الاثنين، 8 فبراير 2010

الحب من طرف ثالث ...!!!

اشخاص في حياتنا ... نحتك بهم ...نراهم في اوقات
واوقات اخري لا نراهم
تجمعنا بهم اوقات ... وقد تفرقنا اوقات اخري
ليسو من ندعوهم احبائنا ...وليسو اصدقاء
او لا ينفع بطبيعة الحال ان يكونو اصدقاء
لكن ...
لهم في قلوبنا معزة خاصة لا نستطيع انكارها
نخجل ان نطلق عليها حب ........
مع انها بالفعل احساس بالحب
لكن ان اسميناها حب يغضب الحبيب لانه يعتبر تلك الكلمة ملكية خاصة
لا يطيق سماعها عن احد غيره
لذلك فالكثير من الناس لا يقدرون تلك المشاعر
سواء كانو الطرف الثالث او المتفرجون علي تلك العلاقة
فبالنسبة لمن هم طرف ثالث
فهم لا يشعرون بما نكنه لهم من مشاعر ومكانه عندنا
واحيانا تكون لهم افعال لا تليق باهميتهم بقلوبنا
كرئيس العمل عندما يفرق بالمعاملة بين زميلين تحت يده
او المدرس الذي ياتي بطلبات لا تليق بقدسية مكانته
ربما لست احد منهم
لكن تلك الافعال تجعلنا نعيد التفكير باحساسنا تجاههم
نعم هم بشر ولسنا حكام عليهم
لكن مكانتهم في حياتنا تجعلنا نضعهم في مكانه تعلو علي اخطاء بنو البشر
فدائما نلتمس لهم الاعذار دون ان يطلبوها
دائما نتغاضي عن افعالهم
دائما نحاول ان نحافظ علي مشاعرنا تجاههم
حتي لو لم يشعرو بها
حتي لو انكرها علينا المتفرجون او استنكرو امكانيتها او حرمتها
فلا احد يستطيع ان ينكر مشاعرنا علينا
ولا احد يستطيع ان يتحكم بما هو بقلوبنا
حتي من نعتبرهم طرف ثالث في العلاقة
او حتي الطرف الاول احبائنا
فيا من نعتبرهم طرف ثالث مهم في حياتنا
منكم نستمد احساسنا باشياء مهمة في حياتنا
منكم ناخذ قيمنا ونقيم اعمالنا
انتم قدوتنا في الدنيا
لا نريد ان نفقد احساسنا بكم
او تتغير مشاعرنا رغما عنا بكم
وصف الاحساس
تحياتي

هناك 8 تعليقات:

هي وظروفها يقول...

اولا سلامو عليكم

ثانيا يا بشمهندس من وجهه نظري ان مش مطلوب اي حد انه يكون ملاك لانه مش هيعرف غير انه يكون انسان

والغلط بتاعنا اننا لما بيكون في تقدير لناس معينه في حياتنا بنلاقينا لا نتوقع اخطائهم ولا نتوقع هفوات

ده يمكن يرجع لحبنا واحترامنا بس بيكون في مبالغه مننا في ملائكيتهم
علي راي ابراهيم ناجي
أي روحانيه تبعث من طين وماء
ضل في الأرض من ينشد ابناء السماء

لو عملنا كده احنا اللي هنرتاح
لان محدش هيغير اسلوب حياته لالافضل الا لو كان عايز يغيير نفسه مش عشان حد

طولت عليكي اوي في اول زرياره معلش انا رغاااااااااي

وصف الاحساس يقول...

هي وظروفها
اولا نورت المدونة والله
ثانيا هما بشر واحنا كمان بشر
بس اما بتحب حد بترفعة شويه من علي الارض
ممكن ساعات بتستغرب انه بيعمل حاجات كلنا بنعملها
خصوصا اما يكون الشخص ده في مكانه عاليه زي استاذك في الجامعه او رئيسك في الشغل او زميل اكبر منك
الناس دي بتاثر فينا اوي وممكن كمان بنحبهم اوي
بس هما بشر وما ينفعش نقولهم بنحبكم ودي حياتهم
ما نقدرش نحجر عليهم
بس برده بنحبهم نعمل ايه بقي
الظاهر اني اتعديت وبقيت رغايه زيك
معلش بقي من زمان ما حدش رد عليا وزي ما تقول ما صدقت
واخيرا طبعا نورت المدونة واصحاب المدونة
تحياتي

Tamer Nabil Moussa يقول...

الانسان طيب او شرس لية اخطاء

المهم من يكتشفها ويعمل على تجنبها

فى ما بعد

الاحساس بيكون صحيح صعب لما يكون التعامل غير قدير بنا

ولكن هى الحياة نصادف بها

من جميع الاشكال

مع خالص تحياتى

Unknown يقول...

يا من تبحث عن الكمال ما شكله فاعرفه واخبرك

او بشكل تانى هو الكمال دا شكله ايه عشان لو شوفته اعرفه


اما الاحساس دا اظن انه اللى بيقولوا انه الاعجاب

وصف الاحساس يقول...

والله الواحد ماهو مصدق نفسة
تلاتة يردو في موضوع واحد يارب ما اكون بحلم
المهم نرد علي الناس ال شرفونا

الاستاذ تامر نبيل

الحياه فعلا فيها جميع الاشكال والاصناف
بس الغريب ان في ناس بتبقي في اماكن مهمة مش بتقدر قيمة وجودها في الاماكن دي
الناس دي مش مهمة بالنسبة للشغل بس
لا بالنسبة للناس ال بتتعامل معاها كمان
اقولك زي مثلا اما تكون واحد شغال في مكان بعيد اوي عنك وانت شايف ان لمشوار صعب عليك تيجي كل يوم زي حالاتي كدة
في احتمالين
رئيسك في الشغل يكون بني ادم في الشكل بس وتيجي تستاذنه انك تريح انهارده عشان مشوارك بعيد يضحك ضحكة صفرا ويقولك ماليش فيه
غير اما يكون واحد تاني انت شايفه فاهم وانسان من جواه من نفسه هيقولك انت ممكن تريح بكرة وممكن كمان لو في عربيه تبع الشغل رايحة للمكان ال انت ساكن فيه يقولك روح معاها
ساعتها هتحس انك بتحترم الشخص ده وفي جواك امتنان له وممكن بتحبه لانه انسان محترم
والله مش عارفة ايه عدوي الرغي ال اخدتها دي
الله يسامحه ال كان السبب
المهم ان الناس دي فعلا مهمة في حياتنا
سواء برضانا او بغيره
انما هما بقي منهم للخالقهم
يا يتقو ربنا فينا يا اما بقي ........
وبس خلاص
تحياتي

وصف الاحساس يقول...

الاستاذ عيسوي الصغير

اولا شرفني وجودك في مدونتي الصغيرة
ثانيا
بيقولو الانسان الكويس ال تقدر تعد عيوبه مش مميزاته فم ضروري الكمال لان الكمال لله وحده
اما الاحساس فممكن تقول روح العمل او شيء لابد منه في المجموعه عشان العمل يتم كويس
مش مجرد اعجاب
وبس خلاص
تحياتي

سمع هوص (Abo 3li) يقول...

احساس جميل.. ان فيه حد بنحبه وبنحترمه ليس كا حبيب ولكن نوع اخر من الحب .. والاجمل اننا مش مستنين منه مقابل...


تحياتي

وصف الاحساس يقول...

سمع هوص
فعلا الاحساس جميل
والاجمل انك نورت المدونة واصحاب المدونة
شرفتني
تحياتي