الاثنين، 1 فبراير، 2010

همس التنين ..!!!!

معرف طبعا ايه هو التنين مش محتاج كلام
كائن كدة زي ما شوفنا في افلام الكارتون ماعندوش هزار
ولا ياما ارحميني
ده بقي اما يهمس بس همسة يطلع نار يحرق الدنيا ال حواليه
طب هو ايه ال بيخليه يطلع نار امال هو بيشرب ميه ازاي
لا مش موضوعنا بقي مش وقته
ايه الحكاية ...
الحكاية بقي يا حلوين
ان الواحد حاسس انه مخنوق ومش قادر يتنفس
حاسس بنار خارجة من وشه ومن جواه
طب ليه كدة اقولكو
انا في العادي طيبة جدا
لا مش في العادي اوي
كنت زمان طيبه ايوة زمان ال هو بيختلف عن الان
كنت طيبه وهبلة وعبيطة وعلي نياتي اوي
بصدق اي حاجة تتقالي من اي حد
ما كنتش اتخيل ان في حد بيكدب خالص
عشان الكدب كان علي ايامنا حرام
زمان كان ال يكدب بيروح النار دلوقت بيروح مارينا
المهم بقي ايه...
اما كبرت شوية صغيرين
اكتشفت اني كنت طيبه وعبيطة قوم ايه بقي
بعد ما عرفت الدنيا وطبعا عالم النت عرفني كتير اوي
حسيت اني اتغيرت بس للاسف كنت برده طيبه
من غير ما اخوض في تفاصيل حكيتها كتير اوي مع نفسي
دلوقت حاسة اني بقيت عصبيه جدا جدا جدا
ممكن اولع في الدنيا وال فيها
ممكن اتخانق مع دبان وشي زي ما بيقولو
حاسة اني عاملة زي التنين ال لو همس في وش حد
بيبقي بيلعب في عداد عمره
عايزة اصرخ عايزة ابكي عايزة امشي
ايوة عايزة امشي امشي منها خالص
حاسة انها مش بتاعتي ولا انا منها
الدنيا دي صعبه اوي اما تعيش وانت مش عارف تصدق ولا تكدب
وان صدقت تبقي عبيط
وان كدبت تبقي سئ الظن
والله الواحد تعب من الدنيا
جوايا احساس فظيع بالنار ال عايزة تخرج تولع الدنيا
عمري ما كنت ممكن اتخيل في يوم اني ازعق في حد
بقيت مش بس بزعق بقيت بتخانق وممكن اكتر كمان
ااااااااااااااااااااااااااااااااااااااااااااااااااااااااااااااه
ياقلبي يا كتاكت يامانت شايف يا خويا وساكت
وصف الاحساس
تحياتي

ليست هناك تعليقات: