الثلاثاء، 5 يونيو 2012

من اقوالي المأثوره


اذا حضر البطيخ بطل الاناناس

*****************

ان لك عند الكلب حاجه سيبهاله هييجي يتحايل عليك بيها

*****************

ان ركب ابو النوم دماغك وسهرك مش عارف تنام اعمل حاجه مفيده هتلاقيك رحت في سابع نومه

*****************
ان اردت ان تعرف شخصا علي حقيقته .. اعطه فلوس وانظر ماذا سيفعل بها

*****************

ان اراد ان يستلف منك احد فلوس خذ شيئا منه امامها فبذلك تضمن ان يردها مره اخري

*****************

ان اردت ان تستفيد بعرض مجاني من خدمات شركات المحمول فاجعل رصيدك ينفذ اولا

*****************

السر ان خرج من قلبك فلن يكون سرا .. فانك ستنسي وهم لن ينسون ابدا

*****************

ان اردت ان تفعل شيء وينجح لا تخبر به احد ابدا .. لانه ان لم ينجح سيظلون يذكرونك به ويسالونك عنه في كل وقت وكل مقابله

*****************

ان كان لك رئيس يحب اخذ الهدايا ودائما يلمح لك بها حتي لو صريحه .. فلا تعطيه شيء ابدا .. فالمره الاولي ستاتي بالثانيه والثالثه وهكذا

*****************

قد تحتاج احيانا لان تفعل ما يفعلون كي تشعرهم انك تعلم ماذا يخفون .. وبذلك تتقي شرهم

*****************

اجمع المعلومات دائما عن كل من حولك ودعمها بالمستندات فان لم تنفع الان فستنفع غدا ..فالناس دائما تتغير للاسوء

*****************
وصف الاحساس
تحياتي

هناك 14 تعليقًا:

حنين محمد يقول...

قد تحتاج احيانا لان تفعل ما يفعلون كي تشعرهم انك تعلم ماذا يخفون .. وبذلك تتقي شرهم

مساء الغاردينيا وصف
أقوال أستقيتيها من نبع الحياة
اخترت هذا السطر لأنه أستوقفني
هل تتوقعين نستطيع فعل مايفعلون
لنتقي شرهم اممم بالنسبة لي لا أستطيع ان أكون إلا أنا "
؛؛
؛
رائعة دائماً
نسيت أسألك هو مين حوده :)
؛؛
؛
لروحك عبق الغاردينيا
كانت هنا
reemaas

وصف الاحساس يقول...

ريماس
كلنا ما نتخيلش نعمل حاجه كده بس الدروس ال بتاخديها من الحياه بتعلمك ازاي تتعاملي مع اي حد وباي طريقه

حوده ده ابني
نورتيني ياقمر
تحياتي

حنين محمد يقول...

:)
طيب آمانة بوسي لي حودة
انا كنت حقولها من اول بس خفت يكون زوجك ههههههههههه وتشرحيني
ولا يسمعني فارس ويعلق مشنقتي ههههههههههههه ماأنتي عارفة الغيرة بقى "

ربنا يخليلك حودة وأبو حودة يارب ويسعد قلبك بالحب :) "

وصف الاحساس يقول...

ههههههههههههههههه الحمد لله انك سالتي اﻻول
ربنا يخليلك فارس
اكيد من حقه يغير عليكي
ويارب تشوفي ابنك زي حوده كده
من عنيا هبوسهولك بوسه كبيره وبالعند في فارس هههههههههه

ميمونة يقول...

أقوالك واقعية ومن الحياة اللي بنعيشها ونتعلم منها كل يوم حاجة جديدة
تحياتي

ظلالي البيضاء يقول...

وصف الإحساس ..
الحكم المأثورة ده بتطلع من ناس معتقة في الحياة والمعاناة مع الناس ..
وإنت لسه بدري على حضرتك الكلام ده ..
ههههههههه
بس بجد .. حكيمة ..

وصف الاحساس يقول...

ميمي

الحياه بتعلمنا كتير وزي ما بيقولو ال يعيش ياما يشوف
نورتيني يا قمر
تحياتي

وصف الاحساس يقول...

ظلالي البيضاء

هههههههههه اخجلتم تواضعنا
بس والله كلها عن تجربه معتقه كمان ولسه كتير بس دول ال جم علي بالي قلت اقولكو عليهم بلكي حد يستفاد هههههههههههه
نورتني جدا
تحياتي

Unknown يقول...

جميله أقوالك المأثوره
و لو إني بحب الأناناس أكتر :)

بس موافقه إن خروج السر من القلب يخليه ميبقاش سر..و كمان معاكي إن الواحد بينسى لكن الناس مبتنساش أبداً..

تحياتي لكي

;كارولين فاروق يقول...

ان ركب ابو النوم دماغك وسهرك مش عارف تنام اعمل حاجه مفيده هتلاقيك رحت في سابع نومه
انا معاكي في ده جدا
ولو اني ساعات اعمل اراجوز وبرده النوم هههههههههههههه
رائعه وجميله مأثوراتك حبيبتي
تحياتي

د.ريان يقول...

صباح الخير والطيبة وصف الاحساس

وياعيني على الأقوال المأثورة حكم وزي الفل

ومن خبرة حياة ومعاملة أحيانا فعلا

الحياة تمطرنا بواقع يجعل منها حكم

نعطيها لمن بعدنا كي يستلمون الراية

ويكملون ماكنا نتعلمه

سرني الصباح هنا سيدتي ودائماً رائعة

بكل جديد

وصف الاحساس يقول...

شيرين سامي
صباح الخير يا جميل
انا عن نفسي بموت في حاجه اسمها بطيخ يمكن البوست كله طالع بسبب هذا البطيخ
اسرارنا جزء منا محدش بيحس باهميتها زينا
نورتيني يا جميل
تحياتي

وصف الاحساس يقول...

كارولين فاروق
والله انا برده نفس الشيء ساعات بعمل فيها اراجوز و برده ام النوم ده مش بتيجي خالص هههههههههه
نورتيني يا قمر
تحياتي

وصف الاحساس يقول...

د ريان
صباحك زي الفل
شلونك وشلون احوالك عسي الله تكون طيب
الحياه من لم يتعلم منها فلن يتعلم ابدا .. بس هي مش بتسيب حد الا اما تطبع عليه دمغه علامها وبيطلع من عنيه اقواله الماثوره
نورتني جدا
تحياتي