الأحد، 22 يناير، 2012

تخاطر + تحديث مهم جدا

احلم بك في يقظتي ومنامي اراك تتجسد امامي اترك لنفسي العنان لاحلم بك اتخيلك احادثك املأ عيوني من رؤيتك تبتسم مره ومره تعبس اشعر انك تريد الحديث معي انظر اليك اكثر اقرب اليك اريد ان انتزعك من عالم الخيال اقترب اكثر اجدك تمد يداك الي امد يدي التقطها اجد حاجزا بيني وبينك احاول ازالته لا يمكن ان يتحرك ابتسم بالم فما حدث حدث و باعدت بيننا الاماكن والسنين وتركت حياتي وتركت حياتك اتذكر اننا افترقنا للابد فاذهب ادفن مشاعري في اي مكان اي قلب محتاج الحنان اعطيه لعلي اخلص كل اشواقي وحبي لك فيه لا ادري هل سافقد عقلي قبل ان انهي مشاعري تجاهك ام ان الايام ربما تحمل لي شيئا اخر يلهيني عنك

______

كتبت الرقمت ومسحته اكثر من عشر مرات لا ادري لماذا تجذبني يدي اليك اليوم اخاف ان اضعف واعاود الاتصال بك
لم افعل ذلك الشيء منذ شهور فكلما يشتد حنيني اليكي اكتب اسمك ورقمك اقرا كل رسائلك احلم بك اتذكر كلامنا حكاياتنا الاطفال الذين لم ننجبهم يوم زواجنا الذي لم يحدث كل شيء خططنا له ولم يتم ارسم بداخلي حياه تجمعنا سرا فلم يعد هناك امل لان نلتقي علنا
سامحيني ان تركتك فانا اردت مصلحتك فما الذي تاخذينه من رجل عاجز يريد من تخدمه ليل نهار لا استطيع ان اتحمل رؤيتك كذلك وان قبلتي اليوم فستكرهيني غدا
احبك من قلبي اتركيني اقولها حتي مع نفسي اشتاق لتلك الايام اشتاق لروح الحياه اشتاق اليك
لا اعلم هل تذكريني في نفسك بالخير ام الشر او ربما تكوني نسيتي وربما تزوجتي وانجبتي واستمرت حياتك مع انسان كامل رجل صحيح وليس نصف رجل
لا اعلم هل اعذب نفسي ام اواسيها اتمني ان اراكي واعلم انه مستحيل ومستحيل ايضا ان انساكي
** تحديث مهم جدا
الفكره في الموضوع هو عمليه التخاطر يعني اما تكون بتفكر في حد بتجذبه انه يفكر فيك اما تتصل بحد تلاقيه هو بيتصل بيك او يحس انك انت ال بتتصل
قريت مره انه اما تصحي من عز النوم بلا سبب يبقي في حد بيفكر فيك
واما تكون جواك رغبه انك تبكي من غير سبب يبقي في حد قريب منك بيبكي واما تفرح من غير سبب يبقي في حد قريب منك فرحان
الاماكن مش بتمنع التخاطر ولا البعد ولا السنين واستخدام الذكريات كان لتوضيح الفكره فقط لا غير


وصف الاحساس
تحياتي

هناك 22 تعليقًا:

صبح يقول...

والله رايي ان الخير جاي ان شاء الله

همسة محبة يقول...

سلمت يداكى كثير منا يعتقد ان الحب تضحية وربما تكون قمة الانانية ممن ظن انه ضحى

ظلالي البيضاء يقول...

وصف الإحساس ..
أحياناً تقلقني كلماتك .. لأن إحساسها يوحي بأشياء كثيرة ..
كوني بخير .. وبنا يوفقك لكل الخير ..

بس الكلمات ..صاااااااادقة خاااالص ..

mohamed amer يقول...

اصعب حاجه ان الواحد يبقي محتاج لحد جنبه ومش يلاقيه
والاصعب انه لو بيقعد يفتكره كتير وبيفكر هوا عامل ايه وايه اخباره بيفكر فيا ولا لا ................
اااااااه ياما

Tamer Nabil Moussa يقول...

احسا س صعب جداا ياوصف لما الانسان يحب بجد وفجاة يختفى اللى بيحبة من حياتة كدة مش بيدور على مصلحتة والخير لية بالعكس هو بيدمرة وبيعلن نهايتة حتى لو كان بدون قصد

مع خالص تحياتى

أمة الرحمن يقول...

أراك حبيسة ماضى لن يعود ورغم ان هذه الكلمة نعلمها جميعا لكنها مؤلمة ونهرب حتى من التفكير فيها

حاولى تخرجى من حارة الماضى الضيقه وأبحثى عن عالم واسع ... غيرى جو

حالة قد نعيشها جميعا ورغم صعوبتها الا اننا لابد ان نحاول الخروج منها

واكيييييييييييد الجاى احلى ان شاء الله لكن بشرط اننا نسعى انه يكون احلى

تحياتى لك

أمل م.أ يقول...

ما اصعب ان نحيا معهم في ماض سحيق
كلما ساقتنا انفسنا اليه
فاذا به اكثر فاكثر يضيق
ولا نعود قادرين على الخروج منه
لانه جدا عميق
ولا البقاء فيه
لانه ماضي عتيق
ونبقى في دوامة ذكرياتنا
نحيا حاضرنا كحريق

دمت بخير

وصف الاحساس يقول...

صبح
وانا رايي كده برده هههههههه
نورتيني يا قمر
تحياتي

وصف الاحساس يقول...

ظلالي البيضاء
عدوك ابن كارك وده سر المهنه انت ناسي اني بوصف الاحساس طبعا مقدرش اقولك السر ههههههههههه
نورتني جدا
تحياتي

وصف الاحساس يقول...

mohamed amer
فعلا والله صعب انك تدور عليه ما تلاقيهوش وتغرق في دوامه هو لسه فاكرني ولا خلاص نسيني دايما بندور علي حاجه حلوه في حياتنا نتعلق فيها
نورتني جدا
تحياتي

وصف الاحساس يقول...

تامر نبيل
اكيد احساس صعب بس تعرف هو اصعب علي التاني لانه محتاج الاول اكتر من اي حد
الانسان تقيل واما يحس انه تقيل علي ال بيحبه بيبقي صعب يكمل معاه وبيضطر يسيبه عشان ما يتعبهوش
هو ممكن يتحمل اي كلمه من اي حد الا الشخص الوحيد ال حبه بجد
نورتني جدا يا تامر
تحياتي

وصف الاحساس يقول...

امه الرحمن
اكيد الجاي احلي باذن الله وزي ما صعب نهرب من الماض فهو صعب نحبس المستقبل في دائره الماضي
نورتينيي يا قمر
تحياتي

وصف الاحساس يقول...

امل م.ا
تسلم ايدك علي الكلمات الجميله دي فعلا هو عتيق ويحول حياتنا لحريق
ربنا ينجينا منه بس تعرفي مش بنهرب للماضي الا اما نتعب من الحاضر بنتخيل ان الماضي كان اجمل كتير ونغرق فيه ننسي حياتنا ومحدش عارف الخير فين ولا الايام شايله ايه
نورتيني يا قمر
تحياتي

وصف الاحساس يقول...

همسه محبه
جايز تكون قمه انانيه من ال ضحي من وجهة نظر الطرف التاني بس صدقيني ساعات الايام بتثبت العكس اهو علي الاقل سابو بعض وفي ذكريات حلوه بينهم احسن ما يعيشو مع بعض ويكرهو بعض واليوم ال استمرو فيه مع بعض
مش اي حد يقدر يستحمل ولا اي حد يقدر يضحي
نورتيني يا قمر
تحياتي

نيللى يقول...

أنا هعلق علي التحديث أولاً: مشكلة الكاتب أنه عندما يكتب شئ الناس تقع فى حفرة أنه هو الذي يمر بهذه القصة وينسون تماماً أنه من الممكن يكون مجرد خواطر أو مشهد مر من إمامه.

ثانياً: بالنسبة للخاطرة نفسها ماأصعب الفقد؟!

تحياتي لك ولخواطرك,,

ظلالي البيضاء يقول...

وصف الإحساس ..
التعليق المرة دي بالمصري .. وعلشان التحديث .. وعلشان الرد بتاعك برده ..
أما الرد بتاعك فملغوم جداً .. بس ذكي جداً .. وعجبني خااااالص .. "عدوك ابن كارك" .. هههههههه
أما التحديث .. فمعاك حق فيه .. وكمان نيللي معاها حق برده علشان إحنا دايما لما بنتكلم .. اللي بيقرأ بيغلب على ظنه إننا بنتكلم عن نفسنا .. وأنا كمان لما أقرأ لحد من المدونين بيغلب على ظني إن الكاتب طرف في القصة اللي بيتكلم عنها .. وسبب الظن ده إن الكلام غالباً بيبقى صادق وعميق جداً بيحيث يوحي للقارئ إن اللي كاتبه مش ممكن يكون بالصدق والعمق ده إلا لما يكون أحد أطراف الموضوع كلاعب أساسي أو أحياناً كشاهد ... شاف كتييير ... هههههههه

أما عن التخاطر .. فنعم .. أوافق معاكي ..
حتى أنا عن نفسي شعاري بين حبايبي معروف واللي هو :
"اذكرني بقلبك تلاقيني قُربك"
وكتييييييير جداً بيحصل معايا توارد خواطر بيني وبين أم أسامة حاجات كتييييرة جداً ..
وأنا يمكن أفكر اعمل تدوينة جديدة إكراماً لك عنوانها "التخاطر " .. ترقبيها ..
"عدوك ابن كارك " ههههههههه
والله تمام ..
مع التحية ..

وصف الاحساس يقول...

نيللي
فعلا هي دي مشكلتنا جايز كل واحد بيحط جزء منه في الموضوع روحه مشاعره رؤيته بس ده مش معناه ان هو قاصد نفسه في كل الاحوال
نورتيني يا قمر
تحياتي

وصف الاحساس يقول...

ظلالي البيضاء

احم احم هو كتر الكتابه والقرايه بتدي الواحد عمق لكتاباته مقدرش اقول اكتر من كده مقدرش افشي السر انت عارف ههههههههههههههههه
منتظره التدوينه بتاعتي من الان
انا برده اما كنت مخطبه كان بيحصل معايا كده مع خطيبي قبل ما اكلمه كنت الاقيه بيتصل اما احكي عنه الاقيه بيتصل
في مثل سعودي بيقولك
الطيب عند ذكره يحضر
بيتهيالي ده توارد افكار مش اي حد يملكه
نورتني جدا
عجبني تعليقك جدا
تحياتي

ظلالي البيضاء يقول...

وصف ..
التدوينة نزلت .. هو إنت مش عارفه ؟؟
بسرعة تعالي لمدونتي وبانتظار تعليق حضرتك ..
مع التحية

gmr14 يقول...

blogwalk..
nice post n blog.. blogger2
keep such go0d work
w8ing 4 d nxt
:)

وصف الاحساس يقول...

ظلالي البيضاء
تم اللازم

وصف الاحساس يقول...

قمر 14
بصراحه مفهمتش ازاي
المهم انك شرفتيني ونورتي المدونه
تحياتي