علي حد ..  ده مهام رئيس الجمهوريه ال يقدر الشعب يحاسبه عليها  يحافظ علي البلد  .. تعالي انت في مدتك عملت ايه .. الشعب بيقيمك هل انت كنت رئيس كويس  ولا لا ..  لو انت كويس خير وبركه ممكن تتاهل انك ترشح نفسك لفتره رئاسه تاني انما لو مش كويس يبقي لارم تتحاسب لانك اكبر موظف في الدوله واكتر حد اخد مزايا واهتمام ..طيب هنحاسبه بايه هنحبسه لا تعالي الاول نطبق الجزاء علي قدر العمل رد الفلوس ال اخدتها .. لا مش ظلم انت وانت رئيس كلفت البلد قد ايه حراسه وسفريات وخلافه .. انت اشتغلت عشان البلد بس ما افدتش البلد .. كانت خربانه قبل ما تاخدها  انت نازل انتخابات وانت عارف ال فيها محدش ضحك عليك .. عملت بقي شويه فساد برده هتتحاسب عليهم حسب القانون زي كل مواطن وزياده شويه لانك مش اي مواطن يبقي انت هتنزل انتخابات وانت قد المسؤليه وانت عارف انت هتعمل ايه .. ليك ايه وعليك ايه .. برنامجك مدروس علي وضع البلد .. ضحكت علينا ومعملتش حاجه من ال قلت عليها هتتحاسب لانها مش ضربه حظ فايا كان ال سموك بيه انت موظف احسنت هتتكافا اخطات هتتحاسب فمفيش داعي للاهانه ال واضح انها نقص في الاخلاق طيب انت لقيت البلد اخلاقها مش ولا بد تعالي درس اخلاق للولاد في المدارس عشان انا الجيل شكله انضرب في اخلاقه .. عرفه ازاي يطالب بحقه وازاي يعمل واجبه ازاي يبقي اسلوبه كويس في التعامل وفي الرد .. مهام رئيس الجمهوريه مش صغيره وعشان كده يلزمها حد مش قليل و لازم يعرف انه في يوم هيتحاسب عليها 
ايها الرئيس ضع نفسك في المقام الصحيح
وصف الاحساس
تحياتي

هناك 8 تعليقات:

محمد جمال يقول...

فكرت مليون مره قبل ما اكتب تعليق على البوست ده لانى عارف نفسى كويس لو حد شاولى كده بس من بعيد على السياسه والكلام فيها للاسف مبعرفش امسك نفسى بس هقول ايه يا وصف البوست بتاعك بصراحه استفذنى. ليه ؟
أولا : خلينا نتفق ان انا لا معا ولا ضد د. مرسى , مع العلم انى انتخبته على فكره فى الانتخابات وليه اسبابى . لكن خلينا نتكلم بطريقه موضوعيه وليه البوست ده استفذنى
ده لأنى بتفق معاه فى نقاط وهى ذهاب مرسى يمينا ويساراً فى بداية ولايته وكان الاولى حقا ان نركز على انفسنا وان نعمل على انفسنا نبدأ فى حل مشاكلنا حينها سيكون لنا مكان بالخارج وخير دليل تركيا والبرازيل اللتان ركزتا على انفسهم فاصبح وضعهم مختلف عالميا
والاتفاق الاخر اننى سألت نفسى السؤال : يعنى ايه رئيس الدولة بره والبلد فيها كر وفر امام السفارة الامريكيه ولما يموت حد من العيال دى يبقى وقتها برده هنلبسها لظابط شرطه ولا مدير امن ؟ النفس اللى زهقت دى فى رقبة مين ؟ ونحمد ربنا ان الحمد لله الامور عدت على خير . ولكنى لا اتفق معكى فى تعريف هؤلاء المرابطين من حول السفارة الامريكيه فلا هذه طريقه للتعبير عن الرأى ولا من هؤلاء ثوار فإن لم يكن مأجورا فانما مغيب ولا يعلم اين سيؤدى به الطريق فى نهاية المطاف , ولسنا بصدد مناقشة هذا الامر الان.
اما موضوع الاخلاق فاتفق معكى فى ان تدرس الاخلاق ولكن كيف تدرس الاخلاق فى المدارس لاقول للطفل لا تكذب ولا تغس وأول من يكذب ويغش هم اباه وامه , لابد لنا من بث الاخلاق فى انفسنا ولابد من وجود حساب وعقاب لمن يخالف الاخلاق كما تودين وضع حساب وعقاب للرئيس وانا بالطبع اتفق معكى
ولكنى لا افهم ما معنى مهام الرئيس مش صغيرة ويلزمها حد مش قليل ؟
فالرئيس مرسى يمشى بخطى فلنقل انها جيده وليست جيده جدا ولا ممتازه ولكنها وهذا هو الاهم تبحث عن الافضل وانا شخصيا اتمنى له التوفيق وان اختلفت معه كما ذكرت وذكرتى فى العديد من الرؤى والتوجهات

تحياتى وصف وأسف للاطاله ( انا قولتلكوا محدش ينكشنى فى السياسه :) )

دمتى بخير

ظلالي البيضاء يقول...

لا تعليق إلا أنني كنت هنا وأحببت إلقاء التحية والسلام ..

أحمد أحمد صالح يقول...

تعليق صديقي محمد جمال تقريبا نطق بكل ما كنت سأقوله،وتقريبا تناول نفس النقاط التي كنت سأعلق عليها قبل أن أقرأ تعليقه،وعليه فلن أكرر الكلام فيه واكتفي بما قاله.
فقط أضيف أن الرئيس مرسي يجب ان يأخذ فرصته وانه لا رئاسة ولا إدارة بدون أخطاء ولا هفوات،المهم ان يتم تداركها،وأضيف أيضا أن محاسبة المسئول لابد ان تكون يمومية،بمعنى أننى لا ينبغي ان اقول لننتظر حتى نهاية المدة،يجب أن نراقب ونتابع،فالتحسن يبدأ بالتدريج ونستطيع لمسه وكذلك التدهور يبدأ بالتدريج ونستطيع لمسه أيضا،وهنا يجب ان تكون اليقظة و المعارضة الجادة،عن طريق الثناء على ماهو سائر في الطريق الحسن حتى يصل لقمته،والنقد لما يسير في الطريق السيئ حتى يتم تداركه قبل ان يصل لكارثة.
كل التحية وصف على هذه التدوينة التي اثارت فكرنا للتحاور في أحوال البلد.
وكل التحية على النقاط التي أثرتيها فيها.

وصف الاحساس يقول...

ظلالي البيضاء
اسعدني مسائك جدا
نورتني جدا
تحياتي

وصف الاحساس يقول...

محمد جمال
احمد صالح
..
يا رجاله انا بتكلم عن مبدء ال هو ايه
استبدال الاهانه بتقييم الرئيس علي انه مظف
وضعه في مقامه الصحيح
المنصب مش قليل والبلد محتاجةكتير

حنين محمد يقول...

صباح الغاردينيا وصف
انا ماليش في السياسة بس كنت هنا وعاوزة أقولك من قلبي ربنا يكتب لمصر كل خير ويارب يكون مرسي الأصلح لها "
؛؛
؛
لروحك عبق الغاردينيا
كانت هنا
Reemaas

وصف الاحساس يقول...

ريماس
صباح الفل يا قمر
والله ولا انا كمان ليا في السياسة
بس كلمتين كانو في بالي وقلتهم
ربنا يولي علينا الاصلح
نورتيني يا قمر
تحياتي

entrümpelung wien يقول...

شكرا لكم .. دائما موفقيين ..))

entrümpelung
entrümpelung wien