الاثنين، 1 فبراير 2010

العلم ...؟؟؟

من زمان اوي الواحد ماشفش علم مصر
من سبع تمن سنين ايام ما كنت لسه في المدرسة وبنحيي العلم
ممكن كنت اتخايل بيه تحت تعريف اي عضو في منتدي علي النت
ممكن علي ازازة بيبسي بس نغير الازرق باسود
انما اليومين دول قالي ايه
كل الناس معلقة علم مصر
ال علي العربيه
وال في الشباك وال علي البلكونة
سبحان الله
وكل ده ليه عشان مصر كسبت كاس الامم الافريقية
والله كويس لقينا حاجة نكسبها اخيرا
والدنيا هايصة بقي ومحدش له سيرة الا علي الكورة وسنين الكورة
وياسلام علي ماتش الجزاير ال الناس كانت بتلعب مع اللعيبه بغل
هاين عليهم ينزلو يقطعو الجزائر في الملعب
والله كويس
نفسي بس لفهم ده حلال ولا حرام
بيتهيالي اما تبقي هوايه وترفيه ما تبقاش حرام
انما اما 12 لاعب يجرو ورا كورة والعالم كله يتفرج
وال وراه حاجة يؤجلها دة يبقي ايه
اه انا مش بحب الكورة ومش هحبها
تقولو بقي اني من اعداء النجاح
غلاوية ولا براوية
برده 12 لاعب طويل عريض بيجرو ورا كورة
والنبي ايه الهيافة دي
يعني اما ابن واحد من اللعيبه دول يساله انت بتشتغل ايه
يقوله بجري ورا كورة طول الماتش
بلا نيلة
وصف الاحساس
تحياتي

ليست هناك تعليقات: