الخميس، 4 فبراير، 2010

احتجتلي...؟؟؟

زي كل يوم بتبقي محتاج حبيبك جنبك

محتاج كلامة ... ضحكته ... امانه

تستني معاده باليوم والسعة والثانيه

تجري ترمي همك في همه

تحس بحاجة غريبه فجاه مش عادة

تلاقيه هو كمان محتاجلك

مش عارف مين في الوقت ده ال يدي التاني

بدات الكلام معاه حاولت تداري ال فيك

لقيت صوته متغير مش دة حبيبي ال بكلمه كل يوم

تساله مالك يبدء يحكي ويشتكي

ياعيني مستني كلمه تريحه

بسمه تفرحة

امل يخرجه من ال هو فيه

محتاج يطمن بيك

دايما بيقول ان بسمتك هي فرحته

بينسي الدنيا وال فيها اما يسمع ضحكتك

تيجي تتكلم تحس انك مش قادر حتي تنطق

مش قادر تقول ولا كلمه

مش عارف تطفي ناره

يحس انك بتتخلي عنه

مستغرب موقفك

محتاج كلامك

ايوة سامعك اتكلم

مهما يحاول فانت مش قادر

بس هو مش عارف انك تعبان ومحتاجله

يحس انك متغير رغم صوتك زي ما هو

شوية يحس انك مخنوق بس مش قادر يسالك مالك

هو اصلا تعبان

تحاول تداري تاني وتكتم دمعتك عشان هو اغلي منك عليك

هو يستاهل انك مرة تتعب عشان

زي ماهو كتير تعب عشان

كتير تعب من كلامك ومن همك والمك واستحمل عشان بس انت عنده غالي

واغلي من اغلي غالي

تحاول وتنسيه بس برده بيحس بيك

تسخر من الموقف وتحاول تخرج بيه لحته تانيه

لا تفتح جرحك ولا جرحة

بس رغم الالم ال هو فيه

مش بيسيبك الا وانت فرحان ان جنبك حبيبك

مش بيسيبك وانت في دمعه في عينك خايف يسمع صوتها

دايما بيحاول يقوي عشانك

لانه مش بيحس انه قوي الا اما يشوفك كويس

اما يسمع ضحكتك

حبيبي ...

انا من غيرك

طفل صغير سابته امه علي نص السلم

لا هو قادر يطلعلها

ولا قادر يلف يرجع ينزل

فبيبكي لانه وحيد

انا من غيرك وحيد تعبان غريب

ربنا يخليك ليا

وصف الاحساس

تحياتي

ليست هناك تعليقات: