الخميس، 26 يناير 2012

داخل عياده طبيب نفسي

منذ فتره وانا اعاني الم برقبتي يخنقني كان شيئا يقف بها يمنع عني الهواء شككت في ان ملابسي تضغط علي رقبتي فتفعل ذلك الشيء فبدلتها ولكن بلا جدوي فتحت كل نوافذي ومررت الهواء بداخل صدري لم يزل المي ايضا قرات ايات الذكر الحكيم بصوت عالي وجدت تلك الخنقه تختفي لحظه بلحظه و اخذت في التثاؤب وبدات عيناي تدمع فاخذت اقرا اكثر الي ان شعرت براحه في صدري وزال المي ولكن سرعان ما عاد بعد ساعات اخري قررت البحث في الانترنت عن حالتي فربما يكون لها حل وجدت موقع استشارات نفسيه تحكي نفس حالتي ونصح الطبيب المختص بزياره طبيب نفسي لا انكر اني خفت من الامر وجاء في بالي اشياء كثيره
كيف سافعل ذلك هل ساخبر احد اني اذهب لطبيب نفسي واين اجد هذا الطبيب اصلا اشياء كثيره جعلتني ربما افكر في ان الغي هذه الفكره من راسي واكتفي بايات القران الكريم
ازدادت حالتي اكثر فاصبحت خنقتي ملازمتي في كل الاوقات عدت اقرا الاستشاره والاستشارات المشابهة كلها تدعو لاستشاره طبيب نفسي
ياربي ماذا افعل في هذه الورطه هل استشير احد من اصدقائي او احد من اقاربي ولكن ماذا اقول وماذا احكي وماذا سيقولون عليا مؤكد سيعتبرونني مجنونه فقدت عقلي ربما يتخيلون اني اتي بحركات مريبه ووقتها سيكون اسمي وحكايتي علي كل لسان
استبعدت تلك الفكره من راسي وقررت ان اجاذف واذهب بمفردي ودون علم احد وطبيعه عملي تجعلني ابقي خارج المنزل فتره طويله فلن يلحظ احد غيابي ولكن اين هو الطبيب خطر ببالي ان ابحث في النت عنه ربما اجده وفعلت وخرج لي اكثر من اسم رائع هو هذا الجوجل يجعلك تجد اي ابره في كومه القش في ثواني بحثت في الاسماء واحترت كثيرا اخذت العناوين واخترت اقرب عنوان لمحل عملي وسالت عن هذا الطبيب وشكر فيه الكثيرين حيث انه لا يعمل فقط في الامراض النفسيه انما له عياده اخري للامراض الباطنيه ومخصص ايام معينه لكل عياده وعلمت انه بارع في عمله جدا بالاضافه الي انه انسان طيب ذو خلق
توكلت علي الله و حجزت ميعاد في اليوم واخذت اذن بالخروج مبكرا من عملي وخطوت وبداخلي قلبي يدق بعنف فانا الان علي اعتاب العياده
دخلت العياده وجدت ممرضه بالخارج وغرفه مغلقه بالداخل اخبرت الممرضه اني انا فلانه فقالت ان الدكتور منتظرني خفق قلبي بشده وانا اطرق الباب وسمعت صوتا بالداخل يدعوني للدخول وضعت يدي علي مقبض الباب ودخلت الحجره ....
وللحديث بقيه ......
""""""""""
* * الموضوع ليس له علاقه بالكاتب يعني والله العظيم تلاته لا رحت لدكتور نفسي ولا حاجه بس عن قريب ممكن اروح
""""""""""
وصف الاحساس
تحياتي

هناك 26 تعليقًا:

mohamed amer يقول...

الف سلامه علي اللي راح للدكتور
وان شاء الله خير
علي فكرة انا كنت اعرف واحد بس هوا شكله يخوف (طويل ونحيف واقعر وفيه كم شعره فوق وواقفين دايما مش عارف ليه ومش بيتكلم كتير ودايماً سرحان )انا بسمع انه كان زمان كويس , علي العموم انا ما انصحش بيه
مستني الباقي
تحياتي
محمد عامر

Tamer Nabil Moussa يقول...

الناس كلها والله وصف عايزة تروح استشارة فى مرة لدكتور نفسى هيا حاجة مش عيب

فى انتظار الباقى

مع خالص تحياتى

همسة محبة يقول...

وحتى لو كنتى انتى من ذهبت ايه المشكلة للاسف نحن نعتبر المرض النفسى والطبيب النفسى ايضا وصمة عار بالرغم انه مرض مثل اى مرض وجميعنا دون استثناء نعانى منه بشكل او باخر ولكنها الثقافة الجاهلة التى مازالت تسيطر على مجتمعنا علينا ان نغيرها وعلى فكرة لقد شوقتينا لنقرا باقى القصة
اسعدنى المرور

نيللى يقول...

بتفكريني بيوسف إدريس جه يكتب فى يوم قصه راح قال المره دي قصتي الحقيقية عشان كل مرة الناس فكره إني كل ماأكتب قصة بتبقي عليه وهي مش عليه:)

ومنتظرين بقية القصة..

هبة فاروق يقول...

فى انتظار باقى القصه
والذهاب للدكتور النفسى ليس بعيب فليس كل من يذهب للطبيب النفسى مجنون
تحياتى

P A S H A يقول...

مستنيين باقي القصة ، انتي شوقتينا نقراها ، ما تتأخريش عشان ما ننساش
:)

خالص تحياتي

ظلالي البيضاء يقول...

الحمد لله إنك بخير ..
ولو ذهبت لطبيب نفسي فليس هذا عيب .. إلا في بلادنا . هههه
أما في الدول الأخرى فثقافتها تخبرنا أن الطبيب النفسي كأي طبيب آخر ..
لكن أنا أقول لك شيئاً ..
ربما الكثير من التدوينات تشكل أحياناً توضيح لحالة نفسية ربما تحتاج لمعالجة وحقيقةً المشاركات تشكل أدوية وإن لم تكن من متخصصين ..
كم من التدوينات تكونحزينةً فتأتي التعليقات لترفع الحالة النفسية لأصحابها وبالفعل تتحسن نفسياتهم .. وهذا يحصل معي شخصياً في أحيان كثيرة ..
فالطبيب النفسي ربما مجرد أن نتكلم معه بما في قلوبنا دون خوف أو وجل وننفس له عما يعتمر دواخلنا .. فإن هذا يشكل نصف الدواء ..
على كل الأحوال بانتظار تتمة القصة ..
وبدون أيامين .. إحنا مصدقين إنها مش قصتك .. يمكن تكون أحياناً قصة حد فينا بس مش حابب يقولها .. هههههه
فإنت قولتيها عنه ..
تحياتي لك أم محمود .. مع التقدير ..

نسرين شرباتي "أم سما" يقول...

في انتظار البقية :)
وحشتيني جداااااااااااا

dodo, the honey يقول...

عزيزتي وصف الإحساس ...

و لم يخجل ؟!!
أنا أحبُّ كثيرًا فضفضة ما في قلبي ،
و للأسف لا أجد أحدًا لأفضفض له !
فلا مستمع ،
أو بالاحرى لا يوجد مستمع أمين !
آآه ...

بانتظار التكملة فالبداية تبدو أكثر من مشوقة !

تحيآتي لكِ ...

أمة الرحمن يقول...

ههههههههه حلفانك فى النهاية يدعونى للضحك لكن والله عندك حق كتير المفروض نكتب تحت حجات بنكتبها والله مالها علاقيه بيا انا

عموما منتظرين البقيه لكن موضوع الدكتور النفسانى بجد نفسى اعملها :)

شكرا لك وصف

gmr14 يقول...

ههههههههه لا والله سلامتك..
المشكلة عندنا نظرة الناس للطبيب النفسي والعيادات النفسية فما بالك بالمريض.. قصة مشوقة..
ع فكرة انتي متأكدة من الدكتور ده.."لا يعمل فقط في الامراض النفسيه انما له عياده اخري للامراض الباطنيه">>> ياخوفي!!! D:
دمتي بصحة وعافية..

