الأربعاء، 20 يناير، 2010

الحجة عكننة ..!!

توجد في حياة كل منا حتي لو انكرناها
تتخفي في داخلنا لا نشعر بوجودها
نلبسها فقط اوقات معينة
نعطيها الحرية والامان دون ان نشعر
انها تلك الشخصية التي تتملكنا وقت الحزن
الانسان بطبعه كئيب
بيقولو ان اما الواحد يحزن بتتحرك في وشة عضلات كتير
انما اما بيضحك فال بيتحرك من وشة 4 بس
حتي العضلات بتنشكح من الحزن زينا
اما الواحد يكون زعلان من حاجة والحجة عكننة واخده ملكتها في الاسي
تلاقي كلام كتير بينكتب
زكريات تقلب المواجع
دموع بحور وانهار
اشعار وقصاقيص حزينة
انها تلك الشخصية التي اسميها الحجة عكننة
زي مبروك ما كان بيقول لتشكر
اتاني واستني واهدي
واياك يا طربش تطلع
هي بغباوتها العكننة هو بغباوته الحزن والنكد
بننكد علي بعض بننسي كل حاجة اتفقنا عليها
في لحظة الحزن او الغضب كله بيروح
بنحاول نسيطر علي نفسنا وكتير مش بنقدر
بيقولو اما الواحد يتكلم في وقت الغضب بيقول اعظم كلام يندم عليه في حياته
فعلا اصعب وقت وبعترف اني اكتر الناس ال بتغلط وقت الغضب ومش لاقيه حل
بنحاول ونحاول وبرضه بنرجع تاني
يارب ابعد عنا الغضب وناره
وصف الاحساس
تحياتي

هناك تعليقان (2):

Tamer Nabil يقول...

الحياة زى ما فيها الفرح فيها الحزن والانسان بيشوف من دة ودة بس اول مرة اعرف عن حكاية العضلات دى

ربنا يوفقك ويكرمك

مع خالص تحياتى

wasf_elahsas يقول...

والله ما مصدقه نفسي
حد غيري انا ونيسو ماي فريند بيقرالي
والله هاين عليا اقوم افرش المدونة ورد
وعشان انت اول مرة تشرفنا استاذ تامر
فانا كتبت قطعة لحم مخصوص عشان ارد عليك
مقال بحاله اهوة
تعتبره جر رجل
تشوفه واجب ولابد منه
المهم انك والله العظيم منور المدونة واهل المدونة كلهم
تحياتي لك
وصف الاحساس