الأحد، 8 أبريل 2012

كائن اسمه توك توك

اراه كل يوم في طريقي بلونيه الاسود والاصفر او الابيض والاصفر .. لا اعلم لماذا الاصفر سمه مميزه فيه مع اي لون اخر ولكني كنت اعجب اكثر .. من ان الناس تعطيه الامان وتطمئن علي حياتهم معه ... فكنت اظن ان ايه سياره كبيره ستمر بجواره ستركله الي ايه ترعه علي جانبي الطريق ..
كثيرا كنت اعود من عملي في قمه الارهاق ولكن كنت اصر علي الا اجازف به وان امشي الي ان اصل بيتي ... ولكن ذلك اليوم قررت ان اخاطر بحياتي واركبه ... ربما اردت ان افتخر في نفسي اني ركبت توك توك
وبكل فخر واعزاز اشرت الي احدهم ..
" فاضي يا اسطي "
كان هذا الاسطي هو طفل لا يتعدي العاشره من عمره
" ايوه يا ابله علي فين "
اخبرته بالمكان الذي اريده .. فانطلق وكان احد اعطاه دفعه من الخلف ... امسكت بكلتا يداي بالحديده التي امامي وانا اقول في نفسي ..
" تستاهلي "
لحظات ووجدت نفسي اتشاهد علي عمره فقد انطلق الاسطي بسرعه كبيره في طريق اسفلتي مكسر فكان التوك توك يتمايل يمينا ويسارا وانا بداخله والاسطي يدندن مع عبد الباسط حموده " ندم عمرك " وفعلا كانت ندم عمري تلك المره
خرجنا من الطريق الاسفلتي المكسر الي طريق اسفلتي سليم تمر عليه سيارات الاجره واحده يمين واخري شمال اشعر بدوار في راسي من الخوف حيث يمر بينهم هذا التوك توك وكانه فار يمر تحت عقب باب او كجيري يهرب من توم الي جحره الصغير
جذبني صوت محرك التوك توك العالي شعرت انه يقوم بمجهود جبار ليقطع المسافات ولكن مع مراقبه الطريق فهو كالشمعه التي تحترق لكي لا يعيش احد حيث المسافه التي يقطعها لا تساوي ابدا المجهود الذي يفعله
بعد فتره ليست قصيره اشرت للاسطي علي مكان يقف عنده ونظرت لساعتي وجدت اني ان كنت قطعت المسافه مشيا لكنت وصلت منذ زمن ولكن لابد من التجربه هكذا نحن البشر لا نقتنع الا عندما نخاطر بحياتنا
وصف الاحساس
تحياتي

هناك 16 تعليقًا:

كف عاليا يقول...

ههههههههههههههه اولا اسعدنى ان اكون اول المعلقين فصباح الفل عليكى حبيبتى ثانيا فى مدينتى وهى دمياط لا يوجد التوك توك ولكنه فى القرى فقط ةلهذا كان نفسى اجرب احساسك ولكن بما انك وصفت شعورك فشكرا لك لا اريد ان اجربه
سلمت يداكى حبيبتى

ظلالي البيضاء يقول...

وصف الإحساس ..
ثاني من عرفتها في بلوغر ..
وأسعدني أن أعود إلى أهلي وإخوتي في التدوين فأقرأ كلماتهم اللطيفة ..
تجربة أضحكتني رغم أني لا أعلم ما هو التوك توك .. عسى أن تزودي التدوينة بصورة للتوك توك ..
وشرط الصورة أن تكوني في التوك توك وآثار الفزع والخوف بادية على محياك .. هههههههه
تحيتي لك أم محمود ..

;كارولين فاروق يقول...

والاسطي يدندن مع عبد الباسط حموده " ندم عمرك " وفعلا كانت ندم عمري تلك المره
هههههههههههههههه
فعلا لازم الواحد يجرب علشان يعرف
بس جميل تشبيهك للتوك توك بالفأرعجبني جدا
تحياتي

حنين محمد يقول...

صباح الغاردينيا وصف الاحساس
هههههههههههههه
بجد ضحكت من وصفك وخاصة من كلمة " ندم عمري " وتخيلتك وانتي بتتمايلي يمين ويسار مع التوك توك والمصيبة راكبة مع عيل كمان هههههههههه
طيب الحمدلله على سلامتك ياستي المهم جربتي التوك توك :) "
؛؛
؛
لروحك عبق الغاردينيا
كانت هنا
reemaas

هبة فاروق يقول...

ههههههههههههههه يا صباح التوك توك عارفه لو لقيت توك توك حركبه فسخه ظريفه تشعرى انك فى الملاهى والهواء من كل حته فعلا صعب وخطر لان اللى سايق دايما بيكون صغير فى السن استمتعت بقراءه رحلتك التوك توكيه الف سلامه انك رجعتى بالسلامه

وصف الاحساس يقول...

همسه محبه
يسعدني انك تكوني اول المعلقين
مساء الفل وميت مسا علي عيونك
انتي تبوسي ايدك وش وظهر ان معدكوش توك توك غير ال حكيته ده كله بيعمل زحمه بشعه وتلاقي الدنيا اتكركبت تكاتك
نورتيني يا قمر
تحياتي

وصف الاحساس يقول...

ظلالي البيضاء
يشرفني طبعا اني اكون تاني حد تعرفه علي البلوجر
التوك توك ده بقي يا سيدي مشروع متوسيكل واتقفل
يعني اتحطله عفشه كنبتين وسقف وجوانب زي العربيه كده بس من غير ابواب لو بقي من غير العفشه دي بيبقي تروسيكل ده موضوع تاني
طبعا الصوره لك ان تتخيلها بعد هذا الوصف بعد ما تضيف عليه واحده شبهي فاتحه بقها وعنيها علي اخرهم ههههههههههه
نورتني جدا وحمدلله علي السلامه
تحياتي

وصف الاحساس يقول...

كارولين فاروق
واي ندم عمري ده ندم العمر كله
تخيلي اما تشوفي مجموعه فران قصدي تكاتك واقفه في نفس المكان جنب عربيات كبيره تحسي فعلا بمنظر توم وجيري
نورتيني يا جميل
تحياتي

وصف الاحساس يقول...

ريماس
هذا العيل لا يعترف بعيوليته بالعكس يتعامل كانه مان يقود التوك توك باحتراف وتصدقي ممكن يكون بيخلي التوك توك يميل يمين وشمال كوسيله تسليه للراكب مثلا وعشان تبقي مره في العمر وتستحق فعلا كلمه ندم عمرك هههههههههههه
الله يسلمك قمر
نورتيني جدا
تحياتي

وصف الاحساس يقول...

هبه فاروق
انصحك تركبيه عادي وماله بس في حته مافيهاش عربيات ولا ناس والافضل علي ارض خضرا عشان او حصل حاجه ما تتعوريش هههههههههه
الله يسلمك يا قمر
نورتيني جدا
تحياتي

P A S H A يقول...

التوك توك ده وباء يا أستاذة والعياذ بالله ، ده في أحياء الناس فيها تبقى قاعدة في أمان الله في بيوتها تلاقي التوك توك بيتمشى عندهم في الصالة !
:)
خالص تحياتي

د.ريان يقول...

صباحكِ ورد وطيبة وصف الاحساس الراقية

ركبتي التوك توك ..!! يانهار زي الفل

هههههههههه باتخيلك تعيشي اللحظة مع الجو والحرارة والزحام وضحكت
لما قلتي لو مشيت كان أبرك هههههههههه

ربنا يسعدكِ واهو الواحد لازم يجرب

علشان الزحمة اي حلول لأنه بجد الزحمة متعبة

أسعدني الصباح هنا سيدتي

دمتم بكل جمال وموضوع رائع

وصف الاحساس يقول...

باشا
التوك توك ده من لحم كتافي وفاضلي شمسيه و ابقي القذافي
مقوله قريتها
التوك توك كارثه والله وللاسف بنتهاون في حياتنا ونركبه
نورتني جدا
تحياتي

وصف الاحساس يقول...

د ريان
صباحك ورد وفل
شوفت بقي ركبت توك توك اظن انتو مش عندكو تكاتك
والله فعلا لو اخدتها مشي كنت اوصل اسرع منه بس لازم برده نجرب
اسعدني صباحك جدا
تحياتي

ميمونة يقول...

أضحكتني كلماتك جدا هههههه
حتى أنا بالنسبة لي كانت مغامرة حينما ركبته
دمتي بود وحب
أختك : ميمي :))

وصف الاحساس يقول...

ميمي
شرفتيني في اول زياره للمدونه
اكيد كان نفس احساسي هو احساسي
رحله سعيده وحمدلله علي السلامه
نورتيني جدا
تحياتي