بقاء رغم الشقاء يقول...

حبيبتى وصف شدنى حديثك جدا وليس عيبا الذهاب لطبيب نفسى العيب هوالسكوت على انفسنا ومنتظره باقى الحكايه

ذو الوجه المبتسم يقول...

السلام عليكم

ياستى مش لازم تحلف والله العظيم تلاتة
خليها والله العظيم بس هههههههههه

شوقتينا نعرف باقي القصة
وعلى فكرة ضرورى جدا موضوع الدكتور النفسي ده لكل واحد فينا بجد

تقبلي تحياتى

وصف الاحساس يقول...

محمد عامر
الله يسلمك كلنا هنروح قريب ما تقلقش
بس انا مفهمتش ده المريض ولا الدكتور لو كان الدكتور يبقي كل واحد يقعد في بيته احسن ههههه
نورتني جدا
تحياتي

وصف الاحساس يقول...

تامر نبيل
عندك حق والله يا تامر
يمكن كلنا محتاجين نستشير دكتور ولومره
بس فعلا الناس بتفكره عيب لو شيء مشين
نورتني جدا
تحياتي

وصف الاحساس يقول...

همسه محبه
جايز بالنسبالي وبالنسبالك وبالنسبه لناس تانيه مش عيب بس الاغلبيه وبينهم مثقفين ومتعلمين شيء عيب جاهليه زي ما قلتي لسه ما لتحررناش منها
نورتيني يا قمر
تحياتي

وصف الاحساس يقول...

نيللي
يمكن لاننا مش متعودين علي حكايه القصص والمتابعه بنفكر ان كل واحد بيكتب قصه تبقي قصته هو فلازم ناكد اننا مش بنكتب عن نفسنا او زي ما عمل ادريس وقال ان دي قصته عشان الناس تبطل تفكر
نورتيني يا قمر
تحياتي

وصف الاحساس يقول...

هبه فاروق
فعلا ليس عيبا ان تذهب لطبيب نفسي انتظريني بس مش كتير هكمل ان شاء الله
نورتيني يا قمر
تحياتي

وصف الاحساس يقول...

باشا
دونت ووري مش هتاخر
نورتني جدا
تحياتي

وصف الاحساس يقول...

ظلالي البيضاء
دايما كنت بقول ان الانسان طبيب نفسه بس في حاجات بتخرج عن الواحد وما بيقدرش يتصرف فيها فبيحتاج حد تاني يعتقد انه جديد بحل مشكلته
جايز فعلا تكون مشكله حد تاني وجايز تبقي في حياه كل واحد مننا جزء منا واهو هنحاول نوصل لحلول منطقيه فيها لعل الكل يرتاح
نورتني جدا
تحياتي

وصف الاحساس يقول...

نسرين
انتي وحشاني اكتر والله
استنيني مش هتاخر
تحياتي

وصف الاحساس يقول...

دعاء
يمكن موضوع انك تامني لحد تحكيله ده عامل كبير في حل المشكله فطالما ارتحتي لطبيبك هتقدري تفتحي قلبك و تحكي
نورتيني يا قمر
تحياتي

وصف الاحساس يقول...

امه الرحمن
كان لازم اعمل كده بدال ما الاقي كل التعليقات الف سلامه عليكي وربنا يشفيكي
جربي تعمليها واحكيلي ما تخافيش سرك في بيييييييير
نورتيني يا قمر
تحياتي

وصف الاحساس يقول...

قمر 14
ما تخافيش من الدكتور هو له حكايه برده هتعرفيها قريب ان شاء الله
نورتيني يا قمر
تحياتي

وصف الاحساس يقول...

بقاء رغم الشقاء
وحشاني جدا فينك
فعلا مش عيب بس ال حوالينا بيفكروه كده هنعمل ايه
نورتيني يا قمر
تحياتي

وصف الاحساس يقول...

ذو الوجه المبتسم
حمدلله علي السلامه
لا لازم اؤكد بالتلاته انه مش انا عشان ما يبقاش في اي مجال للشك خالص
محتاجين والله بس نلاقيه فين ده
نورتني جدا
تحياتي