الأحد، 29 يناير 2012

الجلسه الاولي

فتحت باب الغرفه فاذا بي وكاني دخلت شقه اخري من كبر هذه الغرفه
وقفت مزهوله من تقسيمها هذا ركن رومانسي بالوانه الروز مع الاحمر والابيض وبه كرسيان ومنضده وكانها غرفه منفصله وركن شعرت فيه بالحيويه بلونه البنفسج مع الاخضر وبعض الرسومات بالابيض والازرق الفاتح وايضا كرسيان ومنضده وركن اخر صاخبا برتقالي مع ذهبي بشكل مثير لم احبه واخر ركن احمر قاتم يوحي بالكتمان مع ابيض لامع وايضا كرسيان ومنضده واخر ركن مكتب الطبيب ولاب توب وعلي الركن ثلاجه صغيره وبعض الالعاب والوسائد الجميله
خطوت داخل الغرفه باتجاه الطبيب الذي كان يقف يناظرني وانا اتفحص الغرفه فقابلني بابتسامه جميله بوجهه الطيب
جلست امامه سالني عن اسمي وسني وعملي ومما اشتكي حكيت عن خنقتي وما وجدته بالبحث عنها ابتسم برقه
وقال :تحبي تبتدي منين
قلت : مش عارفه اسال وانا ارد
قام واحضر زجاجتين عصير وضع احداهما امامي وبعض الشيكولاته فهمت انه يريد ازاله توتري
وقال :في اغلب الحالات ال عدت عليا بييجي الشخص بيحس انه مش عارف يتكلم وساعات بيبقي عارفه هو عايز يقول ايه الجلسه دي هنحدد فيها ايه ال تاعبك قوليلي اي ركن تحبي تقعدي فيه
قلت : بحب البنفسج
قمنا واتجهنا ال الركن الذي اشرت عليه ووجه الكرسي الي اللون المحبب لدي البنفسج ووضع امامي المنضده واحضر شمعه واشعلها فاحت منها رائحه جميله
قال :الكرسي ده ممكن تخليه في اي وضع يناسبك ويريحك اظبطيه علي راحتك وهتبصي للشمعه هتفكري في كل حاجه عايزه تقولي عليها خدي راحتك ابكي غني اضحكي اي حاجه تخطر في بالك لحد ما تطلعي كل ال جواكي وبعد ما تحسي انه مفيش حاجه باقيه الورق ال قدامك ده اكتبي فيه كل احساس ومشكله بالترتيب وكل جلسه هناخد حاجه حاجه لحد ما نخلص كل حاجه
اومات براسي موافقه فجلست وعدلت الكرسي فاطفا النور وبقي فقط ضوء الشمعه وكاني خرجت من دنيتي اطلقت تنهيده حاره اعلن عن مشاعري قلت في نفسي مهزومه ... مهزومه... تعبانه.. منهكه بروده قلبي تقتلني بكيت من احساسي الفارغ وبكيت من احساسي بالفشل وضممت وساده بجواري اطلب منها الدفء والامان نفخت في شمعتي الاعبها اضحك علي خوفها ابحرت في نفسي كثيرا كاني اول مره انفرد بهاكاني احتاجها اشكوها اتذكر اخر مره جلست فيها مع نفسي تحدثت معها كدت اسمع صوتي اتحدث كدت اظن نفسي جننت ولكني شعرت براحه في صدري مسحت دموعي واضات الانوار اخذت ورقتي كتبت كل مشاعري بها سلمتها له وضعها في اله التصوير واعطاها لي ووضع الصوره عنده يبدو انه كان يسجل انفعالاتي جلست وتحدث
قال : كتبتلك مهدء تاخديه وقت اللزوم بس والمشي البطيء كل يوم نصف ساعه هتفكري في اول مشكله مضايقاكي ومعادنا اول الاسبوع عايزك تجمعي كل حاجه بحيث ما تنسيش اي حاجه عنها
اخذت الروشته وخرجت وبيبني وبين نفسي اقول اني استرحت فلا داعي للاكمال ولكني حتي الان عازمه علي الاكمال معه ميعانا اول الاسبوع
وصف الاحساس
تحياتي

هناك 23 تعليقًا:

P A S H A يقول...

حلوة حقيقي :)
وصفك للحجرة والأثاث والألوان كان حياً لدرجة أشعرتني وكأنني هناك :)
"ابحرت في نفسي كثيرا كأني أول مرة انفرد بها كأني احتاجها أشكوها أتذكر آخر مرة جلست فيها مع نفسي تحدثت معها كدت أسمع صوتي أتحدث كدت أظن نفسي جننت ولكني شعرت براحة" .. جبارة الفقرة دي ، مش عارف ليه علقت معايا وكأني أنا اللي كتبتها .. استمري في السرد ، في انتظار المزيد

دمتي مبدعة ومتألقة
لك أطيب تحية
:)

Unknown يقول...

ان شاء الله تبقي احسن واحسن وتحس براحه وسعاده دايماً ان شاء الله
والدكتور كدا شكله بيفهم ومش اي كلام من طريقة وصفك للاماكن اللي عاملها وشكله عامل حساب كل واحد حيدخل عنده وزوقه , وياريت تكملي لحد ماهوا يقولك خلاص ماتجيش تاني , وان شاء الله يكون الدكتور سبب في ارجاع راحتك
اتمني لك كل سعاده
محمد عامر

دعاء يقول...

عزيزتي وصف الإحساس ...

أريد بداية أن أحييك على وصفك الدقيق للغرفة ،
و أجزائها و " حتتها " ،
إلى الدرجة التي جعلتني أستشعرها معك لحظة بلحظة ،

أنتظر منك البقية ،
فالبدايات مشوقة ،
في انتظار الجلسة التالية ...

تحيآتي لك ...

نسرين شرباتي "أم سما" يقول...

أنا فرحانة فيكي يا وصف :)
جد وصفك حلو كتير
ونصك مبدع كتير :)
كملي يا عزيزتي كملي وأطلعي المواهب اللي عندك

بقاء رغم الشقاء يقول...

مبدعه ورائعه اختى وصف وصفك لمكان من وحى الخيال فى منتهى الدقة منتظراكى فى جلسات اخرى تحياتى

هبة فاروق يقول...

شوقتينى اعرف باقى الحكايه
فى انتظار التكمله
دمتى مبدعه حبيبتى

كف عاليا يقول...

بجد فكرتينى بروايات نجيب محفوظ وهو يوصف كل شئ ويجعلك تعيشى داخلها وبجد اكتر محتاجة اروح لهذا الدكتور من وصفك الاكثر من رائع سلمت يداكى لكل ما سطرتى وانتظر الجديد بشوق تحياتى لك حبيبتى

نيللي علي يقول...

كل مره هقولك فيها أسم علي ماسمي (وصف الإحساس) وأنتي بتكتبي بإحساس.

وصفك لحجرة الدكتور رائع لدرجة أني نفسي أروح للدكتور ده, ووصفك لمشاعر المتلخبطة والخوف والألم للبنت فوق الرائع.

منظرين باقي الجلسات:)

ظلالي البيضاء يقول...

وصف الإحساس ..
أكاد أجزم أن هذه الجلسة كانت لي ..
وشعرت فعلاً أني بحاجة لأن أجلس هناك لكن أمام ركن زهري اللون .. لأنني احب كثيراً هذا اللون .. وأضيء شمعةً وأجلس لأخرج قليلاً من دنيتي وأطلق تنهيدةً حارةً وأبكي وأضم إلى صدري وسادةً .. أحادث نفسي وأسمع صوتي .. حتى أشعر بتلك الراحة ..

أحثك على سرد بقية الجلسات عسى أن أنتفع بها .. فيدو أنني بحاجة لطبيبك ..
أظن أن هذه القصة حقيقية .. بغض النظر عن أبطالها ..

شكراً لك وصف .. مع التحية ..

رؤى عليوة يقول...

منتظرين البقية
لما فكرت اروح واخوض التجربه سألت هو فعلا عيادات الأطباء النفسيين بالشكل ده اللى وصفتيه قالو معدش حد بيسمع وكله دلوقتى بيكتب مهدئات وخلاص او واقلب هههه

بس يمكن معاكى اشوف بقى الدكاترة اللى نفسى اشوفهم هههههه

رائعه يا وصف

حنين محمد يقول...

مساء الغاردينيا وصف
أجدتِ الوصف حقاً وأجدت أنا الدخول معكِ الى حجراتك الملونة والصمت أمام شمعتك والسفر بين حروفك وسـ أنتظر بـ التأكيد ماستكتبينه في جلستكِ القادمة صدقيني مانحتاجه دائماً هو أن نكتب مابداخلنا "
؛؛
؛
لروحك عبق الغاردينيا
كانت هنا
reemaas

وصف الاحساس يقول...

باشا
شكرا لكلامك الجميل
ان شاء الله مش هاخر الباقي
تحياتي

وصف الاحساس يقول...

محمد عامر
ان شاء الله تبقي احسن
نورتني جدا
تحياتي

وصف الاحساس يقول...

دعاء
شكرا ليكي يا حبيبتي
ان شاء الله مش هتاخر
نورتيني يا قمر
تحياتي

وصف الاحساس يقول...

نسرين
ادينا بنطلع ربنا يسهل
نورتيني يا قمر
تحياتي

وصف الاحساس يقول...

بقاء رغم الشقاء
شكرا ليكي يا قمر
نورتيني جدا
تحياتي

وصف الاحساس يقول...
أزال المؤلف هذا التعليق.
وصف الاحساس يقول...

هبه فاروق
ان شاء الله يا قمر هتعرفي الباقي
انتظرينا
تحياتي

وصف الاحساس يقول...

همسه محبه
شرف كبير انك تشبهيني بالكاتب الكبير نجيب محفوظ
اما الدكتور ده بقي مش عارفه يكون فين اصلا
بعد الشر عنك يا قمر
تحياتي

وصف الاحساس يقول...

نيللي
ردك جميل ومشجع بجد انتظريني في باقي الجلسات
تحياتي

وصف الاحساس يقول...

ظلالي البيضاء
القصه ليست حقيقيه باي شكل من الاشكال
والهدف انها تحط حلول منطقيه لبعض المشاكل المشتركه بين الناس
فجايز تلاقي حاجه تشبهك وجايز تستفيد منها
تحياتي

وصف الاحساس يقول...

امه الرحمن
للاسف الطب بقي تجاره دلوقت مبقاش حاله انسانيه
مش عارفه الدكتور ده نلاقيه فين
بس لو لقيته هبلغ عنه ده بقي مطلوب جامد
ههههههههه
نورتيني يا قمر
تحياتي

وصف الاحساس يقول...

ريماس
سعيده ان القصه عجبتك يا قمر
انتظريني في باقي الجلسات
تحياتي