دايما كنت بتابع علي قنوات الاغاني عداد الحب
و اما ييجي اسمي اشوف هيطلع كام مع مين
وكان في موقع بيجيب عداد الحب
دايما كنت احط اسمي واجيب اسامي كتير واشوف مين هيوفق معايا
بس عمر النسبه ما زادت عن 67 % معرفش ليه
واما اتخطبت وحبيت حد عمر اسمه ما جه في بالي ولا حطيته
افتكرت عداد الحب حطيت اسمي واسم خطيبي فيه برده 67 %
البدايه كانت قبل ما اشوفه بيومين تلاة مش فاكرة
فجاه نطقت باسمة "س" باستغراب كدة " س" مين هو انا اعرف حد اسمه " س"
حاجة غريبه معرفش حد بالاسم ده
بعدها بكام يوم شوفته وجالي
حد كويس مفيش فيه حاجة اقول عليها لا وافقت وشغلت عداد الحب
مفيش جوايا حاجة تعد له قلت يمكن
وفي حياة كل عداد يوم بنسميه يوم من عمري
هو ده اليوم ال علي اساسه يا بيزيد الحب يا بيروح خالص
ال حصل في اليوم ده عمري ما انساه
اليوم ال رحنا نشتري فيه الشبكة
كان هو فرحان اوي وانا طالبه معايا تناحة واستغراب اوي
جينا بعد الشبكة البيت كنت مستنيه يمشي باي طريقة عشان يكلمني تليفون
وكلمني قالي مالك مش فرحانه ليه
قلتله كنت مستغرباك ومش عارفة حاسة اني استعجلت كاني اول مرة اشوفك
مش عارفة حاسة اني مستغربة
لقيت بيهديني وبيقولي كلام جميل كنت حاسة انه في نار فيه
ومع ذلك بيكلمني كويس
تاني يوم كلمني كنت مفكراه هيقولي ازاي تقوليلي كدة ويلومني علي كلامي
كنت فاكرة كلامه غير كدة كنت خايفة منه ومن كلامه
بس لقيت حاجة تانيه خالص
لقيته بيقولي عايز اقولك حاجة
انا نفسي افرح وعارف انك نفسك تفرحي
ما تستكتريش علي نفسك الفرحة ولا عليا
وعيشي اللحظة وافرحي زي كل الناس ما بتفرح
تاني يوم رحنا نجيب فستان الشبكة وكنا مسافرين في القطار
وكان احلي يوم عشته في حياتي كلها وال فيه حسيت اني اعرفه من سنين مش هو ال كنت مستغرباه امبارح
حقيقي هو ده اليوم ال عمري ما انساه وال عليه بقيس عداد الحب
انه يوم في العمر مع الحبيب يا اما يقدر يسعدك بكل ما يقدر يا اما تحس انك غريب عنه
وانه مش قادر يحس بيك
العداد مش كلمة بحبك في يوم من كل سنة
العداد بيعد كل يوم يا اما بالزيادة او بالناقص
كل سنة وانت حبيبي
وصف الاحساس
تحياتي
هناك 9 تعليقات:
الله على الاحساس
:)
ربنا يخليكو لبعض ويتمملكم على خير يا رب
جميل اوي احساسك ده.. وجميل كلامك
العداد مش كلمة بحبك في يوم من كل سنة
العداد بيعد كل يوم يا اما بالزيادة او بالناقص
فعلاً
تحياتي لكِ :)
تجديد عواطف بمناسبة عيد الحب
ايوه كده عاوزين تعملى ريفريش كده
مجرد حلم صغنتوت
مرسي يا قمر علي الكلام الحلو ويارب يفرحك انتي كمان
نورتي يا قمر
تحياتي
العيسوي الصغير
طبعا محتاجين تجديد
دة حتي يبقي مش كويس اما ييجي عيد الحب وما نفرفش كدة
نورت المدونة
تحياتي
ربنا يتمملك علي خير يارب...
بس ساعة الفرح لازم تعزموووني... او تبعتولي الجاتوووه..
بوست رقيق وراقي
سمع هوص
والله منور يا باشا
ويسمع منك ربنا
اهو احنا عدينا نص المدة وفاضلنا شهرين ونخرج حسن سير وسلوك
وما تقلقش حقك محفوظ في الجاتوه
نورت المدونة
تحياتي
الحمد لله ..
يمكن فاتني أعرف شيء عن خطبة وزواج أختي الشقيقة الوحيدة لأنني كنت صغيراً عندما تزوجَتْ ..
لكنني اليوم أشعر أنني أعيش قصة حب وزواج أختٍ لي صغيرةٍ من خلال النت ..
الحمد لله النت عوضنا عن أشياء كثيرة ربما حرمنا منها سابقاً ..
هو آباءنا عاشوا إزاي من غير نت ؟؟ ههههه
لأ إحنا كمان قبل كام سنة كنا عايشين إزاي من غيره ؟؟
تحياتي ومبروك سلفاً .. بس يارب تكون الأيام القادمة أحلى وأحلى .. أنا لسه ما خلصتش من قراءة البوستات القادمة ..
الحمد لله ..
يمكن فاتني أعرف شيء عن خطبة وزواج أختي الشقيقة الوحيدة لأنني كنت صغيراً عندما تزوجَتْ ..
لكنني اليوم أشعر أنني أعيش قصة حب وزواج أختٍ لي صغيرةٍ من خلال النت ..
الحمد لله النت عوضنا عن أشياء كثيرة ربما حرمنا منها سابقاً ..
هو آباءنا عاشوا إزاي من غير نت ؟؟ ههههه
لأ إحنا كمان قبل كام سنة كنا عايشين إزاي من غيره ؟؟
تحياتي ومبروك سلفاً .. بس يارب تكون الأيام القادمة أحلى وأحلى .. أنا لسه ما خلصتش من قراءة البوستات القادمة ..
الحمد لله ..
يمكن فاتني أعرف شيء عن خطبة وزواج أختي الشقيقة الوحيدة لأنني كنت صغيراً عندما تزوجَتْ ..
لكنني اليوم أشعر أنني أعيش قصة حب وزواج أختٍ لي صغيرةٍ من خلال النت ..
الحمد لله النت عوضنا عن أشياء كثيرة ربما حرمنا منها سابقاً ..
هو آباءنا عاشوا إزاي من غير نت ؟؟ ههههه
لأ إحنا كمان قبل كام سنة كنا عايشين إزاي من غيره ؟؟
تحياتي ومبروك سلفاً .. بس يارب تكون الأيام القادمة أحلى وأحلى .. أنا لسه ما خلصتش من قراءة البوستات القادمة ..
إرسال تعليق